في
قريتنا شيخ غفر إسمه رجب , بيشيل بندقيه طولها متر ونص وعنده شنب وزنه 9
كيلو , من كام سنه كترت حوادث سرقة المواشي فقرر رجب إنه يعمل كمين على
مدخل القريه ويحط سلك يقفل بيه الطريق عشان العربيات متدخلش البلد إللا لما
يتأكد منها , ورجب صوته صوت بقره واكله نص فدان برسم على غيار الريق ,
وطول الليل رجب بينادي ويقول هه مين هناك هه مين هناك, وتقريبا هو فرحات
بالجمله دي وكان حلم حياته يطلع غفير, طبعا الحرا
ميه
كلهم عرفو وسمعو بحكاية رجب , وفي ليله من ذات الليالي دخل الحرميه
بعربيتهم النص نقل عالكمين الرجباوي , وقالوله سلامو عليكو يارجب باشا ,
قال لهم عليكو السلام , اتفضلو الشاي والله وفتح لهم الطريق , دخل الحراميه
وعبو في عربيتهم البهايم اللي تقدر عليها العربيه ورجعو من نفس الطريق ,
وعند الكمين وقفو العربيه ونزلو شربو شاي مع رجب عشان مش يزعلوه ولما خلصو
فتحو الطريق بإيديهم وعدو بالعربيه ورجب بيشاور لهم ويقول مع ألف سلامه ,
ربنا معاكو....هه مين هناك هه مين هناك !!.
.
مشكلتنا أبدا مكانتش في تطبيق القانون ولا تطبيق الشريعه...الماده التانيه كانت موجوده والقانون موجود والحراميه داخلين طالعين...مش مهم هتطبق إيه ؟ المهم هتقدر تطبق ؟ وانت عندك جهاز شرطه واكله السوس وقضاه ونيابه ربنا أعلم بيهم وثغرات في القانون لما بقى عامل ذي جالابية سنبل في رحلة المليون ....أخشى بعد إقرار الدستور وتطبيق الشريعه إن الريس مرسي هيتقمص دور رجب الغفير ويقعد طول الليل يقول هه مين هناك ؟!!!!!!!.
.
محمد حسين
.
مشكلتنا أبدا مكانتش في تطبيق القانون ولا تطبيق الشريعه...الماده التانيه كانت موجوده والقانون موجود والحراميه داخلين طالعين...مش مهم هتطبق إيه ؟ المهم هتقدر تطبق ؟ وانت عندك جهاز شرطه واكله السوس وقضاه ونيابه ربنا أعلم بيهم وثغرات في القانون لما بقى عامل ذي جالابية سنبل في رحلة المليون ....أخشى بعد إقرار الدستور وتطبيق الشريعه إن الريس مرسي هيتقمص دور رجب الغفير ويقعد طول الليل يقول هه مين هناك ؟!!!!!!!.
.
محمد حسين
ليست هناك تعليقات:
إرسال تعليق