منوع

حقيقي يعني والله , ولاد مبارك كانو حراميه وأونطجيه إنما لما تسمعهم ولا تشوف تصرفاتهم تحسهم ولاد رؤساء , تربية قصور رئاسه , ولاد مرسي مقطعين حُصر الجامع ولما تسمعهم تحس إنهم ولاد زبالين , تربية زرايب !!...................إين مرسي بيقول على البرادعي يا حشره !, لا انت مش واخد بالك ابن مرسي اللي كان أبوه بيمسك الميكروفون للبرادعي وتلاقي كان حلمه هو وابوه وامه إنهم يتصورو مع البرادعي بيقول له يا حشره !!
وعلى رأي الإمام الشافعي ... تموت الأُسدُ في الغابات جوعاً.... ولحمُ الضأنِ تأكلها الكلابُ !!.

.

تفتكرو مرسي بعد ما قال هنكمل في الصناعه ما بدأه عبد الناصر , ممكن يحارب عشان يكمل ما بدأه السادات وينهب مصر عشان يكمل ما بدأه مبارك ويأخونها عشان يكمل ما بدأه خيرت الشاطر ؟!!.

.

من كام يوم النائب العام بتاع مرسي استدعى باسم يوسف للتحقيق بتهمة إهانة الرئيس , والنهارده النيابه بتاعة مرسي بتحبس دومه بتهمة إهانة الرئيس , ولسان حال الثوار والفيسبوكيه بيقول ( إنقل يابني الكهارب من هنا من عند باسم ناحية دومه حبيبي ) !!.,على فكره دومه هيطلع براءه وهيجي بعده واحد تاني , والإخوان هيفضلو يأخونو في البلد ويخربوها عشان احنا مش فاضيين , بننقل في الكهارب , وكل يوم عندنا فرح عقبال السامعين !!.

.مرسي راجع من روسيا يقول هنكمل مسيرة عبد الناصر !! , تقريبا كده بوتين شدّه هناك وقال له لو اتكلمت عن عبد الناصر كلمه واحده بعد كده هنسحب القمح بتاعنا من السوق المصري ونلمه من البيوت وابقى شوف باسم عوده بتاعك هيتصور جنب إيه ؟ ولسوف نأتيك بمصايب وبلاوي سوده من حيث تترفع أنت على أن تتعامل معها !!.

.

.

إنت عايزني أبطّل أرمي زباله في الشارع وأحترم المرأه وإشارة المرور ؟ أومال أبقى مواطن عربي إزاي ؟! , عايزني أتخلى عن عروبتي ياكافر يا عديم الوطنيه والنخوه والعروبه !!.

.

صحفي في السي إن إن بيقول إن المسئولين الأمريكان نصحوه قبل ما يعمل حوار مع مرسي إنه ميصدقش أي حاجه بيقولها أبو الأمراس لأنه كداب !!.

مشكلة مرسي والإخوان إنهم لسه عايشين في سنه 1940 ومش ناقص غير إنهم يلبّسو أنصارهم (الطربوش الأحمر أبو زِرّ) , مش عارفين إن فيه حاجه اسمها علم النفس وعلم الجريمه وملامح الوش ورمشة العين وحركة الإيد , وإن العلم ده ( اللي مش حديث أوي ) بيقدر يحدد الكداب بسهوله جدا .
عموما يا مرسي لازم تعرف إنت وأهلك وعشيرتك إنكو مفضوحين لأن اليوتيوب والعلم الحديث مخلوش لولاد الحرام حاجه !!.

.صباح الخير , لما شيخ الأزهر رفض قانون الصكوك حصلت حادثة التسمم الأولى , ولما راح الإمارات واتعامل معاملة رؤساء الدول ونجحت زيارته حصلت حادثة التسمم التانيه , أنا دلوأتي بس عرفت ليه شيخ الأزهر رافض يطلع على الهوا ويفضح مخطط الإخوان لأخونة الأزهر ويطالب الشعب بالنزول للشارع , أحترمك جدا أيها الشيخ الطيب , فعلا البلد مش هتستحمل خبر ذي ده ( حريق هائل بسكن الطلاب بجامعة الأزهر نتيجة ماس كهربائي !, وأنباء عن مئات القتلى والجرحى ) !!.

.

.

محمد حسين