ولا شوفتَك

ولا شوفتك !!
.
.
ولا شوفتك دايب
في ترابها
متشعّبط واقف
على بابها
.
ولا شوفتك ساند
في حيطانها
ولا شوفت عيونك
دول سايحين
لو حد غريب
بس أهانها !!.
.
ولا شوفتك ماسك
قال إيدها
ولا شوفتك بتغني
نشيدها
.
ولا شوفتك فارش
في صلاتك
العلم الناصع
سجّاده
ولا شوفتك واقف
ببياده
أتاريك نصّاب
عيِّل كداب
والكدب في دمك
بقى عاده
.
و ف أخر الليل
بتبيع مواويل
شخابيط خرابيط
وكلام معسول
مالهوش معنى
ما تغني يا ناشط
سمّعنا !! .
.
.
محمد حسين