عمرك
جربت الحكايه دي ؟ , جربت إنك تمسك ورقه وقلم أو كي بورد وشاشه وتكتب حاجه
معينه من ذهنك وبعد ما تخلص كتابه تلاقي نفسك كاتب حاجه تانيه خالص ؟
إحساس جميل أوي , هتلاقي المنتج مختلف عن المعطيات لكنه منتج جميل برضه ,
بنتي بتجيب كراسة الرسم والألوان وتقولي يابابا هرسملك فراشه , وبعد ما
تخلص رسم تلاقيني انبهرت بإزازة المايه اللي هي راسماها ! , ساعتها مش بفكر
في الفراشه اللي وعدتني بيها بأشكالها وألوان
ها الجميله وبكتفي إني أستمتع وانبهر بإزازة المايه ( المنتج ) لدرجة إني بحس فجأه إني عطشان أوي !.
.
هنروح بعيد ليه ؟ , ماحنا عملنا ثوره العالم يحكى ويتحاكى بيها , شهدا ودم وكاميرات بتصور وملايين في الشارع ( معطيات ) , وفي الأخر لقينا المنتج عباره عن صينية بطاطس باللحمه الضاني ! , تقعد إنت بقى تعيط على الثوره والحلم والفكره ولا تستمتع بطعم البطاطس ؟ هو حد لاقي اللحمه الضاني النهارده ؟ إستمتع بالمنتج وارضى بيه , الإسلاميين مسكو الحكم ؟ عظمه أوي , ناس عارفين ربنا لا بيشربو خمره ولا بيكدبو ولا بياكلو مال النبي! , مش أحسن من غيرهم ؟ هيجوزو الأطفال في ابتدائي ؟ وماله , هترتاح من المصاريف والتعليم والبيت يفضى لك انت ومراتك بدل دوشة العيال والفصول هتفضى , بدل كثافة الفصل ماتكون 50 هتكون 25 , خلى الأولاد يتعلمو كويس , .......هيهدو أبو الهول ؟ وانت زعلان ليه , هو ابو الهول كان جوز خالتك ؟ ياراجل يهدوه , ماهو بقاله كام سنه قاعد لنا بوش أمه العكر لما جابلنا الفقر , لا بيحلب ولا بيبيض ولا بيولد ....بيقتلو العساكر في سينا ؟ هو انت عسكري في سينا ؟ لما يكون لك قريب في الجيش ويجيله توزيع في سينا خليه يرفض ويمتنع وأخرها 6 شهور في السجن العسكري وخلاص ....مش هيجيبو حق الشهدا ؟ يعني لو مبارك وطنطاوي والعادلي خادو إعدام الشهدا هيصحو من قبرهم تاني ؟ ياراجل كبر دماغك....أنا عايزك تستمتع بالمنتج , دوق كده والنبي ؟ إيه رأيك ؟ الأستاذ اللي قاعد ومستخبي في أخر قايمة الأصدقاء , مقولتليش إيه رأيك في صينية البطاطس بالثوره الضاني ؟!.
.
هنروح بعيد ليه ؟ , ماحنا عملنا ثوره العالم يحكى ويتحاكى بيها , شهدا ودم وكاميرات بتصور وملايين في الشارع ( معطيات ) , وفي الأخر لقينا المنتج عباره عن صينية بطاطس باللحمه الضاني ! , تقعد إنت بقى تعيط على الثوره والحلم والفكره ولا تستمتع بطعم البطاطس ؟ هو حد لاقي اللحمه الضاني النهارده ؟ إستمتع بالمنتج وارضى بيه , الإسلاميين مسكو الحكم ؟ عظمه أوي , ناس عارفين ربنا لا بيشربو خمره ولا بيكدبو ولا بياكلو مال النبي! , مش أحسن من غيرهم ؟ هيجوزو الأطفال في ابتدائي ؟ وماله , هترتاح من المصاريف والتعليم والبيت يفضى لك انت ومراتك بدل دوشة العيال والفصول هتفضى , بدل كثافة الفصل ماتكون 50 هتكون 25 , خلى الأولاد يتعلمو كويس , .......هيهدو أبو الهول ؟ وانت زعلان ليه , هو ابو الهول كان جوز خالتك ؟ ياراجل يهدوه , ماهو بقاله كام سنه قاعد لنا بوش أمه العكر لما جابلنا الفقر , لا بيحلب ولا بيبيض ولا بيولد ....بيقتلو العساكر في سينا ؟ هو انت عسكري في سينا ؟ لما يكون لك قريب في الجيش ويجيله توزيع في سينا خليه يرفض ويمتنع وأخرها 6 شهور في السجن العسكري وخلاص ....مش هيجيبو حق الشهدا ؟ يعني لو مبارك وطنطاوي والعادلي خادو إعدام الشهدا هيصحو من قبرهم تاني ؟ ياراجل كبر دماغك....أنا عايزك تستمتع بالمنتج , دوق كده والنبي ؟ إيه رأيك ؟ الأستاذ اللي قاعد ومستخبي في أخر قايمة الأصدقاء , مقولتليش إيه رأيك في صينية البطاطس بالثوره الضاني ؟!.
.
محمد حسين
ليست هناك تعليقات:
إرسال تعليق