صباح الخير , ماهو احنا عملنا ثوره بقى وناس ماتت وناس اتسحلت وناس اتعرت عشان ظباط الداخليه يربو دقنهم , الموضوع ده كان حازز في نفسيتنا جدا أيام مبارك وعشان كده عملنا ثوره , كنا بنشوف الظابط من دول بيعامل المواطن بشكل رائع فوق الوصف , ويطبطب عليه ويقول له يابويا ماتخافش أنا جنبك وانت ذي والدي , ساعتها كانت الدموع بتفر من عنينا ونقول يا إلهي , ليه الظباط الطيبين أوي دول , اللي مقطعين حصر الجامع ممنوعين من تربية دقنهم , قمنا عملنا ثوره , ومات مننا 2000 شاب على إيد مخلوقات فضائيه (مش الظباط اللي عايزين يربو دقنهم) , بس الحمد لله , الهدف الرئيسي من الثوره اتحقق , إحساس لا يوصف وانا بشوف أخويا الظابط مربي دقنه وماشي في الشارع , لا قتل ولا سحل ولا عرّى ولا عذب ولا شهد على الكلام ده ولا شاف زمايله بيعملو كده , وان شاء الله بإذن واحد أحد المره الجايه نعمل ثوره تانيه كبيره عشان ظابطات الداخليه البنات يتنقبو !! , وفي نهاية مسلسل الثورات نبقى نجوّز الظابط الملتحي للظابطه المنقبه ويعيشو في تبات ونبات ويقتلو شباب وبنات !!.
.
محمد حسين
ليست هناك تعليقات:
إرسال تعليق