أيام
الثوره كنت بحلم بحلم كبير , حلم حقيقي وانا صاحي , بحلم إني أخرج مع واحد
صاحبي في رحلة سفاري ( ساعة العصاري ) في الصحرا بعربية جيب جديده نصطاد
غزلان ....أو أسود ( اللي يقابلنا بقى ) , ويشاء السميع العليم يطلع علينا
ديب ونهرب منه ( مش تخصصنا), وبعدين نتوه في الصحراء فنتصل برقم مجاني
تجيلنا طيارة هليكوبتر تابعه لوحدة الإنقاذ في الجيش وتوصلنا لحد
البيت.........! أه والنعمه , شوفتو سفاله في الأحل
ام أكتر من كده...بس حسيت إن ده حقي كمواطن.
ومن كام شهر اتبدل الحلم لكنه منتهاش , بقيت بحلم بحلم كبير تاني , بحلم إني أخرج مع واحد صاحبي ساعة العصاري بالفيزبه بتاعته ( معلش بعنا العربيه عشان البنزين غالي ) , نلف فشوارع القاهره ندور على أنبوبة غاز , ويشاء السميع العليم إن ولاد الحلال دلونا على واحد عنده أنابيب , وصلنا للتاجر اللي شبه المجرمين , فضل يتلفت حواليه ويشوف حد مراقبنا ولا لأ , وخدنا منه الأنبوبه ب 100 جنيه بعد ماتطمن إن الدار أمان , وحنا راجعين شوف بقى النهايه السعيده الأنبوبه منفجرتش فوشنا , يا فضل الله والحكومه علينا , مع إن من يومين بس كنت شايف بعيني أنبوبه بتنفجر في الشارع موتت يجي 20 واحد والحكومه قالت إن السبب في الحادث هو ( فزبتين دخلو فبعض ).
.
محمد حسين
ومن كام شهر اتبدل الحلم لكنه منتهاش , بقيت بحلم بحلم كبير تاني , بحلم إني أخرج مع واحد صاحبي ساعة العصاري بالفيزبه بتاعته ( معلش بعنا العربيه عشان البنزين غالي ) , نلف فشوارع القاهره ندور على أنبوبة غاز , ويشاء السميع العليم إن ولاد الحلال دلونا على واحد عنده أنابيب , وصلنا للتاجر اللي شبه المجرمين , فضل يتلفت حواليه ويشوف حد مراقبنا ولا لأ , وخدنا منه الأنبوبه ب 100 جنيه بعد ماتطمن إن الدار أمان , وحنا راجعين شوف بقى النهايه السعيده الأنبوبه منفجرتش فوشنا , يا فضل الله والحكومه علينا , مع إن من يومين بس كنت شايف بعيني أنبوبه بتنفجر في الشارع موتت يجي 20 واحد والحكومه قالت إن السبب في الحادث هو ( فزبتين دخلو فبعض ).
.
محمد حسين
ليست هناك تعليقات:
إرسال تعليق