صباح
الخير , إنت كافر , إنت صليبي , إنت مؤمن تقي , إنت علماني منحل , كسرنا
منصه العلمانيين الكفره في التحرير , منعنا حفل المسيحيين الكفره في الصعيد
, حاجزين الطفله المسيحيه عندنا لحد مانفكر في أمرها .....إلخ!! , في أكثر
الكتب السياسيه تشاؤما , لن تجد تعريفا للفاشيه أسوأ من الكلام اللي فات
ولا اللي جاي ! , إياك تكون فاكر إن الفاشيه دي كوكب في مجرة درب التبانه
ويبعد عنك ملايين السنين الضوئيه ! , ولا
تكون فاكرها قوقعه في أعماق أعماق المحيط المتجمد الشمالي , ولا تكون فاكر
الفاشيه نوع من أنواع حلاوة المولد ذي السمسميه والفوليه والعسليه! , لأ
خالص , مفيش علاقه بين حلاوة المولد المصريه و الفاشيه الدينيه , الإتنين
بيشتركو في حاجه واحده بس ( البندقيه ) اللي بناكلها في الحاله الأولى
وبتاكلنا في الحاله التانيه ! , الفاشيه أقرب لك مما تتخيل, صباح الخير مره
تانيه.
.
محمد حسين
ليست هناك تعليقات:
إرسال تعليق