كويس
أوي , 12 ألف جندي لتأمين زيارة مرسي لأسيوط ! داحنا لو هنحارب السودان
يكفينا 6 ألاف ونطفي أنوار الطيارات بس ! هيعمل ايه مرسي في أسيوط ؟ هيبني
مصانع بإيده هو وال 12 ألف...ولا هيزرع الصحرا ؟ إطلاقا , كل الحكايه هيخطب
خطبه عصماء ويعمل دعايه للإخوان في أسيوط....إنما لو بنتكلم عن تنميه في
أسيوط و12 ألف جندي فانا عندي اقتراح حلو أوي وهيعمل أحسن دعايه والله
للإخوان , العدد ده من الجنود بدل ما يقف على
رجليه يوم كامل في طابور تأمين..إحنا نجيبلهم كواريك وفوس وأدوات كامله
بأقل من تكلفة تسليحهم ونديهم نفس البدل اللي هياخدوه من تأمين
الزياره....والله والله...هذا العدد بمعدات ومواد بسيطه جدا كافي لرصف كل
الشوارع الغير مرصوفه في أسيوط وإقامة شبكات صرف صحي لكل المناطق التي لم
تصل إليها ...إيه رأيك في الفكره يا دكتور مرسي ؟ وبالنسبه لموضوع الخطبه
العصماء فحضرتك ممكن تخطبها من مكتبك وتتذاع على الهوا مباشره وأتحدى أن
عدد الذين سيتابعون خطبتك يكفي لجلب إعلانات اللاصقه السحريه !!.
.
محمد حسين
ليست هناك تعليقات:
إرسال تعليق