الغنم

هبطل أكتب للغنم
أدي الكلام

وادي الورق
وادي القلم
ماللي يعيش يعيش
واللي يموت يموت
ملعون أبوها الثوره
مابتفتح بيوت
.
أرض الفراعنه
معطنه ومنشعه

والراعي خادها
مقشره ومدلعه
وعايزها مقسومه أربعه
ده ربع أول للغنم
وربع تاني للغنم
وربع تالت للغنم
وربع رابع للغنم
واحنا اللي عايشين عالحروف
جوانا خوف

هتعيش تموت حسب الظروف
اختار يا صاحبي سكتك
ياتموت شهيد
ياتعيش خروف
هاعيش خروف
أكل سكوت
واشرب سكوت
ملعون أبوها الثوره
مابتفتح بيوت
.
محمد حسين