علاقات غير مفهومة
-ماهو أصل العلاقة الأزلية بين الحلاقة، وبين كلمة "نعيماً"..؟
-ليه الحلاقين دايماً يأخدوا أجازتهم يوم الاتنين؟؟
-ليه طعم الطعمية بيتناسب طردياً مع عدم نضافة الزيت اللى بتتقلى فيه؟(كلما زادت قذارة الزيت كلما زادت حلاوتها؟
-ليه دايما يتناسب طول دراعك عكسياً مع الحتة اللى واكلاك فحت و انت عاوز تهرشها ف ضهرك؟
-ليه دايما وانت واقف فى طابور، وخلاص اتفشخت من الملل، وقررت تروح
الطابور اللى جنبه، فتلاقى الطابور اللى انت سبته ماشى اسرع من الطابور
اللى انت روحتله؟
-ليه دايما بعد ماتفتح كبوت العربية، وتبدأ تلعب ف الموتور وتوسخ ايدك، مناخيرك تبدأ تاكلك فحت؟؟
-ليه بعد ماتشترى جهاز اليكترونى فاخر،وتفتكر انك الوحيد اللى اشتريته،
تلاقيه تقريبا مع كل اصحابك وبسعر اقل بكتير من اللى انت دفعته؟
-ليه وانت بتاكل ساندوتش فى ورقة مزيتة ومعفنة، دايما تتشد انك تقرا الورقة دى على الرغم انك ممكن ماتكونش بتقرا جرايد اساساً؟
-على الرغم من انك فاحت نفسك فى الشغل ، لكن اول مايطب عليك مديرك ، دايماً يلاقيك مشغول فى اى حاجة تانية غير الشغل.؟
-لو قلت لصاحبك :- تصدق ان فيه 300 مليار نجم ف السما..هيهز راسه
ويصدقك،لكن لو قلتله ان دهان الحيطة لسة مانشفش...هتلاقيه مادد ايده عشان
يتأكد.
_____________________________
مقاطع قمت بتصريفها باللغة العامية من كتاب (قانون ميرفى)...وكتاب (الفيزياء المسلية)
محمد عبد العزيز
ليست هناك تعليقات:
إرسال تعليق