وعلى فكره بقى , الليبراليين بتوع مصر دول لا هيمسكو سلطه في الدنيا ولا هيدخلو جنه في الأخره , أه والنعمه, قولي ليه ؟ , بقى يا سيدي لو اتنين فينا اختلفو في لون الكرافته بس بيقومو عاملين 3 أحزاب مختلفه , في حين إن الطرف التاني بيتحدو مع إنهم مكفرين بعض قبل كده ونصهم كان بيشتغل أمن دوله على النص التاني , النهارده الصبح كتبت عن رؤساء مصر التلاته وحلفاؤهم ( أمريكا ولا السوفيت ) وإن الإخوان بيطاطو للنمله ( قطر ) , قوم أصدقائي الليبراليين سابو النمله و اختلفو فيما بينهم , هو السادات كان حليف امريكا ولا السوفيت ولا كان حليف امريكا وبعدين السوفيت ولا العكس , دخل صديق إخوانجي متنكر جاب جون وطلع على طول , قالك إن قطر دي بتتحكم في اقتصاد العالم والمجموعه الشمسيه وهي اللي هتعالج ثقب الاوزون , يعني الراجل عارف هدفه من البدايه , الإخوان بيعبدو حمد وموزه يبقى أنصار الإخوان يعبدو حمد وموزه , ناس على باطل تماما ومش بيختلفو واحنا على حق تماما وبنقطع في بعض , طيب يا مؤمن بلاش دي , طلبت من الناس أصدقائي على الشات إنهم ينكزوني ( نكز يعني ) , وجاتلي الرسايل كالتالي ( إنت عايزني انكزك ليه ؟ هو إيه اللي حصل ؟ بس أنا عايز أفهم الأول ؟ وهل يا ترى النكز ده هيأثر عليّ ولا لأ ؟ يعني انكزك كده وانا مش فاهم ؟ مش ممكن تكون غرضك حاجه تانيه ؟ ...........وهكذا , تخيل واحد إخوانجي قال محتاج نكز , هتلاقي كل أصدقاؤه بيعملو النكز مع رساله رقيقه ( حاضر يا أخي المؤمن ) , طيب قولي بقى هنمسك سلطه إزاي ؟ إفرض يعني إننا وانت اختلفنا في لون كرسي الرئاسه ؟!!.
.
محمد حسين
ليست هناك تعليقات:
إرسال تعليق