فجر يوم 30/6
_____________
فجر يوم جديد هيسطع؟
ودمع الفرح ف عنيكى هيلمع؟
ولا حيرة و قكر تانى
وصوتنا مش هيلقى لصوته
حد يسمع؟؟!!
فجر يوم جديد يلالى
وشمس تضوى ف العلالى
ولا قهرة قلب تكوى
حلم كان طول عمره غالى؟
فجر يوم جديد وطالع
بيسمع اللى ماكانش سامع
ولا يوم يعدى وخلاص
وحلمنا لبيته راجع؟
بس هو فجر يوم جديد يخلّى
قلب الخوف
يمشى...يولّى
ولو حتى حلمك مؤجل
قلبك صار جرئ تملّى
_________________
محمد عبد العزيز
ليست هناك تعليقات:
إرسال تعليق