حَدْف الخليج !!
.
.
صباح الخير , أنا واحد من جيل اتربى واتعلم في المدارس وهو صغير حاجتين اتنين في الدين , أولا إن التصوير حرام , وقالك أصله لو فوتوغرافي معرفشي إيه ولو رسمه مرسومه أبصر إيه ؟, وهتيجي بقى يوم القيامه وربنا يقولك إنفخ الروح في الصوره دي !! , إلهي تتنفخ يا بعيد نفخ البلالين في يوم العيد .
.
والحاجه التانيه هي صوت المرأه , كان ليا زميله في إعدادي كل ما يدخل مدرس جديد تسأله ( يا أستاذ يا أستاذ هو صوت المرأه عوره ؟ ) , حتى لو كان المدرس ده بتاع جغرافيا أو فرنساوي .
.
الحكايه كلها إن مصر اتحدف عليها كام ألف عاطل من اللي سافرو الخليج واشتغلو مقاولين أنفار أو في مكتب عقاري , ورجعو من هناك بتوب قصير ودقن طويله , ويبقى مولانا اللي سافر وهو عاطل عن العمل رجعبحاجتين , بنى له بيت بالطوب الأحمر واشتغل شيخ وداعيه ومفتي لحد مانلاقي مفتي , بسميهم مشايخ ( حدف الخليج ) .
وبعد عشره قول عشرين سنه يا مؤمن تلاقي نفس الشيخ اللي كان فاحت نفسه في قضية التصوير حرام .... مبقاش يقوم من قدام الكاميرا , وبقى التصوير حلال والرسم حلال , مش بس كده , الفوتو شوب لتزييف الحقايق بقى حلال , حلال أوي , حلال جدا ....حتى اسأل الدقون في شبكة رصد !!.
و بعد عشره قول عشرين سنه برضه تطلع لك واحده ست من بتوع صوت المرأه عوره ولا لأ , وتتكلم وتخطب والأهم إنها بتسب وتكذب وتقذف المحصنات .....حتى اسألو أم أيمن !!.
.
الإلحاد هو نتاج لمشايخ الجهل ومقاولين الأنفار , هو أبسط الطرق على الإنسان للتخلي عن التزاماته في الحياه , سهله الحكايه أوي , مش هصلي مش هصوم , هشرب خمره واكذب والعن الأديان ..ألف مبروك يابني إنت بقيت ملحد أد الدنيا , عقبال ماتتجوز بقى وتخلف لنا ملحدين وملحدات يتنططو حوالينا !!.
.
والإلحاد بيحصل لأتفه الأسباب , شيطانك قاعد وموجود ومعاه النوته وبيسجل , حضرتك فتحت فيديو لقيت شيخ ( من بتوع حدف الخليج ) , بيقولك إن الرجل المسلم يجب عليه أن يعاشر زوجته المسيحيه كأنه يغتصبها , وأن يبغضها في الله , انتهت فتوى الشيخ وده قيادي سلفي بالمناسبه , طيب حضرتك هتسمع الفتوى مره تانيه وتالته وهتفكر فيها بالشكل ده , معقوله كده ؟ يعني ربنا منزل دين بيطالب باحتقار وازدراء الأخر ؟ حتى لو كان الأخر ده هو الزوجه اللي خدتها من بيت أهلها بميثاق الله ؟ معقوله الإسلام بيحتقر المرأه للدرجه دي ؟ ده يبقى كده دين تعبان مله !!... غلط يا صاحبي , الحكايه إن شيخك هو اللي مقاول أنفار بس انت اللي مش واخد بالك .
.
جرّب كده بس وخليه بيخطب على المنبر وقوم إنت في وسط المصلين وقول بصوت عالي , ياخوانا أنا عندي فيلا بشطبها محتاج مقاول أنفار يجيب لي الصنايعيه وهديله اللي هو عايزه , هتلاقيه نط من عالمنبر وقالك ( سَمْ يا طويل العمر ) !!.
.
.
صباح الخير , أنا واحد من جيل اتربى واتعلم في المدارس وهو صغير حاجتين اتنين في الدين , أولا إن التصوير حرام , وقالك أصله لو فوتوغرافي معرفشي إيه ولو رسمه مرسومه أبصر إيه ؟, وهتيجي بقى يوم القيامه وربنا يقولك إنفخ الروح في الصوره دي !! , إلهي تتنفخ يا بعيد نفخ البلالين في يوم العيد .
.
والحاجه التانيه هي صوت المرأه , كان ليا زميله في إعدادي كل ما يدخل مدرس جديد تسأله ( يا أستاذ يا أستاذ هو صوت المرأه عوره ؟ ) , حتى لو كان المدرس ده بتاع جغرافيا أو فرنساوي .
.
الحكايه كلها إن مصر اتحدف عليها كام ألف عاطل من اللي سافرو الخليج واشتغلو مقاولين أنفار أو في مكتب عقاري , ورجعو من هناك بتوب قصير ودقن طويله , ويبقى مولانا اللي سافر وهو عاطل عن العمل رجعبحاجتين , بنى له بيت بالطوب الأحمر واشتغل شيخ وداعيه ومفتي لحد مانلاقي مفتي , بسميهم مشايخ ( حدف الخليج ) .
وبعد عشره قول عشرين سنه يا مؤمن تلاقي نفس الشيخ اللي كان فاحت نفسه في قضية التصوير حرام .... مبقاش يقوم من قدام الكاميرا , وبقى التصوير حلال والرسم حلال , مش بس كده , الفوتو شوب لتزييف الحقايق بقى حلال , حلال أوي , حلال جدا ....حتى اسأل الدقون في شبكة رصد !!.
و بعد عشره قول عشرين سنه برضه تطلع لك واحده ست من بتوع صوت المرأه عوره ولا لأ , وتتكلم وتخطب والأهم إنها بتسب وتكذب وتقذف المحصنات .....حتى اسألو أم أيمن !!.
.
الإلحاد هو نتاج لمشايخ الجهل ومقاولين الأنفار , هو أبسط الطرق على الإنسان للتخلي عن التزاماته في الحياه , سهله الحكايه أوي , مش هصلي مش هصوم , هشرب خمره واكذب والعن الأديان ..ألف مبروك يابني إنت بقيت ملحد أد الدنيا , عقبال ماتتجوز بقى وتخلف لنا ملحدين وملحدات يتنططو حوالينا !!.
.
والإلحاد بيحصل لأتفه الأسباب , شيطانك قاعد وموجود ومعاه النوته وبيسجل , حضرتك فتحت فيديو لقيت شيخ ( من بتوع حدف الخليج ) , بيقولك إن الرجل المسلم يجب عليه أن يعاشر زوجته المسيحيه كأنه يغتصبها , وأن يبغضها في الله , انتهت فتوى الشيخ وده قيادي سلفي بالمناسبه , طيب حضرتك هتسمع الفتوى مره تانيه وتالته وهتفكر فيها بالشكل ده , معقوله كده ؟ يعني ربنا منزل دين بيطالب باحتقار وازدراء الأخر ؟ حتى لو كان الأخر ده هو الزوجه اللي خدتها من بيت أهلها بميثاق الله ؟ معقوله الإسلام بيحتقر المرأه للدرجه دي ؟ ده يبقى كده دين تعبان مله !!... غلط يا صاحبي , الحكايه إن شيخك هو اللي مقاول أنفار بس انت اللي مش واخد بالك .
.
جرّب كده بس وخليه بيخطب على المنبر وقوم إنت في وسط المصلين وقول بصوت عالي , ياخوانا أنا عندي فيلا بشطبها محتاج مقاول أنفار يجيب لي الصنايعيه وهديله اللي هو عايزه , هتلاقيه نط من عالمنبر وقالك ( سَمْ يا طويل العمر ) !!.
هذا المكتوبُ
على شفتيكِ يجاهرُ
أبداً بالحسنِ
وجمالُكِ شرعٌ
للعشّاقِِ ومَنْ يعبُدْ
.
فدعيني
أتوضأُ خمساً
من نهرٍ
يسبحُ بعيونكْ.
.
.
محمد حسين
على شفتيكِ يجاهرُ
أبداً بالحسنِ
وجمالُكِ شرعٌ
للعشّاقِِ ومَنْ يعبُدْ
.
فدعيني
أتوضأُ خمساً
من نهرٍ
يسبحُ بعيونكْ.
.
.
محمد حسين
واحمد عبد الظاهر في لقاء مع أحد
المواقع قال إنه رفع فعلا إشارة رابعه وكان يقصد الترحم على شهداء الإخوان والشرطه
!! , هع هع الإخوان والشرطه ؟ الإتنين يا عبظاهر ؟ الإتنين يا وله ؟ , وانا اللي
ظلمتك وقلت إنت تبع مرسي أتاريك تبع أبو الفتوح , يعني ألعن وأضل سبيل !! .
.
الحكايه هتزيط وتحلو أوي , في ثورة يناير مات 5 أضعاف اللي ماتو في رابعه محتاجين بقى إشاره لشهداء يناير , وفي ماسبيرو مات كتير لازم إشاره لشهداء ماسبيرو وإشاره لشهداء محمد محمود .
.
والشهاده لله أكتر ناس محتاجين نعمل لهم إشاره ونفتكرهم ونترحم عليهم هما شهداء عبارة السلام 98 ( أظن سهله نعمل بإيدينا إشارة 98 ) , كانو 3 أضعاف شهداء رابعه , بس يا خساره الجزيره وشبكت رصد وفلوس خيرت الشاطر ماصلتتش الأضواء عليهم , أهم ماتو في البحر بقى والسمك كلهم , هو احنا لقينا لهم جثث أساسا ؟!
.
وهكذا كل ما يموت كام واحد نعمل له اشاره للتعاطف , وينزل اللعيبه أرض الملعب , اللي يجيب جون منهم يرفع إشاره يكون متعاطف مع شهدائها .
.
داحنا هنلعب ألعاب بحق ربنا وهنبقى أول فريق يوصل لكاس العالم في لعبة الإشارات , واحتمال ناخد فيها ميداليه أوليمبيه !!.
.
الحكايه هتزيط وتحلو أوي , في ثورة يناير مات 5 أضعاف اللي ماتو في رابعه محتاجين بقى إشاره لشهداء يناير , وفي ماسبيرو مات كتير لازم إشاره لشهداء ماسبيرو وإشاره لشهداء محمد محمود .
.
والشهاده لله أكتر ناس محتاجين نعمل لهم إشاره ونفتكرهم ونترحم عليهم هما شهداء عبارة السلام 98 ( أظن سهله نعمل بإيدينا إشارة 98 ) , كانو 3 أضعاف شهداء رابعه , بس يا خساره الجزيره وشبكت رصد وفلوس خيرت الشاطر ماصلتتش الأضواء عليهم , أهم ماتو في البحر بقى والسمك كلهم , هو احنا لقينا لهم جثث أساسا ؟!
.
وهكذا كل ما يموت كام واحد نعمل له اشاره للتعاطف , وينزل اللعيبه أرض الملعب , اللي يجيب جون منهم يرفع إشاره يكون متعاطف مع شهدائها .
.
داحنا هنلعب ألعاب بحق ربنا وهنبقى أول فريق يوصل لكاس العالم في لعبة الإشارات , واحتمال ناخد فيها ميداليه أوليمبيه !!.
أخر مهازلك يا مصر .
.
وقال وزير التربيه والتعليم المصري ( معرفشي إسمه ) أن هناك عشرات المدارس في مصر تتبع جماعة الإخوان المسلمين وتدرس في مناهجها سيرة حسن البنا وسيد قطب وتردد نشيد ( جهادي جهادي ) بدلا من بلادي بلادي !! .
عايز مصالحه تانيه يا بوب ؟ قول بس وانا تحت أمرك ؟ فصيل وطني أهو , إحنا ندرس سعد زغلول واحمد عرابي و أسر لويس التاسع وهما يدرسو حسن البنا وأم أيمن وفض اعتصام رابعه , إحنا نقول بلادي بلادي وهما يقولو جهادي جهادي , إحنا نرفع علم مصر وهما يرفعو إشارة رابعه , قول يا بوب , بند الحريات العامه والخاصه يمنحك الحق أن تقول ما تريد وقتما تريد في أي حته تريد , قول يا برادعي والنبي , الدستور والقانون بيدوك الحق إنك تقول يا جدع , عايز مصالحه كمان ؟ طيب يا ترى لما نتصالح برعاية الست ( ناديه مصطفى ) هتعرف تعلم الإخوان إن فيه حاجه اسمها علم مصر وحاجه اسمها نشيد وطني لمصر وفيه حاجه اسمها تاريخ مصر ؟ طيب احلف كده إنك هتقدر ؟ قول وحياتك يادي التابلت هقدر , قول وحياة البيسين والجاكوزي أوعدك ؟ إحلف بس والنبي إنهم فصيل وطني ؟!.
.
وقال وزير التربيه والتعليم المصري ( معرفشي إسمه ) أن هناك عشرات المدارس في مصر تتبع جماعة الإخوان المسلمين وتدرس في مناهجها سيرة حسن البنا وسيد قطب وتردد نشيد ( جهادي جهادي ) بدلا من بلادي بلادي !! .
عايز مصالحه تانيه يا بوب ؟ قول بس وانا تحت أمرك ؟ فصيل وطني أهو , إحنا ندرس سعد زغلول واحمد عرابي و أسر لويس التاسع وهما يدرسو حسن البنا وأم أيمن وفض اعتصام رابعه , إحنا نقول بلادي بلادي وهما يقولو جهادي جهادي , إحنا نرفع علم مصر وهما يرفعو إشارة رابعه , قول يا بوب , بند الحريات العامه والخاصه يمنحك الحق أن تقول ما تريد وقتما تريد في أي حته تريد , قول يا برادعي والنبي , الدستور والقانون بيدوك الحق إنك تقول يا جدع , عايز مصالحه كمان ؟ طيب يا ترى لما نتصالح برعاية الست ( ناديه مصطفى ) هتعرف تعلم الإخوان إن فيه حاجه اسمها علم مصر وحاجه اسمها نشيد وطني لمصر وفيه حاجه اسمها تاريخ مصر ؟ طيب احلف كده إنك هتقدر ؟ قول وحياتك يادي التابلت هقدر , قول وحياة البيسين والجاكوزي أوعدك ؟ إحلف بس والنبي إنهم فصيل وطني ؟!.
حشد غريب بيعملوه الثوار والنحانيح
للنزول في ذكرى محمد محمود والأغرب هو حشد الإخوان لنفس الذكرى !! , شوف الصدفه
السعيده يا جدع ؟ و رُبَّ صُدفةٍ خيرٌ من ألف دولار , ما علينا بقى , وقالك هننزل
نجيب حق الشهدا بتوع محمد محمود , وماله يا خويا مش عيب , الثوار والنحانيح جنبا
إلى جنب مع الإخوان أكشن تاسع مره , بس يا ريت متنسوش تاخدو معاكو ( البردعه )
عشان الركوبه تبقى مريحه !!.... وعلى رأي الأغنيه ( وحياتك لافضل أغيّر فيكي لحد
ما يبان لك صاحب ) !!.
أبويا سلامه وجيفارا !!.
.
صباح الخير , أبويا سلامه راجل غلبان على أد حاله , متجوز وعنده 6 عيال أكبرهم 10 سنين وأصغرهم سنتين أو تلاته , جايز أربعه مش عارف ( هو نفسه مش عارف ) , معندوش وظيفه في شركة مالتي ناشونال ولا له مرتب ولا معاش , عايش هو ومراته وعياله السته من 10 قراريط أرض ورثهم عن أبوه , وبقى يخلي منهم قيراط يزرعه كل سنه كرنب ويبيع منه يوميا عشان يجب خمسه سته جنيه مصاريف البيت , في يوم ابنه الصغير ( حسن ) سخن و حرارته بقى يحسها زي الصهد , فضلت مراته تعمل للواد كمادات طول الليل , والفجر طلع أبويا سلامه , علّق الحمار في العربيه الكار , ونزل الأرض خلع له كام كرنبه وقال يلحق يبيعهم في السوق عشان يجيب 20 جنيه ويودي حسن للدكتور , راح السوق فرش بالكرنب بتاعه , كانت الساعه وقتها 6 الصبح وعلى بال ما ربنا كرمه و جمع ال 20 جنيه كانت الساعه بقت 1 الضهر , رجع البيت وقال لمراته لبسي حسن بيجامه نضيفه , وخد ابنه على نفس العربيه الكار وراح بيه للدكتور , الواد خلصان , الدكتور قال له لازم نديله محاليل ومضادات حيويه , أبويا سلامه قال له يا دكتور مش باقي معايا غير 10 جنيه , إكتب له دوا واحنا هنعمله كمادات في البيت , وخد الدوا من الصيدليه بأخر فلوس في جيبه ورجع البيت كان المغرب بيأدن , قال لمراته الدكتور بيقولك حسن زي الفل ولما ياخد الدوا ده هيخف على طول , وسألها طابخين إيه ؟ قالت له ملوخيه وعيش ياخويا , قال لها فضل ونعمه , اللهم دمها نعمه واحفظها من الزوال , جهزي العشا بقى على بال ماصلي المغرب في الجامع وأجي !!.
....................................
جيفارا هو الأستاذ شادي المشد , ده اسمه الحقيقي , بس جيفارا ده لقبه عالفيس بوك وصحابه بينادوه بيه , وارث شركة استيراد وتصدير عن باباه وبيشتغل ناشط سياسي وحقوقي بالليل , مربِّي في بيته 12 كلب من الكلاب اللي الواحد فيهم علو الجحش ( ولا مؤاخذه ) , كلاب جيفارا مش بتاكل عيش وعضم حضرتك , دي بتاكل لحمه والعياذ بالله , لحمه بعيد عن السامعين , وتقدر تقول إن تكلفة إطعام كلب واحد منهم في اليوم تكفي مصاريف بيت أبويا سلامه لمدة إسبوعين .
.
جيفارا ضربت في دماغه في يوم يجرب معاناة عامة الشعب والدهماء , وقال يروح يجدد رخصة العربيه بتاعته ( لاند كروزر ) بنفسه , مع إنه يقدر يبعت السكرتير بتاعه , جيفارا وصل إدارة المرور ومعاه الأوراق , لقى طابور طويل عالشباك وقف فيه دقيقتين ومستحملشي , ريحة العرق بتاعة الناس والحر والخنقه , لمح أمين شرطه من بعيد نادى عليه وخده على جنب وإداله ورقه ب 100 قال له خلص لي الرخصه دي عشان مش فاضي , أمين الشرطه قال له طيب استناني تحت المظله نُص ساعه وهتكون الرخصه معاك , نص ساعه كتير يا أمين , معلش يا باشا عشان التوقيع والختم والحاجات دي , أقل من نص ساعه , طيب أوكيه , وراح جيفارا تحت المظله , فتح التابلت بتاعه ودخل عالفيس كتب بوست طويل عن البيروقراطيه والمعاناه و ريحة عرق الناس , وشرح في البوست تفاصيل يومه القاسي جدا .
.
يا دوب خلص البوست وكانت الرخصه في إيده , رجع البيت وخد شاور وقال ينزل يتغدى بره , دخل المطعم وطلب جمبري جامبو , شويه ونادى عالجرسون , يا ابراهيم , ده منظر جمبري جمبو ؟ وكمان مش well done , مش معقوله يا ابراهيم , شيل الأكل ده من قدامي وهاتلي غيره , جيفارا فتح التابلت تاني وكتب عن معاناته في مطعم السمك .
ورجع البيت بعد شويه سمع المغرب بيأدن , قال ( أوف ...أدان بقى وصلاه , والمتخلفين هيتلمو ) ........نسيت أقول إن جيفار ملحد أد الدنيا , وناقم عالحياه !!.
.
صباح الخير , أبويا سلامه راجل غلبان على أد حاله , متجوز وعنده 6 عيال أكبرهم 10 سنين وأصغرهم سنتين أو تلاته , جايز أربعه مش عارف ( هو نفسه مش عارف ) , معندوش وظيفه في شركة مالتي ناشونال ولا له مرتب ولا معاش , عايش هو ومراته وعياله السته من 10 قراريط أرض ورثهم عن أبوه , وبقى يخلي منهم قيراط يزرعه كل سنه كرنب ويبيع منه يوميا عشان يجب خمسه سته جنيه مصاريف البيت , في يوم ابنه الصغير ( حسن ) سخن و حرارته بقى يحسها زي الصهد , فضلت مراته تعمل للواد كمادات طول الليل , والفجر طلع أبويا سلامه , علّق الحمار في العربيه الكار , ونزل الأرض خلع له كام كرنبه وقال يلحق يبيعهم في السوق عشان يجيب 20 جنيه ويودي حسن للدكتور , راح السوق فرش بالكرنب بتاعه , كانت الساعه وقتها 6 الصبح وعلى بال ما ربنا كرمه و جمع ال 20 جنيه كانت الساعه بقت 1 الضهر , رجع البيت وقال لمراته لبسي حسن بيجامه نضيفه , وخد ابنه على نفس العربيه الكار وراح بيه للدكتور , الواد خلصان , الدكتور قال له لازم نديله محاليل ومضادات حيويه , أبويا سلامه قال له يا دكتور مش باقي معايا غير 10 جنيه , إكتب له دوا واحنا هنعمله كمادات في البيت , وخد الدوا من الصيدليه بأخر فلوس في جيبه ورجع البيت كان المغرب بيأدن , قال لمراته الدكتور بيقولك حسن زي الفل ولما ياخد الدوا ده هيخف على طول , وسألها طابخين إيه ؟ قالت له ملوخيه وعيش ياخويا , قال لها فضل ونعمه , اللهم دمها نعمه واحفظها من الزوال , جهزي العشا بقى على بال ماصلي المغرب في الجامع وأجي !!.
....................................
جيفارا هو الأستاذ شادي المشد , ده اسمه الحقيقي , بس جيفارا ده لقبه عالفيس بوك وصحابه بينادوه بيه , وارث شركة استيراد وتصدير عن باباه وبيشتغل ناشط سياسي وحقوقي بالليل , مربِّي في بيته 12 كلب من الكلاب اللي الواحد فيهم علو الجحش ( ولا مؤاخذه ) , كلاب جيفارا مش بتاكل عيش وعضم حضرتك , دي بتاكل لحمه والعياذ بالله , لحمه بعيد عن السامعين , وتقدر تقول إن تكلفة إطعام كلب واحد منهم في اليوم تكفي مصاريف بيت أبويا سلامه لمدة إسبوعين .
.
جيفارا ضربت في دماغه في يوم يجرب معاناة عامة الشعب والدهماء , وقال يروح يجدد رخصة العربيه بتاعته ( لاند كروزر ) بنفسه , مع إنه يقدر يبعت السكرتير بتاعه , جيفارا وصل إدارة المرور ومعاه الأوراق , لقى طابور طويل عالشباك وقف فيه دقيقتين ومستحملشي , ريحة العرق بتاعة الناس والحر والخنقه , لمح أمين شرطه من بعيد نادى عليه وخده على جنب وإداله ورقه ب 100 قال له خلص لي الرخصه دي عشان مش فاضي , أمين الشرطه قال له طيب استناني تحت المظله نُص ساعه وهتكون الرخصه معاك , نص ساعه كتير يا أمين , معلش يا باشا عشان التوقيع والختم والحاجات دي , أقل من نص ساعه , طيب أوكيه , وراح جيفارا تحت المظله , فتح التابلت بتاعه ودخل عالفيس كتب بوست طويل عن البيروقراطيه والمعاناه و ريحة عرق الناس , وشرح في البوست تفاصيل يومه القاسي جدا .
.
يا دوب خلص البوست وكانت الرخصه في إيده , رجع البيت وخد شاور وقال ينزل يتغدى بره , دخل المطعم وطلب جمبري جامبو , شويه ونادى عالجرسون , يا ابراهيم , ده منظر جمبري جمبو ؟ وكمان مش well done , مش معقوله يا ابراهيم , شيل الأكل ده من قدامي وهاتلي غيره , جيفارا فتح التابلت تاني وكتب عن معاناته في مطعم السمك .
ورجع البيت بعد شويه سمع المغرب بيأدن , قال ( أوف ...أدان بقى وصلاه , والمتخلفين هيتلمو ) ........نسيت أقول إن جيفار ملحد أد الدنيا , وناقم عالحياه !!.
ست عجوزه عمرها ييجي 80 سنه , جايبالي
كيس مليان دوا ( أغلبه للسكر ) , دواها متكرر في الكيس بتركيزات مختلفه وأسماء
تجاريه مختلفه , وقالت لي أنا مش عارفه أخد الدوا ده إزاي , أنا باخد من دي حبتين
ومن دي تلات ومن دي ومن دي !! , لا حول ولا قوة إلا بالله , الناس اللي بيتعالجو
هنا في الحكومي زي اللي بيتعالجو في الحكومي في مصر , مش بيلاقو حد ينظم لهم دواهم
, المهم فضلت ييجي ربع ساعه أنظم لها دواها وأقول لها تاخده إزاي وقسّمته لها في
كام كيس , الناس دي عايشه بقدرة ربنا والله , الجرعات اللي كانت بتاخدها كفيله
إنها تنزل سكرها لصفر وتدخلها في غيبوبه , المهم قالت لي في الأخر ( بدك شئ مني
يابني ؟) , وكانت فاكراني هاخد فلوس على كده , قلت لها لأ يا أمي , تشرفيني في أي
وقت , وقامت دعت لي دعوتين حلوين , والله حسيت بهدوء وسكينه غريبه بعد دعوتها ,
الأم هي الأم حتى لو في بلاد تركب الأفيال !!.
القرار الماهر في عقوبة عبد الظاهر
!!.
.
متشغلشي بالك , فيه لاعب اسمه أحمد عبد الظاهر رفع بإيده إشاره واضح جدا إنها إشاره سياسيه , طيب السؤال , هو أحمد عبد الظاهر برياله ولا راجل بالغ عاقل ؟ لأ راجل بالغ عاقل , طيب كان قاصد الإشاره قدام الكاميرا ولا كانت سهوا منه كده ؟ لا كان قاصد الإشاره , طيب أحمد عبد الظاهر كان عارف إن الأشاره دي هتؤدي لعقوبه عليه من النادي واتحاد الكوره ولا لأ ؟ أكيد كان عارف وخصوصا بعد موضوع لاعب الكونغو فو ...ومش بعيد يكون سأل عوشرميت واحد قبل الماتش .
طيب حضرتك متعاطف أوي ليه بقى ؟ لاعب عمل حركه بمحض إرادته وعارف إنه هيتعاقب عليها ؟ طيب قلقان على مستقبله المالي و نجوميته ؟ تبقى عبيط , وحياة النبي عبيط , وهي مش سؤء ظن لكن عبد الظاهر لو متظبطش بكذا 100 ألف أو كذا مليون في الحركه دي ( قبل الماتش أو بعده ) يبقى أهبل وبرياله وهو مش أهبل ولا برياله زي ماتفقنا , ومتقوليش الإخوان مش معاهم فلوس وجامعي حسنات عشان مش أنفجر في وشك زي وابور الجاز , ....... طيب نجوميته ؟ هع هع , إدخل صفحات الإخوان وانت تعرف إن عبد الظاهر دلوأتي بقى حفيد عثمان ابن عفان وعمر ابن الخطاب وصلاح الدين الأيوبي , وبكره هيعملو له تمثال في مدخل الزريبه اللي هما عايشين فيها !!.
.
متشغلشي بالك , فيه لاعب اسمه أحمد عبد الظاهر رفع بإيده إشاره واضح جدا إنها إشاره سياسيه , طيب السؤال , هو أحمد عبد الظاهر برياله ولا راجل بالغ عاقل ؟ لأ راجل بالغ عاقل , طيب كان قاصد الإشاره قدام الكاميرا ولا كانت سهوا منه كده ؟ لا كان قاصد الإشاره , طيب أحمد عبد الظاهر كان عارف إن الأشاره دي هتؤدي لعقوبه عليه من النادي واتحاد الكوره ولا لأ ؟ أكيد كان عارف وخصوصا بعد موضوع لاعب الكونغو فو ...ومش بعيد يكون سأل عوشرميت واحد قبل الماتش .
طيب حضرتك متعاطف أوي ليه بقى ؟ لاعب عمل حركه بمحض إرادته وعارف إنه هيتعاقب عليها ؟ طيب قلقان على مستقبله المالي و نجوميته ؟ تبقى عبيط , وحياة النبي عبيط , وهي مش سؤء ظن لكن عبد الظاهر لو متظبطش بكذا 100 ألف أو كذا مليون في الحركه دي ( قبل الماتش أو بعده ) يبقى أهبل وبرياله وهو مش أهبل ولا برياله زي ماتفقنا , ومتقوليش الإخوان مش معاهم فلوس وجامعي حسنات عشان مش أنفجر في وشك زي وابور الجاز , ....... طيب نجوميته ؟ هع هع , إدخل صفحات الإخوان وانت تعرف إن عبد الظاهر دلوأتي بقى حفيد عثمان ابن عفان وعمر ابن الخطاب وصلاح الدين الأيوبي , وبكره هيعملو له تمثال في مدخل الزريبه اللي هما عايشين فيها !!.
وبعد نيف وتلاتين سنه , وهو مقدار
عمري في الحياه ( بالكيلو ) , لفِّيت فيها بلاد و زرت بلاد , وشوفت الدنيا مقلوبه
ومعدوله و شوفتها نايمه على جنبها أحيانا , وأحيانا مسخسخه من كتر الضحك , المهم
بقى اكتشفت ايه وعصارة خبرتي في السنين والقرون اللي عشتها دي ؟ , إن البشر في مصر
تحديدا نوعين اتنين , النوع الأولاني حلمه هو السعاده والحب و راحة البال , والنوع
التاني حلمه إن النوع الأولاني لا يشوف سعاده ولا حب ولا راحة بال !! .
.
يعني باختصار نُص البشر في مصر عايشين عشان يخنقو النص التاني , والنص التاني مهمته في الحياه إنه يتخنق من النص الأولاني , والحكايه دي مفهاش تبديل أدوار للأسف , يعني اللي بيتولد خانق بيفضل على كده لحد ما يموت والمخنوق مخنوق طول عمره ( حاجه كده زي بصمة الإيد ) , لكن ربك مابينساش حد , أكيد النص المخنوق ربنا هيعوضه في الأخره وممكن في الدنيا كمان يعوضه بطريقه رائعه , وأفضل طريقه لتعوض المخنوق في الدنيا هي إنه يقابل في حياته واحد مخنوق زيه , ويقوم واخده بالحضن كداهو !!.
.
يعني باختصار نُص البشر في مصر عايشين عشان يخنقو النص التاني , والنص التاني مهمته في الحياه إنه يتخنق من النص الأولاني , والحكايه دي مفهاش تبديل أدوار للأسف , يعني اللي بيتولد خانق بيفضل على كده لحد ما يموت والمخنوق مخنوق طول عمره ( حاجه كده زي بصمة الإيد ) , لكن ربك مابينساش حد , أكيد النص المخنوق ربنا هيعوضه في الأخره وممكن في الدنيا كمان يعوضه بطريقه رائعه , وأفضل طريقه لتعوض المخنوق في الدنيا هي إنه يقابل في حياته واحد مخنوق زيه , ويقوم واخده بالحضن كداهو !!.
ساعة النفخ !!.
.
صباح الخير , وارد جدا , وأكيد غالبا , إن المخابرات المصريه بدأت تجهّز ملف للإخوان من قبل 30 يونيو بفتره طويله , ملف مليان ومحشي بقى شهادات على فيديوهات على سيديهات على أوراق رسميه متوثقه .
.
شهادات عن تعذيب المواطنين على إيد الإخوان بموافقة مرسي في قصر الرئاسه في أحداث الإتحاديه , فيديوهات لقيادات الإخوان وهما بيهددو بحرق مصر وبيعترفو ضمنا بمسئوليتهم عن العنف في سينا , شهادات لجنسيات عربيه كانت بتحضر المظاهرات الإخوانجيه والتحقيق وراهم , عناصر مسلحه من حماس في مقر مكتب الإرشاد في المقطم وإطلاق النار على المتظاهرين أمام مقر الإرشاد , حارس خيرت الشاطر بسلاح ألي مش مرخص , مكالمات لقيادات إخوانجيه مع قيادات إرهابيه في سينا , زيارات مشبوهه لعناصر من حماس والمخابرات الإيرانيه لمكتب الإرشاد .
.
باختصار يعني ملف دسم وفاتوره ( مشلتته ) , ونزل الشعب يوم 30 يونيو , اليوم الموعود , وارد جدا كمان إن المخابرات تكون عملت استبيان عن حجم النزول المتوقع وبالتالي جهزت حالها وأعدت العده و كانت مستعده من اللحظه الأولى .
وارد جدا إن الجيش يكون أصابه حاله من الغثيان تحت حكم مرسي , خصوصا بعد مقتل جنودنا في رفح على إيد حبايب الرئيس ( أبو رياله ) , وبعد مسرحية خطف الجنود اللي دعى فيها مرسي للحفاظ على أرواح الخاطف والمخطوف .
.
حضرتك يا فندم الكلام اللي فوق ده عاجبني أوي ومكيفني بصراحه , موافق جدا على كده , المخابرات وثقت عنف وإرهاب الإخوان ومصنعتش الحدث نفسه , يعني سابتهم يتصرفو بغباوتهم المعهوده , وسلاحهم يظهر عشان لما تييجي ساعة النفخ .
.
حضرتك يا فندم إحنا دلوأتي في ساعة النفخ , واللي شال قربه مخرومه أديها بتنقط على دماغه , دي ساعة الحساب ودفع الفاتوره .
.
كتير من أصحابي بحسهم بيتعاطفو لمجرد التعاطف , وبيثورو لمجرد الثوره , التعاطف في حد ذاته بقى غايه بدون بحث أو تدقيق , والثوره بقت غايه ومش مهم هنروح على فين , إحنا نثور وبعدها ربك يفرجها , وفيها ناس متعاطفين أوي , في منتهى التعاطف , تعاطف لا إراديinvoluntary , يعني يبقى قاعد وسط الرجاله كده وتلاقيه بيتعاطف على نفسه .... ربنا يعافينا بقى !!.
.
أن نسيت حاجه , سيدنا باسم عوده , حفيد الأنبياء والصحابه والمرسلين , اللي اخترع القنبله الذريه واكتشف سر الكون , اللي صنع لنا الدبابات والطيارات النفاثه , اللي وحد مصر وحارب المغول والتتار , اللي قضى عالفقر والجهل والبطاله والمرض , اللي الجنيه في عهده بقى ب 5 دولار , اللي خلى الشعب ياكل بيتي فور ويشرب من أنبوبة البوتاجاز عشان أرخص من المايه , سيدنا باسم عوده متهم بالتحريض على العنف والقتل في مظاهره كان بيقودها في يوليو 2013 ومات فيها ناس لأن المظاهره كان فيها سلاح وكله متوثق ومتستف , الفيديوهات موجوده ( والجزيره مابتكدبش !! ) , يعني باختصار سيدنا باسم عوده خيِّش هو كمان مع المتخيشين , تعاطفك لوحده مش كفايه !!.
.
صباح الخير , وارد جدا , وأكيد غالبا , إن المخابرات المصريه بدأت تجهّز ملف للإخوان من قبل 30 يونيو بفتره طويله , ملف مليان ومحشي بقى شهادات على فيديوهات على سيديهات على أوراق رسميه متوثقه .
.
شهادات عن تعذيب المواطنين على إيد الإخوان بموافقة مرسي في قصر الرئاسه في أحداث الإتحاديه , فيديوهات لقيادات الإخوان وهما بيهددو بحرق مصر وبيعترفو ضمنا بمسئوليتهم عن العنف في سينا , شهادات لجنسيات عربيه كانت بتحضر المظاهرات الإخوانجيه والتحقيق وراهم , عناصر مسلحه من حماس في مقر مكتب الإرشاد في المقطم وإطلاق النار على المتظاهرين أمام مقر الإرشاد , حارس خيرت الشاطر بسلاح ألي مش مرخص , مكالمات لقيادات إخوانجيه مع قيادات إرهابيه في سينا , زيارات مشبوهه لعناصر من حماس والمخابرات الإيرانيه لمكتب الإرشاد .
.
باختصار يعني ملف دسم وفاتوره ( مشلتته ) , ونزل الشعب يوم 30 يونيو , اليوم الموعود , وارد جدا كمان إن المخابرات تكون عملت استبيان عن حجم النزول المتوقع وبالتالي جهزت حالها وأعدت العده و كانت مستعده من اللحظه الأولى .
وارد جدا إن الجيش يكون أصابه حاله من الغثيان تحت حكم مرسي , خصوصا بعد مقتل جنودنا في رفح على إيد حبايب الرئيس ( أبو رياله ) , وبعد مسرحية خطف الجنود اللي دعى فيها مرسي للحفاظ على أرواح الخاطف والمخطوف .
.
حضرتك يا فندم الكلام اللي فوق ده عاجبني أوي ومكيفني بصراحه , موافق جدا على كده , المخابرات وثقت عنف وإرهاب الإخوان ومصنعتش الحدث نفسه , يعني سابتهم يتصرفو بغباوتهم المعهوده , وسلاحهم يظهر عشان لما تييجي ساعة النفخ .
.
حضرتك يا فندم إحنا دلوأتي في ساعة النفخ , واللي شال قربه مخرومه أديها بتنقط على دماغه , دي ساعة الحساب ودفع الفاتوره .
.
كتير من أصحابي بحسهم بيتعاطفو لمجرد التعاطف , وبيثورو لمجرد الثوره , التعاطف في حد ذاته بقى غايه بدون بحث أو تدقيق , والثوره بقت غايه ومش مهم هنروح على فين , إحنا نثور وبعدها ربك يفرجها , وفيها ناس متعاطفين أوي , في منتهى التعاطف , تعاطف لا إراديinvoluntary , يعني يبقى قاعد وسط الرجاله كده وتلاقيه بيتعاطف على نفسه .... ربنا يعافينا بقى !!.
.
أن نسيت حاجه , سيدنا باسم عوده , حفيد الأنبياء والصحابه والمرسلين , اللي اخترع القنبله الذريه واكتشف سر الكون , اللي صنع لنا الدبابات والطيارات النفاثه , اللي وحد مصر وحارب المغول والتتار , اللي قضى عالفقر والجهل والبطاله والمرض , اللي الجنيه في عهده بقى ب 5 دولار , اللي خلى الشعب ياكل بيتي فور ويشرب من أنبوبة البوتاجاز عشان أرخص من المايه , سيدنا باسم عوده متهم بالتحريض على العنف والقتل في مظاهره كان بيقودها في يوليو 2013 ومات فيها ناس لأن المظاهره كان فيها سلاح وكله متوثق ومتستف , الفيديوهات موجوده ( والجزيره مابتكدبش !! ) , يعني باختصار سيدنا باسم عوده خيِّش هو كمان مع المتخيشين , تعاطفك لوحده مش كفايه !!.
نص خطاب مرسي قبل ثورة يونيو مباشرة :
الشرعيه .. ثخهقصتلصج .. الشرعيه... ضثحقشب ... الشرعيه ....صثلثقيثقض.... الشرعيه
....ثضقضقضلضش...الشرعيه ....شلشثلشثيب... الشرعيه !!.
.
نص خطاب مرسي من داخل السجن : الإنقلاب ... ثخهقصتلصج .. الإنقلاب... ضثحقشب ... الإنقلاب ....صثلثقيثقض.... الإنقلاب ....ثضقضقضلضش...الإنقلاب ....شلشثلشثيب... الإنقلاب !!.
.
وبس كده
.
أه نسيت حاجه , بيشكر الشعب العظيم اللي مشاركشي في يوم الإنقلاب (30 يونيو يعني) وهينزل يشارك في التصدي للإنقلاب !! ...مرسي بيشكركو يا رجاله , أه والله , العفو يا ريس مرسي إحنا معملناش غير الواجب , تعاشرب شاي بقى , اتفضل والله !!.
.
نص خطاب مرسي من داخل السجن : الإنقلاب ... ثخهقصتلصج .. الإنقلاب... ضثحقشب ... الإنقلاب ....صثلثقيثقض.... الإنقلاب ....ثضقضقضلضش...الإنقلاب ....شلشثلشثيب... الإنقلاب !!.
.
وبس كده
.
أه نسيت حاجه , بيشكر الشعب العظيم اللي مشاركشي في يوم الإنقلاب (30 يونيو يعني) وهينزل يشارك في التصدي للإنقلاب !! ...مرسي بيشكركو يا رجاله , أه والله , العفو يا ريس مرسي إحنا معملناش غير الواجب , تعاشرب شاي بقى , اتفضل والله !!.
خبرين وسؤال وإجابه -
.
1 - إقرار الحد الادنى للأجور 1200 جنيه والأقصى 35 ضعف !!.
طيب من شهرين تلاته وانا شايف على صفحات أصدقائي إياهم هري كتير وحرك وفرك في الموضع ده , فين الحد الأقصى يا حكومة زباله ؟ فين الحد الأدنى يا إنقلابيين ؟!.
.
2- لجنة ال 50 تقرر إلغاء مجلس الشورى !! , نفس أصحابي إياهم كانو برضه بيهرو كتير أوي من اسبوعين تلاته لما طلعت إشاعه الإبقاء على مجلس الشورى ( ويومها كتبت إني معترض على بقاء مجلس الشورى ).
.
.
السؤال , القرارات دي رائعه في نظري وفي نظر حضرتك .... وحضرتك كنت واخد الأمور على أعصابك ومستنيها , إنما ليه حضرتك مش بتنشرها بعد ما تأكدت من صحتها... مش انت همك مصلحة البلد وكداهون يا ميمي ؟!
.
الإجابه باختصار :
....................
بيقولك واحد بخيل أوي بيصلح راديوهات و اسمه كوهين , إبنه مات , وراح الجرنان يعمل نعي لابنه , بتاع الإعلانات قال له تحب تكتب إيه في النعي ؟ رد كوهين وقال له أكتب ( كوهين ينعي ولده !! )...... بتاع الإعلانات قال له احنا عندنا عرض دلوأتي ... 3كلمات ب 5 جنيه و 5 كلمات ب 5 جنيه برضه , حاول تزود في كلمات النعي وتستفيد من العرض , قام كوهين قال له خلاص اكتب ( كوهين ينعي ولده ويصلح راديوهات ) !!.
.
لو سألت صاحبك إياه إنت ربنا خلقك ليه هيقولك ( خُلقنا لنعترض ) ولو قلت له طيب عاملين عرض 4 كلمات بسعر اتنين هيقولك ( خُلقنا لنعترض ونصلح راديوهات ) !!.
................ باختصار أغلب نشطاء السبوبه والمعارضين اللي حضرتك بتشوفهم عالفيس بوك من نوعية ( خلقنا لنعترض ونصلح راديوهات ) !!
.
1 - إقرار الحد الادنى للأجور 1200 جنيه والأقصى 35 ضعف !!.
طيب من شهرين تلاته وانا شايف على صفحات أصدقائي إياهم هري كتير وحرك وفرك في الموضع ده , فين الحد الأقصى يا حكومة زباله ؟ فين الحد الأدنى يا إنقلابيين ؟!.
.
2- لجنة ال 50 تقرر إلغاء مجلس الشورى !! , نفس أصحابي إياهم كانو برضه بيهرو كتير أوي من اسبوعين تلاته لما طلعت إشاعه الإبقاء على مجلس الشورى ( ويومها كتبت إني معترض على بقاء مجلس الشورى ).
.
.
السؤال , القرارات دي رائعه في نظري وفي نظر حضرتك .... وحضرتك كنت واخد الأمور على أعصابك ومستنيها , إنما ليه حضرتك مش بتنشرها بعد ما تأكدت من صحتها... مش انت همك مصلحة البلد وكداهون يا ميمي ؟!
.
الإجابه باختصار :
....................
بيقولك واحد بخيل أوي بيصلح راديوهات و اسمه كوهين , إبنه مات , وراح الجرنان يعمل نعي لابنه , بتاع الإعلانات قال له تحب تكتب إيه في النعي ؟ رد كوهين وقال له أكتب ( كوهين ينعي ولده !! )...... بتاع الإعلانات قال له احنا عندنا عرض دلوأتي ... 3كلمات ب 5 جنيه و 5 كلمات ب 5 جنيه برضه , حاول تزود في كلمات النعي وتستفيد من العرض , قام كوهين قال له خلاص اكتب ( كوهين ينعي ولده ويصلح راديوهات ) !!.
.
لو سألت صاحبك إياه إنت ربنا خلقك ليه هيقولك ( خُلقنا لنعترض ) ولو قلت له طيب عاملين عرض 4 كلمات بسعر اتنين هيقولك ( خُلقنا لنعترض ونصلح راديوهات ) !!.
................ باختصار أغلب نشطاء السبوبه والمعارضين اللي حضرتك بتشوفهم عالفيس بوك من نوعية ( خلقنا لنعترض ونصلح راديوهات ) !!
لو عملت دراسه واستبيان في أي دوله
عربيه عن طريقة التعامل بين الجمهور ( المراجعين ) ومقدمي الخدمه في أي مجال (
مصالح حكوميه .. محلات ...مطاعم ...صيدليات ... عيادات... بنزيمه....الخ ) هتلاقي
إن 70 % من المراجعين العرب مش بيعرفو يقولو قبل طلب الخدمه الجمله دي ( لو سمحت )
أو أي مثيل له بأي لغه أو لهجه , وهتلاقي إن 60 % منهم مش بيقول بعد ما ياخد
الخدمه الكلمه دي ( شكرا ) أو أي مثيل لها بأي لهجه أو لغه .
مفهومنا عن أداب التعامل تقترب من الصفر , وبندعي التدين ونهتم بقشور في الدين مالهاش أي تلاتين لزمه , مع إن لُب الأسلام مثلا هو المعامله ( الدين المعامله ) , وكذا المسيحيه وكل الأديان السماويه .
.
في مدرسة بنتي لوحه عريضه مكتوب فيها 5 كلمات بالإنجليزي بيعلموها للأطفال say please ...say thank you
................ هو ده ديني يا بشر !!.
مفهومنا عن أداب التعامل تقترب من الصفر , وبندعي التدين ونهتم بقشور في الدين مالهاش أي تلاتين لزمه , مع إن لُب الأسلام مثلا هو المعامله ( الدين المعامله ) , وكذا المسيحيه وكل الأديان السماويه .
.
في مدرسة بنتي لوحه عريضه مكتوب فيها 5 كلمات بالإنجليزي بيعلموها للأطفال say please ...say thank you
................ هو ده ديني يا بشر !!.
صباح الخير , صدِّق أو لا تصدق .... إتس أب
تو يو !!
.
1- ميدان رابعه العدويه بمخارجه وشوارعه و سلطاته و باباغنوجه لا يستوعب أكثر من 100 ألف شخص ( حتى اسأل جوجل ).
.
2- المعتصمين في رابعه أغلبهم من فقراء الأقاليم , لا يملك نقود وكانت الوجبات توزع عليهم مجانا ( شهادة قريبي الإخوانجي من داخل الإعتصام ).
.
3- عدد الشهداء في فض اعتصام رابعه هو يمثل سُدس عدد شهداء ثورة يناير وثلث شهداء العباره السلام 98 ( إبحث عن الأله الإعلاميه !!).
.
4- الجنود والظباط الذين استشهدو في فض الإعتصام ماتو بطلق ناري , مش ماس كهربائي ولا حادثة موتوسيكل ( يعني بسلاح في يد بعض المعتصمين )!!.
.
5- المعتصمين في رابعه أغلبهم لم يكن لديه مانع ( وحتى الأن ليس لديه مانع ) في تقسيم مصر إلى دولتين , إحداها للبهلول والأخرى لنا .
.
6- علم مصر والنشيد الوطني وإسم مصر لا يعني لأصدقائك الإخوان أي شئ , هيغنو ( يا أوسخ إسم في الوجود ) وهيشيلو شعار رابعه بدل العلم , وهيغنو في مدارسهم أناشيدهم الوثنيه ( الإخوانجيه ) معندهمشي مشكله خالص........فصيل وطني أهو !! .
.
7- قبل تعيين عبد الفتاح السيسي وزيرا للدفاع على يد مرسي مكنتش أسمع عنه ولا حضرتك ولا أحمد حراره ولا أحمد دومه , ولو كنت قبلها قلت لي إسم عبد الفتاح السيسي هقولك أه ده لاعب الكوره السوري المحترف في الدوري المصري !! , بس فجأه اكتشف أحمد دومه وأحمد حراره ( اللي بحترمهم جدا ) إن عبد الفتاح السيسي كان في المجلس العسكري !!.
.
8- المسئول الأول عن أحداث محمد محمود هو طنطاوي وعنان اللي كرمهم مرسي , هما اللي كانو بيحكمو مصر وحضرتك قبلت بتكريمهم ولو عايز تاخد حق شهداء محمد محمود ياريت تطلع عالفيلا بتاعتهم وتحرقها بجاز !!.
.
9- وصلت أنا وانت في يوم من الأيام تحت حكم الإخوان إلى حاله من القرف والغثيان وقلنا يارب لما ننزل نعمل ثورتنا نلاقي الجيش يقف جنبا بقياداته , وبعدها بقى جيش سوسن الخاين ابن الحرام اللي بيقتل الشعب !!.
.
10- أخيرا , حضرتك خايف نرجع بضهرنا خطوتين لورا ونلاقي نظام مبارك بيحكمنا , بلمح الخوف ده في كل كلامك , أنا بقي خايف نرجع بضهرنا 10 خطوات لورا ونلاقينا بندور على ( مينا ) الجديد عشان يوحَّد القطرين أو يوحد التسع دويلات !!.
.
1- ميدان رابعه العدويه بمخارجه وشوارعه و سلطاته و باباغنوجه لا يستوعب أكثر من 100 ألف شخص ( حتى اسأل جوجل ).
.
2- المعتصمين في رابعه أغلبهم من فقراء الأقاليم , لا يملك نقود وكانت الوجبات توزع عليهم مجانا ( شهادة قريبي الإخوانجي من داخل الإعتصام ).
.
3- عدد الشهداء في فض اعتصام رابعه هو يمثل سُدس عدد شهداء ثورة يناير وثلث شهداء العباره السلام 98 ( إبحث عن الأله الإعلاميه !!).
.
4- الجنود والظباط الذين استشهدو في فض الإعتصام ماتو بطلق ناري , مش ماس كهربائي ولا حادثة موتوسيكل ( يعني بسلاح في يد بعض المعتصمين )!!.
.
5- المعتصمين في رابعه أغلبهم لم يكن لديه مانع ( وحتى الأن ليس لديه مانع ) في تقسيم مصر إلى دولتين , إحداها للبهلول والأخرى لنا .
.
6- علم مصر والنشيد الوطني وإسم مصر لا يعني لأصدقائك الإخوان أي شئ , هيغنو ( يا أوسخ إسم في الوجود ) وهيشيلو شعار رابعه بدل العلم , وهيغنو في مدارسهم أناشيدهم الوثنيه ( الإخوانجيه ) معندهمشي مشكله خالص........فصيل وطني أهو !! .
.
7- قبل تعيين عبد الفتاح السيسي وزيرا للدفاع على يد مرسي مكنتش أسمع عنه ولا حضرتك ولا أحمد حراره ولا أحمد دومه , ولو كنت قبلها قلت لي إسم عبد الفتاح السيسي هقولك أه ده لاعب الكوره السوري المحترف في الدوري المصري !! , بس فجأه اكتشف أحمد دومه وأحمد حراره ( اللي بحترمهم جدا ) إن عبد الفتاح السيسي كان في المجلس العسكري !!.
.
8- المسئول الأول عن أحداث محمد محمود هو طنطاوي وعنان اللي كرمهم مرسي , هما اللي كانو بيحكمو مصر وحضرتك قبلت بتكريمهم ولو عايز تاخد حق شهداء محمد محمود ياريت تطلع عالفيلا بتاعتهم وتحرقها بجاز !!.
.
9- وصلت أنا وانت في يوم من الأيام تحت حكم الإخوان إلى حاله من القرف والغثيان وقلنا يارب لما ننزل نعمل ثورتنا نلاقي الجيش يقف جنبا بقياداته , وبعدها بقى جيش سوسن الخاين ابن الحرام اللي بيقتل الشعب !!.
.
10- أخيرا , حضرتك خايف نرجع بضهرنا خطوتين لورا ونلاقي نظام مبارك بيحكمنا , بلمح الخوف ده في كل كلامك , أنا بقي خايف نرجع بضهرنا 10 خطوات لورا ونلاقينا بندور على ( مينا ) الجديد عشان يوحَّد القطرين أو يوحد التسع دويلات !!.
كل نظام حكم في مصر له مؤيدينه
الشرفاء وله طبالينه و ف نفس الوقت له معارضيه ( اللي كتير منهم شرفاء ) .
أنا مؤيد بصوره كبيره لنظام الحكم الحالي , لكني بحترم المعارض الشريف ( اللي ضد رأيي ) أكتر من المؤيد الطبال .
يعني بحترم أحمد حراره وأحمد دومه ولا أحترم مرتضى منصور وتوفيق عكاشه وأحمد موسى .
أحمد حراره حر في رأيه و رؤيته مع إني شايفها غلط ( أنا كمان حر ) , بس لا أملك إلا احترامه
أنا مؤيد بصوره كبيره لنظام الحكم الحالي , لكني بحترم المعارض الشريف ( اللي ضد رأيي ) أكتر من المؤيد الطبال .
يعني بحترم أحمد حراره وأحمد دومه ولا أحترم مرتضى منصور وتوفيق عكاشه وأحمد موسى .
أحمد حراره حر في رأيه و رؤيته مع إني شايفها غلط ( أنا كمان حر ) , بس لا أملك إلا احترامه
بص حضرتك , لو عايز شعارات أنا ممكن
أعبّي لك شعارات للصبح , لدرجة إن السلطانيه اللي انت جايبها معاك مش هتكفي ,
وهتقول الله !! , هو محمد جاب الشعارات دي كلها منين ؟ يكونشي اشتغل في الإتحاد
الإشتراكي من ورانا ؟ شعارات بقى من نوعية ( شباب مصر هم أمل المستقبل ,
والديموقراطيه مستقبل الشعوب , والحريه معرفشي ايه ؟ ) , إنما لو عايز حضرتك تنزل
عالأرض برجليك وتشرفنا فأهلا وسهلا , أهلا بيك في كوكب مصر المطحون .
بقى يا سيدي قرار منح رئيس الجمهوريه الحق في تعيين 5% من نواب مجلس الشعب ده بيتعارض مع أسس الديموقراطيه , معاك والله وعارف , بس مصر مش سويسرا , ولسه قدامنا كتير ( مش أقل من 50 سنه على أحسن تقدير ) .
.
القرار ده هو شر لابد منه , والنسبه مش كبيره ومش مؤثره في توجيه دفة البرلمان , إنما هتضمن تمثيل معقول للأقباط والمرأه والنوبيين , أهي الجمله الأخيره دي على عيني اني أكتبها كده , وبقرف من كتابتها لأن المفروض مفيش حاجه اسمها أقباط ومرأه ونوبيين في الديموقراطيه , فيه حاجه اسمها مصريين بس .
.
إنما لما الشعب اللي نُصه أمي وجاهل يفهم الحكايه دي ويعرف إن المواطن المسلم ممكن ينتخب مرشح مسيحي أو واحده ست طالما هو ( هي ) الأفضل , لو عملت حضرتك انتخابات فرديه في عموم مصر مش هيبقى فيها ولا فايز واحد مسيحي ولا امرأه , ولو نزلتهم قوايم هيبقى نزولهم منحه ( ممنوحه أو ممنوعه ) أو مكرمه من الحزب الفلاني والعلاني ...لا أفضل لهم ينزلو باختيار رئيس الدوله ويبقى لهم تمثيل مناسب في البرمان لحد ماحنا كشعب نتعلم ونتثقف ونفهم اسس الإختيار بعيدا عن العصبيه الدينيه والقبليه .
ولما ربنا يفرجها ونبقى شعب مثقف ديموقراطيا يبقى من حق المشرِّع إنه يغير الماده دي أو يحذفها ... بعد 20 سنه أو 30 أو زي ما يكون .
.
مقولتليش ؟ عايز ايه بقى ؟ شعارات حلوه وجميله... ولا واقع لازم نعيشه ؟!
بقى يا سيدي قرار منح رئيس الجمهوريه الحق في تعيين 5% من نواب مجلس الشعب ده بيتعارض مع أسس الديموقراطيه , معاك والله وعارف , بس مصر مش سويسرا , ولسه قدامنا كتير ( مش أقل من 50 سنه على أحسن تقدير ) .
.
القرار ده هو شر لابد منه , والنسبه مش كبيره ومش مؤثره في توجيه دفة البرلمان , إنما هتضمن تمثيل معقول للأقباط والمرأه والنوبيين , أهي الجمله الأخيره دي على عيني اني أكتبها كده , وبقرف من كتابتها لأن المفروض مفيش حاجه اسمها أقباط ومرأه ونوبيين في الديموقراطيه , فيه حاجه اسمها مصريين بس .
.
إنما لما الشعب اللي نُصه أمي وجاهل يفهم الحكايه دي ويعرف إن المواطن المسلم ممكن ينتخب مرشح مسيحي أو واحده ست طالما هو ( هي ) الأفضل , لو عملت حضرتك انتخابات فرديه في عموم مصر مش هيبقى فيها ولا فايز واحد مسيحي ولا امرأه , ولو نزلتهم قوايم هيبقى نزولهم منحه ( ممنوحه أو ممنوعه ) أو مكرمه من الحزب الفلاني والعلاني ...لا أفضل لهم ينزلو باختيار رئيس الدوله ويبقى لهم تمثيل مناسب في البرمان لحد ماحنا كشعب نتعلم ونتثقف ونفهم اسس الإختيار بعيدا عن العصبيه الدينيه والقبليه .
ولما ربنا يفرجها ونبقى شعب مثقف ديموقراطيا يبقى من حق المشرِّع إنه يغير الماده دي أو يحذفها ... بعد 20 سنه أو 30 أو زي ما يكون .
.
مقولتليش ؟ عايز ايه بقى ؟ شعارات حلوه وجميله... ولا واقع لازم نعيشه ؟!
طيب انت ليه مش عايز تصدق إن في جنوب
مصر دوله اسمها السودان واتقسمت ( أه والله اتقسمت ...عليا النعمه اتقسمت ) وفي
شمالها دوله اسمها فلسطين واتقسمت ( أحلف تاني ؟! ) وفي غربها دوله اسمها ليبيا
وبتتقسم حاليا , ومكانشي باقي غيرك انت والسعوديه من بعدك , السعوديه حمت نفسها
بمصر وبفلوسها , و مصر حمت نفسها بجيشها وشعبها .
يعني شعبك وجيشك اللي وقفو جنب بعض هما اللي وقفو الخطه الأمريكيه اللذيذه لتقسيم باقي العرب , الثورات بتاعتنا المحترمه كانت الفرصه الذهبيه للتقسيم لأن الوطن بيبقى عامل زي الجرح المفتوح وسهل تعمل جواه اي حاجه ( أمريكا في الحاله دي مش محتاجه تقول عندك أسلحة دمار شامل !! ) , كلمني الأول عن أرض موحده قطعه واحده قالب واحد وبعدين كلمني عن الديموقراطيه .
بس ديموقراطية إيه يا مولانا في شعب يوم ماختار بالصندوق جابلنا اختيار بين اتنين في الإعاده ( تختار الحيوان ابن الكلب ولا تختار ابن الكلب الحيوان ؟! ) , و يوميها فضل النشطاء بقى والنحانيح يقنعوني إن فيه فرق بين الإتنين , طيب ركز كده في اللي بين القوسين وانت مش هتلاقي أي فرق ( ده تقديم للمبتدأ عن الخبر مش أكتر ) .
اصبر علينا شويه والنبي يا حاج , إحنا شعب يعرف يعمل محشي ,يعرف يعمل قاعده حلوه ولمه , يعرف يعمل باللو , يعرف يعمل حواجبه , لكن ميعرفشي يعمل ديموقراطيه ...لسه شويه
يعني شعبك وجيشك اللي وقفو جنب بعض هما اللي وقفو الخطه الأمريكيه اللذيذه لتقسيم باقي العرب , الثورات بتاعتنا المحترمه كانت الفرصه الذهبيه للتقسيم لأن الوطن بيبقى عامل زي الجرح المفتوح وسهل تعمل جواه اي حاجه ( أمريكا في الحاله دي مش محتاجه تقول عندك أسلحة دمار شامل !! ) , كلمني الأول عن أرض موحده قطعه واحده قالب واحد وبعدين كلمني عن الديموقراطيه .
بس ديموقراطية إيه يا مولانا في شعب يوم ماختار بالصندوق جابلنا اختيار بين اتنين في الإعاده ( تختار الحيوان ابن الكلب ولا تختار ابن الكلب الحيوان ؟! ) , و يوميها فضل النشطاء بقى والنحانيح يقنعوني إن فيه فرق بين الإتنين , طيب ركز كده في اللي بين القوسين وانت مش هتلاقي أي فرق ( ده تقديم للمبتدأ عن الخبر مش أكتر ) .
اصبر علينا شويه والنبي يا حاج , إحنا شعب يعرف يعمل محشي ,يعرف يعمل قاعده حلوه ولمه , يعرف يعمل باللو , يعرف يعمل حواجبه , لكن ميعرفشي يعمل ديموقراطيه ...لسه شويه
مساء الخير , لو عندك صداع شديد ودماغك
هتنفجر ممكن تشرب فنجان قهوه محوج ومعاه قرصين بنادول , ولو عندك اكتئاب وزهقان
وقرفان وبتخانق دبّان وشك ممكن تاخد قرص ( سيبراليكس ) , ولو حاسس إنك داخل على
انفصام في الشخصيه , يعني شايف نفسك بقيت اتنين أو تلاته أو تسعه ومانتش عارف انت
مين في دول بالظبط ؟ ممكن تاخد قرص ( زيبركسا ) , ولو عندك كل اللي فات هيبقى
قدامك حل من اتنين : إما ( فنجان قهوه وقرصين بنادول وقرص سيبرالكس وقرص زيبركسا )
....... أو ترمي كل ده و تروح للحاجه والدتك تحبّ على إيديها وتسند راسك على صدرها
وتخليها ترقيك وتسمع منها دعوه حلوه طالعه من القلب !!
معلومه قريتها من فتره ( مش متأكد أوي
منها ) , بيقولك يا سيدي إن مولانا نابليون بونابرت قبل ما ييجي على مصر بالحمله
الفرنسيه سأل الناس حواليه سؤال : هو انا أضحك عالمصريين إزاي واكسبهم في صفي ؟
قالو لو شوف يا حاج مفيش حل غير إنك تدخل عليهم بدقن وسبحه , مولانا نابليون فهم
القصد ( والفوله ) ونشر إشاعه إنه اعتنق الإسلام ( وتقريبا ربى دقنه ) , ودخل مصر
وفعلا كتير من الغلابه بقو يهتفو بإسمه بعد ما عرفو إنه ( أسلم بقى اللهم صل عالنبي
!! ) , ولو كان نابليون استمر في كدبته اسبوعين تلاته كان طلع أغلب الشعب في
الشوارع يهتفو بحياته ( يا مشير إنت الأمير !! ) .
.
الكلام ده حصل من 200 قول 220 سنه , أتارينا شعب ابن تيييييت من زمان , قوم حضرتك مش عايز أحفاد الناس دي ( اللي حبّو نابليون من أول سبحه ) ينتخبو الإخوان ؟!.
يا مولانا أصلك مش فاهم , في كل شعوب الأرض هتلاقي أطفال بيرضعو طبيعي وأطفال بيرضعو صناعي , عندنا احنا بقى هتلاقي أطفال كتير بيرضعو زراعي ....برسيم يعني , والنتيجه بتشوفها بعينك وكله في الزندوء !!.
.
الكلام ده حصل من 200 قول 220 سنه , أتارينا شعب ابن تيييييت من زمان , قوم حضرتك مش عايز أحفاد الناس دي ( اللي حبّو نابليون من أول سبحه ) ينتخبو الإخوان ؟!.
يا مولانا أصلك مش فاهم , في كل شعوب الأرض هتلاقي أطفال بيرضعو طبيعي وأطفال بيرضعو صناعي , عندنا احنا بقى هتلاقي أطفال كتير بيرضعو زراعي ....برسيم يعني , والنتيجه بتشوفها بعينك وكله في الزندوء !!.
Hussein
المراهقه الحقيقيه !!.
.
صباح الخير , وانا مراهق حلو كده في الثانويه العامه والجامعه كنت بعمل ( زي باقية زمايلي يعني ) حاجات غلط كتير , ولو ركزت شويه في أخطاء وخطايا المرحله دي هتكتشف إن أدناها هي حكاية الفرجه على الأفلام الثقافي ( مكانتش متاحه أوي للأسف !! ) ومجلة الشبكه اللبنانيه .
.
وكنت بلاحظ إن الأباء والأمهات بيعتقدو إن دي أكبر مصيبه أو كارثه بتواجه ولادهم وبناتهم .
دلوأتي تحديدا أقدر أقول إن حكاية الثقافي والمجلات كانت أهون وأتفه حاجه مرينا بيها , فيه حاجتين أخطر بكتير , لهم علاقه بالعقل , ونمو الإنسان بشكل أدمي سوي متزن .
.
أولا : كنت كشاب مسلم مراهق غيور على ديني بفرح جدا بالكلام والإشاعات والخزعبلات والحواديت والحكايات اللي بسمعها عن المسيحيين , ولو باباك شافك فرحان بحاجات زي كده ومصدقها بيفرح بيك أوي , أهم حاجه يابني ماتمسكشي مجله من إياهم !!.
.
ثانيا : كنت كشاب مسلم مراهق غيور على ديني بفرح أوي بحكاية الإعجاز العلمي للقرأن الكريم , معرفشي الشيخ فلان قال إن الأيه الفلانيه بتأكد حقيقة أن الأرض كرويه , والشيخ علان عمل تحليل لماية زمزم فلقى فيها معرفشي ايه , أما العالم المسلم فلان الفلاني فقد ( أفحمَ ) فريق البحث العلمي في جامعة فلوريدا بعد أن أثبت لهم من القرأن الكريم أن عنصر المنجنيز معرفشي ايه ؟!.
.
وفين بقى؟ بعد سنين طويله , سنين تشيلني وسنين تحطني لحد ما قابلت حاجه غريبه كده لقيتها جوايا , وبعد حوار طويل بينا فهمت منها معلومتين :
قالت لي يا محمد مش مهم أبدا تشوه في عقيدة غيرك عشان تبقى غيور على دينك , مش شطاره هي يعني , واللي حصل ده كان شغل أمن دوله ( عشان الشعب يفضل يكره بعضه ) وبينقله على لسان مشايخ الجهل ( بتوع حَدْف الخليج ).
.
وقالت لي يا محمد , حكاية الإعجاز العلمي في القرأن دي هي ( زج ) لكتاب الله المقدس في نظريات علميه ( قد تتغير ) , لأن القاعده الأولى في البحث العلمي بتقول إن مفيش حقيقه علميه مطلقه , ولو حصل واتفق تفسيرك انت لأيات الله مع نظريه علميه ممكن ييجي فريق بحث علمى بعد كذا سنه ويثبت إن النظريه دي غلط , هيبقى موقفك انت ايه بقى ؟ وليه تحط كتاب الله في موضع شبهه ؟!......... الحاجه دي اسمها العقل والمنطق .
.
نصيحه لكل أب وأم , ماتشغلوش بالكو أوي بحكاية الأفلام والمجلات اللي ممكن يشوفها ولادكو المراهقين , ركزو معاهم شويه في العقل , في الإتزان النفسي والسلوكي , وفرو عليهم سنين طويله من البحث ( والفرهده ) من أجل الوصول للحقيقه , ساعتها هيبقى عندنا جيل قادر إنه ينحت في الصخر , جيل يقدر يقود مصر فعلا في طريق النور .
.
صباح الخير , وانا مراهق حلو كده في الثانويه العامه والجامعه كنت بعمل ( زي باقية زمايلي يعني ) حاجات غلط كتير , ولو ركزت شويه في أخطاء وخطايا المرحله دي هتكتشف إن أدناها هي حكاية الفرجه على الأفلام الثقافي ( مكانتش متاحه أوي للأسف !! ) ومجلة الشبكه اللبنانيه .
.
وكنت بلاحظ إن الأباء والأمهات بيعتقدو إن دي أكبر مصيبه أو كارثه بتواجه ولادهم وبناتهم .
دلوأتي تحديدا أقدر أقول إن حكاية الثقافي والمجلات كانت أهون وأتفه حاجه مرينا بيها , فيه حاجتين أخطر بكتير , لهم علاقه بالعقل , ونمو الإنسان بشكل أدمي سوي متزن .
.
أولا : كنت كشاب مسلم مراهق غيور على ديني بفرح جدا بالكلام والإشاعات والخزعبلات والحواديت والحكايات اللي بسمعها عن المسيحيين , ولو باباك شافك فرحان بحاجات زي كده ومصدقها بيفرح بيك أوي , أهم حاجه يابني ماتمسكشي مجله من إياهم !!.
.
ثانيا : كنت كشاب مسلم مراهق غيور على ديني بفرح أوي بحكاية الإعجاز العلمي للقرأن الكريم , معرفشي الشيخ فلان قال إن الأيه الفلانيه بتأكد حقيقة أن الأرض كرويه , والشيخ علان عمل تحليل لماية زمزم فلقى فيها معرفشي ايه , أما العالم المسلم فلان الفلاني فقد ( أفحمَ ) فريق البحث العلمي في جامعة فلوريدا بعد أن أثبت لهم من القرأن الكريم أن عنصر المنجنيز معرفشي ايه ؟!.
.
وفين بقى؟ بعد سنين طويله , سنين تشيلني وسنين تحطني لحد ما قابلت حاجه غريبه كده لقيتها جوايا , وبعد حوار طويل بينا فهمت منها معلومتين :
قالت لي يا محمد مش مهم أبدا تشوه في عقيدة غيرك عشان تبقى غيور على دينك , مش شطاره هي يعني , واللي حصل ده كان شغل أمن دوله ( عشان الشعب يفضل يكره بعضه ) وبينقله على لسان مشايخ الجهل ( بتوع حَدْف الخليج ).
.
وقالت لي يا محمد , حكاية الإعجاز العلمي في القرأن دي هي ( زج ) لكتاب الله المقدس في نظريات علميه ( قد تتغير ) , لأن القاعده الأولى في البحث العلمي بتقول إن مفيش حقيقه علميه مطلقه , ولو حصل واتفق تفسيرك انت لأيات الله مع نظريه علميه ممكن ييجي فريق بحث علمى بعد كذا سنه ويثبت إن النظريه دي غلط , هيبقى موقفك انت ايه بقى ؟ وليه تحط كتاب الله في موضع شبهه ؟!......... الحاجه دي اسمها العقل والمنطق .
.
نصيحه لكل أب وأم , ماتشغلوش بالكو أوي بحكاية الأفلام والمجلات اللي ممكن يشوفها ولادكو المراهقين , ركزو معاهم شويه في العقل , في الإتزان النفسي والسلوكي , وفرو عليهم سنين طويله من البحث ( والفرهده ) من أجل الوصول للحقيقه , ساعتها هيبقى عندنا جيل قادر إنه ينحت في الصخر , جيل يقدر يقود مصر فعلا في طريق النور .
لقاء د منال عمر مع محمود سعد ,
إسمعوها الست دي مش بتهبّل ولا تعبّط , اعرفو أمريكا بتعمل ايه حاليا والإخوان
بيخططو لإيه ؟ الفكره ببساطه هي تحويل السيسي إلى صورة السفاح , السفاح السفاح
,وملف بيتجهز عشان يتحاكم السيسي في جنوب أفريقيا برعايه إخوانيه امريكيه قطريه ,
بعدها تدخّل رسمي عسكري للأمريكان على أرض مصر لحمايتها من السفاح !! دي الخطه
البديله لأمريكا بعد ما وقفنا مشروع خراب مصر على ايد الإخوان , وياما في الجراب
يا حاوي .
الله عليكي يا ستنا , والمساطيل ولاد المساطيل لسه بيقولو ديموقراطيه وحرية و بطاطس مقليه , النحانيح أخطر على مصر حاليا من الإخوان ( ده كلامي أنا ) , مرسي لبس البدله في المحاكمه مش اعتباطا ولا مسك على كلمة ( أنا الرئيس الشرعي ) من باب خفة الدم , دي تعليمات يا حاج , عايزين التاريخ يقف عند النقطه دي ويعرفو يرجعولها على ضهر الدبابه الأمريكيه , شهادة وفاة ثلاثيه هتحصل لو مصوتناش بنعم عالدستور بنسبة تفوق نبسة نعم في الدستور اللي فات , شهاده وفاه للجيش وشهاده للشعب وشهاده وفاه للتاريخ !!.
الله عليكي يا ستنا , والمساطيل ولاد المساطيل لسه بيقولو ديموقراطيه وحرية و بطاطس مقليه , النحانيح أخطر على مصر حاليا من الإخوان ( ده كلامي أنا ) , مرسي لبس البدله في المحاكمه مش اعتباطا ولا مسك على كلمة ( أنا الرئيس الشرعي ) من باب خفة الدم , دي تعليمات يا حاج , عايزين التاريخ يقف عند النقطه دي ويعرفو يرجعولها على ضهر الدبابه الأمريكيه , شهادة وفاة ثلاثيه هتحصل لو مصوتناش بنعم عالدستور بنسبة تفوق نبسة نعم في الدستور اللي فات , شهاده وفاه للجيش وشهاده للشعب وشهاده وفاه للتاريخ !!.
جدول الأعمال للفصيل الوطني ( الإخوان
) :
الجدول يا شباب ....
.
السبت والحد : حرق في البلد
.
اتنين وتلات : تخريب في الجامعات
.
الأربع : نولع في سينا
.
الخميس : مظاهرات من أجل العداله والقصاص وحق الشهداء والديموقراطيه وثورة يناير وشهداء محمد محمود وماسبيرو ومجلس الوزرا وحرية التعبير والرأي والساندوتشات الهامبورجر والبناطيل السترتش .
.
الجمعه : مظاهرات لتحرير القدس .
.
.......... بالنسبه لأصدقاءنا الثوار والنشطاء والمناضلين الرافضين للإنقلاب والأستاذ علاء والست أسماء وغيرهم , هما هيشاركو معانا مظاهرات الخميس دلوأتي , وربنا يهديهم بقى وينزلوا معانا باقي أيام الإسبوع !!.
.
.
يالله النشيد يا شباب , بسم الله الرحمن الرحيم , اللهم صل عالنبي ( يا أوسخ اسم في الوجود يا مصر !! )
الجدول يا شباب ....
.
السبت والحد : حرق في البلد
.
اتنين وتلات : تخريب في الجامعات
.
الأربع : نولع في سينا
.
الخميس : مظاهرات من أجل العداله والقصاص وحق الشهداء والديموقراطيه وثورة يناير وشهداء محمد محمود وماسبيرو ومجلس الوزرا وحرية التعبير والرأي والساندوتشات الهامبورجر والبناطيل السترتش .
.
الجمعه : مظاهرات لتحرير القدس .
.
.......... بالنسبه لأصدقاءنا الثوار والنشطاء والمناضلين الرافضين للإنقلاب والأستاذ علاء والست أسماء وغيرهم , هما هيشاركو معانا مظاهرات الخميس دلوأتي , وربنا يهديهم بقى وينزلوا معانا باقي أيام الإسبوع !!.
.
.
يالله النشيد يا شباب , بسم الله الرحمن الرحيم , اللهم صل عالنبي ( يا أوسخ اسم في الوجود يا مصر !! )
وسبحان الله يا جدع , كانو بيهتفو في
مظاهراتهم ( يا سيسي يا جبان يا عميل الأمريكان !! ) , وبعد زيارة الوفد الروسي
الرفيع لمصر بقى السيسي عميل الروس !!... الله ؟ ده كده يبقى السيسي هو الشخصيه
الوحيده في العالم اللي قدرت تلعب دور العميل المزدوج على القوتين العظمتين
....الله يخيبكو يا بعدا ....قصدكو تقولو إن السيسي ده جامد تنين صح ؟!!.
سؤال غريب جه على بالي ( وبدون سخريه
)
.
هي مصر لو دخلت حرب , فجأه كده يعني ولأي سبب من الأسباب , يا ترى البرادعي هيعمل ايه ؟ العقل والمنطق بيقولو إنه يرجع مصر باعتباره زعيم سياسي ويبدأ يحشد أنصاره ل 3 حاجات , التطوع في الجيش وعمل لجان شعبيه لتأمين البلد من الداخل والتبرع للقوات المسلحه ...صح كده ؟ طيب أومال البرادعي مرجعشي ليه لحد دلوأتي ؟ وهو فيه حرب في الدنيا بيدخلها أي جيش أوسخ من الحرب على الإرهاب ؟!.
طيب هو البرادعي هيرجع فعلا في حالة عدوان خارجي على مصر ؟ ولا مالهوش في الليله دي بتاعة الحرب والسلاح والدم والكلام ده ( تخصص ديموقراطيه يعني مش جراحه وحروب ) !!.
طيب لو هو تخصص ديموقراطيه مش جراحه هيعمل ايه لو حكم مصر ؟ مصر بطبيعة تاريخها وجغرافيتها وموقعها معرضه في أي لحظه لعدوان خارجي ( أحيانا بييجي العدو من غير أسباب غير الطمع ) ؟ يا ترى البرادعي هيعمل ايه وقتها وهو رئيس مصر ؟ هيقف ويسترجل ويحارب ؟ ولا هياخد أجازه في الوقت ده و نشوف حد غيره يحكم وقت الحرب ؟ طيب أجازة البرادعي هيبقى اسمها ايه ؟ يعني نسجلها في الدفاتر إزاي ؟!.....اجازة رعاية تويتر !!.
.
هي مصر لو دخلت حرب , فجأه كده يعني ولأي سبب من الأسباب , يا ترى البرادعي هيعمل ايه ؟ العقل والمنطق بيقولو إنه يرجع مصر باعتباره زعيم سياسي ويبدأ يحشد أنصاره ل 3 حاجات , التطوع في الجيش وعمل لجان شعبيه لتأمين البلد من الداخل والتبرع للقوات المسلحه ...صح كده ؟ طيب أومال البرادعي مرجعشي ليه لحد دلوأتي ؟ وهو فيه حرب في الدنيا بيدخلها أي جيش أوسخ من الحرب على الإرهاب ؟!.
طيب هو البرادعي هيرجع فعلا في حالة عدوان خارجي على مصر ؟ ولا مالهوش في الليله دي بتاعة الحرب والسلاح والدم والكلام ده ( تخصص ديموقراطيه يعني مش جراحه وحروب ) !!.
طيب لو هو تخصص ديموقراطيه مش جراحه هيعمل ايه لو حكم مصر ؟ مصر بطبيعة تاريخها وجغرافيتها وموقعها معرضه في أي لحظه لعدوان خارجي ( أحيانا بييجي العدو من غير أسباب غير الطمع ) ؟ يا ترى البرادعي هيعمل ايه وقتها وهو رئيس مصر ؟ هيقف ويسترجل ويحارب ؟ ولا هياخد أجازه في الوقت ده و نشوف حد غيره يحكم وقت الحرب ؟ طيب أجازة البرادعي هيبقى اسمها ايه ؟ يعني نسجلها في الدفاتر إزاي ؟!.....اجازة رعاية تويتر !!.
حكاوي البنات
.
صباح الخير , ولأسباب مجهوله تماما قرر بناتي الإتنين إنهم ينامو جنبي في تفس الوقت , واحده عاليمين والتانيه عالشمال , و كل واحده عايزاني أحكي لها حكايه .
طبعا حكايات الكبيره لوجي ( 7 سنين ) , غير حكايات لمار ( 3 سنين ) , وانا كنت جبت أخري وعايز أنام , قلت للوجي هحكي لك حكاية ( البنتين الجمال أوي لوجي ولمار اللي شافو المطر من الشباك فقامو لبسو المايوه ونزلو يبلبطو في المايه وباباهم جاب الكاميرا وصورهم ) , قالت لي لأ طبعا هو أنا لمار ؟! .
فهمت إنها عايزه حكايه أكثر عمقا بعيدا عن السطحيه والإبتذال , بس لمار الصغيره محتاجه حكايه سطحيه بسيطه على أد سنها , ضربت في دماغي واختصارا للوقت عشان أنام إني أحكي لهم حكايتين في حكايه واحده , يعني اضربهم في الخلاط كده واشوف النتيجه ايه؟ .
.
قلت لهم صلو عالنبي , كان يا ما كان يا ساده يا كرام ولا يحلى الكلام إلا بذكر النبي عليه الصلاة والسلام , كان فيه دوله اسمها أمريكا ( اللي هي لوجي ) ودوله اسمها الإتحاد السوفيتي ( اللي هي لمار ) , إسمها ايه يا لمار ؟ قالت لي الإتحاد السعودي !! , قلت لها لأ الإتحاد السوفيتي , معرفتشي تنطقها .
.
المهم يا بنات كان بينهم حاجه كده اسمها الحرب , يعني صواريخ و قنابل وبمب وطيارات ( لمار قالت لي ومطارات ) , قلت لها اه ومطارات كمان , وحاجات عماله تفرقع هنا وهناك ( قالت لي بلالين ) , قلت لها صح بلالين , وبعد ما فضلو يتخانقو كتير , جم الناس التانيين ولاد الحلال قالو لهم يا جدعان عيب كده ما يصحش , دانتو قاتلين سارقين دافنين سوا , انتو تتصالحو وكل واحده منكو تاخد لها قرشين ( كام دوله يعني تحت عبايتها ) , ماشي كده يا لوجي ؟ قالت ماشي .
.
المهم بقى يا لمار خدو الفلوس وراحو السوبر ماركت اشترو أيس كريم ( لمار قالت لي وشلاكاته ؟) قلت لها أه وشوكلاته , وبيبسي وتوفي ولبان , وكل واحده منهم حطت الحاجات اللي اشترتها في كيس عشان مش تتلخبط مع حاجات التانيه ...........خلصت الحدوته , حلوه ولا ملتوته ؟ الإتنين قالو حلوه .....يالله بقى مفيش أحلى من محاولة تثبيت أمريكا ( لوجي ) والإتحاد السوفيتي ( لمار ) بحكايه واحده .
.
صباح الخير , ولأسباب مجهوله تماما قرر بناتي الإتنين إنهم ينامو جنبي في تفس الوقت , واحده عاليمين والتانيه عالشمال , و كل واحده عايزاني أحكي لها حكايه .
طبعا حكايات الكبيره لوجي ( 7 سنين ) , غير حكايات لمار ( 3 سنين ) , وانا كنت جبت أخري وعايز أنام , قلت للوجي هحكي لك حكاية ( البنتين الجمال أوي لوجي ولمار اللي شافو المطر من الشباك فقامو لبسو المايوه ونزلو يبلبطو في المايه وباباهم جاب الكاميرا وصورهم ) , قالت لي لأ طبعا هو أنا لمار ؟! .
فهمت إنها عايزه حكايه أكثر عمقا بعيدا عن السطحيه والإبتذال , بس لمار الصغيره محتاجه حكايه سطحيه بسيطه على أد سنها , ضربت في دماغي واختصارا للوقت عشان أنام إني أحكي لهم حكايتين في حكايه واحده , يعني اضربهم في الخلاط كده واشوف النتيجه ايه؟ .
.
قلت لهم صلو عالنبي , كان يا ما كان يا ساده يا كرام ولا يحلى الكلام إلا بذكر النبي عليه الصلاة والسلام , كان فيه دوله اسمها أمريكا ( اللي هي لوجي ) ودوله اسمها الإتحاد السوفيتي ( اللي هي لمار ) , إسمها ايه يا لمار ؟ قالت لي الإتحاد السعودي !! , قلت لها لأ الإتحاد السوفيتي , معرفتشي تنطقها .
.
المهم يا بنات كان بينهم حاجه كده اسمها الحرب , يعني صواريخ و قنابل وبمب وطيارات ( لمار قالت لي ومطارات ) , قلت لها اه ومطارات كمان , وحاجات عماله تفرقع هنا وهناك ( قالت لي بلالين ) , قلت لها صح بلالين , وبعد ما فضلو يتخانقو كتير , جم الناس التانيين ولاد الحلال قالو لهم يا جدعان عيب كده ما يصحش , دانتو قاتلين سارقين دافنين سوا , انتو تتصالحو وكل واحده منكو تاخد لها قرشين ( كام دوله يعني تحت عبايتها ) , ماشي كده يا لوجي ؟ قالت ماشي .
.
المهم بقى يا لمار خدو الفلوس وراحو السوبر ماركت اشترو أيس كريم ( لمار قالت لي وشلاكاته ؟) قلت لها أه وشوكلاته , وبيبسي وتوفي ولبان , وكل واحده منهم حطت الحاجات اللي اشترتها في كيس عشان مش تتلخبط مع حاجات التانيه ...........خلصت الحدوته , حلوه ولا ملتوته ؟ الإتنين قالو حلوه .....يالله بقى مفيش أحلى من محاولة تثبيت أمريكا ( لوجي ) والإتحاد السوفيتي ( لمار ) بحكايه واحده .
إمبارح دخلت على شبكة رصد من باب يعني
أشوفهم وصلو لأي درجة من الإنحراف ( ماهي شبكه بقى ) , ولقيتهم ناشرين صوره لكام
ست كده , واقفين عالطريق وقالك ( سلسله بشريه رافضه للإنقلاب !! ) فضلت أعد في
الستات لقيتهم ييجي 27 , مممممم شكلهم كده شغالين في الوحده المحليه بتاعة ( أويش
الحجر ) وعملو لنفسهم خط سير وركبو الميكروباس عشان يتصورو , لو المصور ( بتاع رصد
) كان فتح الكاميرا شويه يمكن كنا عرفنا ماركة الميكروباس اللي جايين فيه , طيب يا
مولانا , دول كده ميعملوش سلسله ولا إنسيال حتى , دول بالكتير تقول عليهم ميكروباس
, ميكروباس ضد الإنقلاب !!.
الصوره التانيه ل 4 عيال واقفين على جرف ترعه ورافعين ايديهم بإشارة رابعه , بس مفيش جنبهم لبشة قصب !!.
كل صوره من دول متشيره كذا ألف مره.
.
المهم بقى أنا علقت وقلت ما لذ وطاب من الكلام الهباب ولو إني عارف والله إن مفيش فايده من الكلام , ربنا سبحانه وتعالى قال ( إِنَّكَ لَا تُسْمِعُ الْمَوْتَىٰ ) ...صدق الله العظيم .
الصوره التانيه ل 4 عيال واقفين على جرف ترعه ورافعين ايديهم بإشارة رابعه , بس مفيش جنبهم لبشة قصب !!.
كل صوره من دول متشيره كذا ألف مره.
.
المهم بقى أنا علقت وقلت ما لذ وطاب من الكلام الهباب ولو إني عارف والله إن مفيش فايده من الكلام , ربنا سبحانه وتعالى قال ( إِنَّكَ لَا تُسْمِعُ الْمَوْتَىٰ ) ...صدق الله العظيم .
دعوه جميله من أحد الأصدقاء لإرسال
برقية تهنئه للفريق عبد الفتاح السيسي بمناسبة عيد ميلاده ال 59 ....الدعوه عجبتني
, الصيغه بسيطه ( كل سنه وحضرتك طيب يا ريس قصدي يا سيادة الفريق ) , العنوان سهل
ومايتوهشي , مصر الجديده بعد أول دوشمه يمين , ولو حد في البريد سألني وانا ببعت
التلغراف , انت تعرف سيادة الفريق السيسي منين ياض , إنطق ياض , هقوله يا عم ده معارف
بابا !!.
.
أبويا الله يرحمه لو كان عايش كان بعت التهنئه دي أو راح وداها بنفسه , أبويا كان راجل فلاح بسيط ( راجل فلاح بسيط ) , انسى كلمة بسيط لأنها مش بتفرق معانا وركز في كلمة فلاح و كلمة راجل !!.
.
أبويا الله يرحمه لو كان عايش كان بعت التهنئه دي أو راح وداها بنفسه , أبويا كان راجل فلاح بسيط ( راجل فلاح بسيط ) , انسى كلمة بسيط لأنها مش بتفرق معانا وركز في كلمة فلاح و كلمة راجل !!.
من غير هزار
.
أنا ضد أي مفاوضات ممكن تتم مع الجماعه الإرهابيه وأنصارها , أي مفاوضات بمعنى الإبقاء على معبدهم الوثني ( مكتب الإرشاد ) وعقولهم الضاني وحزبهم السياسي اللي خلط الدين بالسياسه فكانت النتيجه إرهاب وإلحاد !!.
الحاجه الوحيده اللي ممكن أقبلها هي الإفراج عن غير المتهم بتهمه جنائيه , والسماح لهم بممارسة السياسه زي مخاليق ربنا ( يعني يبقى ليبرالي ولا اشتراكي ولا رأسمالي ولا عفريت أزرق ) , مع وضع ماده في الدستور تمنع تماما إقامة أحزاب على أساس ديني وماده تمنع السماح بوجود تنظيم داخل مصر يكون عضو في تنظيم دولي , وماده تجرّم حمل السلاح لغير رجال الشرطه والجيش , أظن كده عداني العيب , وده رأيي الشخصي , اللي خايف عالبلد دي لازم يفهم إنه لا هيكون فيه ديموقراطيه ولا طاقة نور للبلد دي طول ما فيها تنظيم دولي وجماعه إرهابيه مسلحه .
ضد المصالحه يا سيسي وضد البرادعي حاليا وضدك لو عملتها , انت مشيت طريق صح كمِّل فيه بقى , الوقوف في نص الطريق ده انتحار , إنتحار ليك وانت مش مهم , بس انتحار للبلد دي كمان وهي الاهم .
.
أنا ضد أي مفاوضات ممكن تتم مع الجماعه الإرهابيه وأنصارها , أي مفاوضات بمعنى الإبقاء على معبدهم الوثني ( مكتب الإرشاد ) وعقولهم الضاني وحزبهم السياسي اللي خلط الدين بالسياسه فكانت النتيجه إرهاب وإلحاد !!.
الحاجه الوحيده اللي ممكن أقبلها هي الإفراج عن غير المتهم بتهمه جنائيه , والسماح لهم بممارسة السياسه زي مخاليق ربنا ( يعني يبقى ليبرالي ولا اشتراكي ولا رأسمالي ولا عفريت أزرق ) , مع وضع ماده في الدستور تمنع تماما إقامة أحزاب على أساس ديني وماده تمنع السماح بوجود تنظيم داخل مصر يكون عضو في تنظيم دولي , وماده تجرّم حمل السلاح لغير رجال الشرطه والجيش , أظن كده عداني العيب , وده رأيي الشخصي , اللي خايف عالبلد دي لازم يفهم إنه لا هيكون فيه ديموقراطيه ولا طاقة نور للبلد دي طول ما فيها تنظيم دولي وجماعه إرهابيه مسلحه .
ضد المصالحه يا سيسي وضد البرادعي حاليا وضدك لو عملتها , انت مشيت طريق صح كمِّل فيه بقى , الوقوف في نص الطريق ده انتحار , إنتحار ليك وانت مش مهم , بس انتحار للبلد دي كمان وهي الاهم .
في ليبيا كل اسبوعين تلاته بيتخطف
رئيس وزاره أو رئيس جهاز مخابرات أو وزير على إيد عصابات إرهابيه مسلحه وكل يوم
عشرات التفجيرات والقتلى ( العراق 2 ) , والتقسيم والحرب الأهليه هناك شغاله زي
الفل , بالمناسبه ليبيا دي للي عايز يعرف مش بتقع في قارة أمريكيا اللاتينيه , بص
عالخريطه , واعرف إن قطر ( حليفة الإخوان ) بتحكم ليبيا بمباركه أمريكيه من بعد
سقوط القذافي , وانت سيادتك قدامك 300 سنه على بال ما تبقى بقره وتعرف تقول عااااا
, يالله اهتف بقي , إهتف يا ناشط ( يسقط يسقط حكم العسكر ) !!.
الكاميرون عملت حفله على تونس ووصلت
كاس العالم , يا رب ما يتعمل علينا حفله تاني في القاهره بعد بكره , لو انا رئيس
مصر دلوأتي كنت بعتت عقيد صاعقه لمعسكر تدريب منتخبنا وقلت له روح شوف اللي بيتدرب
هناك رجاله ولا ........!! , لو رجع وقال أه رجاله نلعب ونرضي بالنتيجه , قال لأ
نعتذر ونفضها سيره .
ضربت في دماغي كده إني عايز أقدم هديه
لجيش بلدي , الجيش اللي حمى مصر من انها تبقى العراق أو ليبيا أو فلسطين أو
السودان , الجيش اللي لسه صابر ومرابط رغم تشويهه المستمر , بتكلم عن جيش مصر
العظيم مش السيسي كشخص , لأن السيسي في عدد الجيش المصري وتاريخه يساوي حباية رمل
مش اكتر .
.
وحيث إني بعيد ومش فإيدي ولا استطاعتي هديه عينيه , قلت هكتب كلمتين كل كام يوم عن جيش مصر , موقف مثلا شوفته بعيني أيام تجنيدي , حاجه بسيطه لأننا قاعدين عالفيس وفي التكييف وفي إيدنا السجاره وقدامنا النسكافيه وعمالين نشرط ونتشرط , وفينا اللي ميعرفشي حاجه عن الجيش , بنات ( ما بيدخلوش الجيش ) وأولاد مدخلوش أو دخلو ولجل حظهم مدخلوش التشكيلات والفرق والكتايب اللي بتبقى في الصحرا ( اللي هي أصل الجيش المصري ) .
.
طبعا بطيبيعة الحال كان سلاحي خدمات طبيه , وكنت ملحق على لوا مشاه ميكانيكي في طريق مصر اسماعيليه , وطلعنا مشروع حرب في شهر يناير , بننتشر في الجبل بطريقه معينه وكأننا في حالة حرب وبنتحرك ونبات في في الطلّ , عالرمل يعني لأن مفيش مباني ولا حتى خيام , المحظوطين بيلاقو عربيه من عربيات الجيش ينامو فيها .
.
أنا ليلتها نمت جنب العربيه الإسعاف عالرمل واتغطيت ببطانيتي , وبعد ساعتين لقيت نور عربيه ضارب في وشي , كان سواق العميد ( قائد اللوا ) , قالي السواق إن العميد تعبان جدا , وقائد السريه الطبيه مش موجود , طيب أنا عارف حالة العميد مسبقا ( عنده التهاب رئوي مزمن وعمره فوق ال 55 ) , روحت للعميد لقيته قاعد في كرافان ( أوضه صغيره كده بتتعمل من الصفيح ) وكحته مش بتبطل وشكله خلصان , كان دواه كتير ومتلخبط فيه , قست له ضغطه واديته الدوا الأخير بتاعه وسيبته ومشيت , وقبل مامشي سألته ( حضرتك محتاج تروح مستشفى يافندم ) , قال لي لأ يا محمد مش هينفع .
.
بعد كده عرفت إن الرتب الكبيره مش بتحب تروح المستشفيات العسكريه عشان تقارير المخابرات اللي هي جزء من ترقيتهم بيبقى من اهم بنودها الحاله الصحيه .
.
انتهت الحكايه وقصدي إن حتى الرتب الكبيره في الجيش بتعاني الأمرين , والحكايه مش لعبه , وتنفيذ الأوامر مفهوش جدال حتى عالرتب الكبيره , جيشنا المصري قاسي جدا وصارم و ده كان سبب ثباته وعظمته .
.
إحنا دلوأتي بقى ممكن نكمل لعب المزرعه السعيده وكاندي كراش ونمسك التابلت ونعمل مناظرات سياسيه عقيمه وفي أخر اليوم نسب لجيش مصر بالمره !!.
.
لما السيسي يبقى رئيس مصر ابقى اشتمه براحتك وانتقده لكن ماتجبشي سيرة الجيش على لسانك , ولو عايز تتذكر أحداث محمد محمود قول طنطاوي وعنان وروح احرقهم لكن ماتشتمشي جيش بلدك .
.
وحيث إني بعيد ومش فإيدي ولا استطاعتي هديه عينيه , قلت هكتب كلمتين كل كام يوم عن جيش مصر , موقف مثلا شوفته بعيني أيام تجنيدي , حاجه بسيطه لأننا قاعدين عالفيس وفي التكييف وفي إيدنا السجاره وقدامنا النسكافيه وعمالين نشرط ونتشرط , وفينا اللي ميعرفشي حاجه عن الجيش , بنات ( ما بيدخلوش الجيش ) وأولاد مدخلوش أو دخلو ولجل حظهم مدخلوش التشكيلات والفرق والكتايب اللي بتبقى في الصحرا ( اللي هي أصل الجيش المصري ) .
.
طبعا بطيبيعة الحال كان سلاحي خدمات طبيه , وكنت ملحق على لوا مشاه ميكانيكي في طريق مصر اسماعيليه , وطلعنا مشروع حرب في شهر يناير , بننتشر في الجبل بطريقه معينه وكأننا في حالة حرب وبنتحرك ونبات في في الطلّ , عالرمل يعني لأن مفيش مباني ولا حتى خيام , المحظوطين بيلاقو عربيه من عربيات الجيش ينامو فيها .
.
أنا ليلتها نمت جنب العربيه الإسعاف عالرمل واتغطيت ببطانيتي , وبعد ساعتين لقيت نور عربيه ضارب في وشي , كان سواق العميد ( قائد اللوا ) , قالي السواق إن العميد تعبان جدا , وقائد السريه الطبيه مش موجود , طيب أنا عارف حالة العميد مسبقا ( عنده التهاب رئوي مزمن وعمره فوق ال 55 ) , روحت للعميد لقيته قاعد في كرافان ( أوضه صغيره كده بتتعمل من الصفيح ) وكحته مش بتبطل وشكله خلصان , كان دواه كتير ومتلخبط فيه , قست له ضغطه واديته الدوا الأخير بتاعه وسيبته ومشيت , وقبل مامشي سألته ( حضرتك محتاج تروح مستشفى يافندم ) , قال لي لأ يا محمد مش هينفع .
.
بعد كده عرفت إن الرتب الكبيره مش بتحب تروح المستشفيات العسكريه عشان تقارير المخابرات اللي هي جزء من ترقيتهم بيبقى من اهم بنودها الحاله الصحيه .
.
انتهت الحكايه وقصدي إن حتى الرتب الكبيره في الجيش بتعاني الأمرين , والحكايه مش لعبه , وتنفيذ الأوامر مفهوش جدال حتى عالرتب الكبيره , جيشنا المصري قاسي جدا وصارم و ده كان سبب ثباته وعظمته .
.
إحنا دلوأتي بقى ممكن نكمل لعب المزرعه السعيده وكاندي كراش ونمسك التابلت ونعمل مناظرات سياسيه عقيمه وفي أخر اليوم نسب لجيش مصر بالمره !!.
.
لما السيسي يبقى رئيس مصر ابقى اشتمه براحتك وانتقده لكن ماتجبشي سيرة الجيش على لسانك , ولو عايز تتذكر أحداث محمد محمود قول طنطاوي وعنان وروح احرقهم لكن ماتشتمشي جيش بلدك .
.
محمد حسين
ليست هناك تعليقات:
إرسال تعليق