يا ناس , يا هووه , يا خلق الله , مفيش في شرع ربنا ولا في أي قانون ماده بتحرم إن الإنسان يكون ملياردير , مالتي ملياردير , من أيام سيدنا رسول الله اللي قال تسع أعشار الرزق في التجاره كان فيه سيدنا عبد الرحمن بن عوف وكان بمفهوم الأيام دي مالتي ملياردير , غني جدا مع إن فيه ناس كانت بتلبس توب واحد صيف وشتا , سنة الله في الكون يا أخي , طالما إن الملياردير بيؤدي اللي عليه تجاه الدوله ( زكاه أو ضريبه ) , يبقى مش متهم بحاجه , عبد الرحمن بن عوف على فكره لما كان بيجهز جيش المسلمين على حسابه مكانش مفروض عليه كده , يعني ده فضل وكرم منه , أصدقائي الإخوان اللي بيقولو جملة من كلمتين ( ساويرس وملياراته ! ) وكأن الكلمه التانيه هي اتهام للكلمه الأولى , لو عندك ما يثبت إن ساويرس مبيدفعش الضرايب اللي عليه يبقى الدوله من حقها تحقق معاه وتسجنه إنما اللي حصل معاه غير كده , نظام إتاوه , إدفع لنا كام مليار لأن الإقتصاد واقع وإلا هنخرب بيت أهلك ونفضحك , يعني شخلل جيبك عشان تعدي , وهو مش مضظر على فكره , بالمناسبه لو حصل طاعون في دوله فأثريائها مش مضطرين يشترو أدويه على حسابهم للكارثه دي طالما بيأدو زكاتهم أو ضريبتهم , ودي حضرتك بتبقى مسئولية الدوله في مواجهة الكارثه,..................... ماهو شوفو بقى لو كنا مصرّين إننا نفكر بمؤاخراتنا , يبقى من باب أولى نغطي راسنا عشان عوره ونكشف مؤاخراتنا عشان نفكر بشكل كويس !!.
.
محمد حسين
ليست هناك تعليقات:
إرسال تعليق