إحْلَمْ .
.
.
إحلم دي الناس
لما بتحلم
بتشوف الدنيا سَبَعْ ألوان
واقلِبْ فنجانك هقرالك
أجمل فنجان
.
ماهو طوال ما ف قلبك
بذرة حب لخلق الله
دوَّر تلقاه
ويّاك جوّاك
بس انت افتكره
ف ساعة الخير
و ف ساعة الشده
هيبقى معاك .
.
الزرع هيكبر على إيدك
شوف عناقيدك
واحصدها قوام
.
احلم بالخير مهما
قالولك
وافرد طولك
ولا هما اسيادك
ولا حاجه
ولا إحنا في نفس الكون
خُدّام
.
دي الشمس بتشرق مجانا
يابو عقل ضرير
والنسمه بتدخل
على صدرك
من غير فواتير
وإديك السمره الشقيانه
بتهد جبال
على إيه بتكشّر
و بتيأس ؟
إفردها يا خال !!.
.
.
محمد حسين
ليست هناك تعليقات:
إرسال تعليق