ما بخافشي

أيام بتعاند أهالينا
و عيال مساطيل
مخابيل تايهين
.
من بعد المولد والزينه
حالفين يلعبو
ينفخو بلالين
.
الموضه في بلدي
و بعد الثوره
بقت في اتنين
إرهاب إلحاد
إرهاب إلحاد
إفرحو يا ولاد
هيّصو يا ولاد
يا ولاد ستين
أدي أخر اللعب
بإسم الدين !!.
.
مابخافشي عليكي
يا بلدنا
من روم و تتار
وجيوش العالم
لو فتحت
على صدرك نار
ولا خاف من عيِّل
برياله
عايش عاله
ولا زفت الطين
وعاملي مثقف
بسلامته
علشان ما قراله
كتاب سطرين ؟!
ويقول لي أنا مين ؟
.
أنا مصري وعابد لترابها
حتى عذابها
عالراس والعين
.
دي جذور يا مغفل
لو تعرف
وانا جذري معدِّي
حدود فدادين
أنا مصري
بنكهة حواريها
عاشق راشق
وانتو التانيين !!.
.
.
محمد حسين