لما 6 أبريل تروح ترمي بيض على قصر الإتحاديه فالحقيقه أنا بشوف المشهد على إنه بيضه بتبيض على بيضه عشان تبضن المبضون سلفا , ومفيش حد مستفيد من عمايل 6 إيريل حاليا غيرش يمكن 9 مايو أو 7 بؤنه أو 35 ربيع الأول , مره يرمو ملابس داخليه ومره يرمو برسم ومره يرمو بيض , ومش باقي غير إنهم يرمو الودع ويوشوشو الدكر , أو يرمو الورد ويطفو الشمع يا حبيبي .
رسالتي إلى 6 إبريل بكل أدب أقولها : أنتم الأن تغردون خارج السرب وربما قريبا جدا تغردون في سرب ( يا ) !!.
رسالتي إلى 6 إبريل بكل أدب أقولها : أنتم الأن تغردون خارج السرب وربما قريبا جدا تغردون في سرب ( يا ) !!.
.
فيه خبر منتشر عالفيس بيقول إن نتينياهو أسلم وسمّى نفسه عبد الحميد ! , الخبر ده مليون في الميه مش صحيح , لأن نتينياهو لو أسلم فلزمن وحتما ولابد هيسمي نفسه متولي !!.
وعموما تحت حكم الإخوان مش هصدق أي خبر ذي ده إنما ممكن أصدق العكس , والعكس أقرب للعقل والمنطق , يعني هصدق إن عبد الحميد ألحد وسمّى نفسه نتينياهو !!.
وعموما تحت حكم الإخوان مش هصدق أي خبر ذي ده إنما ممكن أصدق العكس , والعكس أقرب للعقل والمنطق , يعني هصدق إن عبد الحميد ألحد وسمّى نفسه نتينياهو !!.
.وردا على فتوى الشيخ الحويني بإن تلوين البيض حرام في شم النسيم , أصدرتُ انا فضيلة الشيخ المبجل أخر حاجه محمد حسين فتوى مضاده ( ذي الثوره المضاده كده ) وأفتيكم بإن تلوين البيض في شم النسيم حلال بَلَال ( وعنده عيال ) , وكل الألوان مباحه فيما عدا اللونين الأحمر والبامبه المسخسخ عشان بس محدش من إخوانا البعدا يتحرش بالبيض بتاعكو في المنتزهات العامه وعلى قارعة الطريق ! ,خصوصا وخاصة وخصيصا إذا كانت البيضه تحمل بداخلها فرخه ( أنثى يعني ) , والحكايه دي بيعرفها الدكاتره البيطريين من اليوم الخامس من تاريخ تلقيح البيضه أو تلقيح الجتت !!.
.
.
الأيام علمتني إن المناقشه مع الشاب الإخوانجي المتفتح ( شخصيه أسطوريه غير موجوده ) عامله بالظبط ذي محاولة عبور المانش في شهر بؤنه لواحد مبيعرفش يعوم أساسا , أو صعود المقطم لراجل عمره 170 سنه والمعسل قاطع نفسه , يعني باختصار المناقشه دي محتاجه أولا لتدريب شاق على الإستغباء لمدة تسع ست سنين على الأقل !!.
.
عن الشيخ الحويني ( أعلم أهل الأرض ) !!.
.
هقولك كلمتين حلوين في الأخر لو مش عجبك البوست كله أقرا أخر سطر بس , بيقولو الشيخ الحويني أعلم أهل الأرض , طيب عرفتو منين يا كباتن ؟ جبتو مازوره وقيستو علم رجال الدين ؟ ولا عبيتو علمهم في سلطانيات كده وشفتو مين جاب سلطانيات أكتر ؟ أقولكش على حاجه ؟ حكاية أعلم أهل الأرض دي كنا بنقولها زمان على الشعراوي وأكيد اللي قبلنا قالوها على الغزالي , ونفرح أوي واحنا بنقولها , هي نوع من العصبيه لا أكثر , عشان ميبقاش أعلم أهل الأرض سوري مثلا ولا باكستاني ولا نيجيري , حاجه كده ذي إن الطفل المصري أذكى طفلا في العالم , والراجل المصري بتحبه كل بنات المجموعه الشمسيه ويدوبو قدامه ذي حتة الحلاوه السمسميه (على رأي أحمد حلمي ), إنما هي عصبيه وقبليه وعنجهيه فارغه , الشيخ الحويني عالم في الحديث (أهلا وسهلا ربنا يبارك فيه) , وعالم في السيره ( ياسيدي على راسي والله ) , وعالم في القنبله الذريه ( تشرفنا وعزة جلال الله تشرفنا ) , إنما يا مولانا أنا أعرف طبيب عالم في مجاله , بس مش بيعالج العيانين ! , بيختار نوعية العيان اللي يعالجه , وبيختار نوعية المرض اللي بيتعامل معاه !! , كذلك الشيخ الحويني , خطبه رائعه عن الزهد والتقوى واللي واللي , هو اختار شريحة الغلابه يوجه لهم الدعوه واختار كبائر معينه بعينها يحذر منها , ياريتك تقولي الشيخ الحويني باعتباره أعلم أهل الأرض قاد بنفسه كده كام مظاهره ضد الحاكم الفاسد لما أطفالنا ماتو بالسرطان والعباره غرقت , أعترض كام مره على التعذيب في السجون , إتهم مبارك كام مره إنه سرق قوت الشعب وجرف البلد ؟ لو ملقيتش إجابه يبقى الحويني ذي الطبيب اللي حكيت لك عنه وهو ده اللي بيسموه إختصارا ( الفكر الوهابي ) , أنا هقولك على راجل أعرفه أفضل بكتييييييييير من الحويني , الحاج عبد العزيز بتاع بلدنا , راجل مش حافظ كتاب الله ( حافظ كام سوره من قصار السور بس ) , بيصلي الفروض ال5 بس مش بيقوم الليل , وعلى مدار عمره محدش شهد عليه بالكدب ولا بارتكاب أي كبيره , كان بيشهد بالحق في وجه الكبير , وكان فلاح بسيط فضل مواظب إنه يروح كل يوم يشوف أرضه وزرعته لحد ما مات وهو عمره 70 سنه , مات في أرضه جنب زرعته , الحاج عبد العزيز أفضل في رأيي من الشيخ الحويني .
أقولك على حاجه أخيره , أنا والله بحب أسمع للحويني ومبحبش محمد حسان !!.
.
هقولك كلمتين حلوين في الأخر لو مش عجبك البوست كله أقرا أخر سطر بس , بيقولو الشيخ الحويني أعلم أهل الأرض , طيب عرفتو منين يا كباتن ؟ جبتو مازوره وقيستو علم رجال الدين ؟ ولا عبيتو علمهم في سلطانيات كده وشفتو مين جاب سلطانيات أكتر ؟ أقولكش على حاجه ؟ حكاية أعلم أهل الأرض دي كنا بنقولها زمان على الشعراوي وأكيد اللي قبلنا قالوها على الغزالي , ونفرح أوي واحنا بنقولها , هي نوع من العصبيه لا أكثر , عشان ميبقاش أعلم أهل الأرض سوري مثلا ولا باكستاني ولا نيجيري , حاجه كده ذي إن الطفل المصري أذكى طفلا في العالم , والراجل المصري بتحبه كل بنات المجموعه الشمسيه ويدوبو قدامه ذي حتة الحلاوه السمسميه (على رأي أحمد حلمي ), إنما هي عصبيه وقبليه وعنجهيه فارغه , الشيخ الحويني عالم في الحديث (أهلا وسهلا ربنا يبارك فيه) , وعالم في السيره ( ياسيدي على راسي والله ) , وعالم في القنبله الذريه ( تشرفنا وعزة جلال الله تشرفنا ) , إنما يا مولانا أنا أعرف طبيب عالم في مجاله , بس مش بيعالج العيانين ! , بيختار نوعية العيان اللي يعالجه , وبيختار نوعية المرض اللي بيتعامل معاه !! , كذلك الشيخ الحويني , خطبه رائعه عن الزهد والتقوى واللي واللي , هو اختار شريحة الغلابه يوجه لهم الدعوه واختار كبائر معينه بعينها يحذر منها , ياريتك تقولي الشيخ الحويني باعتباره أعلم أهل الأرض قاد بنفسه كده كام مظاهره ضد الحاكم الفاسد لما أطفالنا ماتو بالسرطان والعباره غرقت , أعترض كام مره على التعذيب في السجون , إتهم مبارك كام مره إنه سرق قوت الشعب وجرف البلد ؟ لو ملقيتش إجابه يبقى الحويني ذي الطبيب اللي حكيت لك عنه وهو ده اللي بيسموه إختصارا ( الفكر الوهابي ) , أنا هقولك على راجل أعرفه أفضل بكتييييييييير من الحويني , الحاج عبد العزيز بتاع بلدنا , راجل مش حافظ كتاب الله ( حافظ كام سوره من قصار السور بس ) , بيصلي الفروض ال5 بس مش بيقوم الليل , وعلى مدار عمره محدش شهد عليه بالكدب ولا بارتكاب أي كبيره , كان بيشهد بالحق في وجه الكبير , وكان فلاح بسيط فضل مواظب إنه يروح كل يوم يشوف أرضه وزرعته لحد ما مات وهو عمره 70 سنه , مات في أرضه جنب زرعته , الحاج عبد العزيز أفضل في رأيي من الشيخ الحويني .
أقولك على حاجه أخيره , أنا والله بحب أسمع للحويني ومبحبش محمد حسان !!.
.
طرطأ عينيك كده وفنجل ودنك معايا , عايز أقولك كلام مهم , ولو معجبكش الكلام ومستكنيصتش هرجعلك بدل التذكره اللي دفعتها تذكرتين ( كذكرتين ) , المهم دلوأتي إنك تدوس لايك عالبوست ده ولو مدوستش لايك فاعلم إن السلعوه هتجيلك بالليل وتقرم ودنك , بقى يا سيدي سلامه في خير زمان وخير زمان في النعام , سيادتك وانت داخل عالفيس هتلاقي بوست كده على إيدك اليمين بعد النزيمه , هتلاقيه بعد بوستات مطلوب مليون مسيح ومليون واحد يصلي عالنبي ومليون واحد يدعم القصف الصهيوني لسوريا ! , ما علينا بقى , المهم البوست ناشر صورة مصحف متقرقض منه من الجوانب كام حته كده , وقالك إيه لا سحر ولا شعوذه , إن الحشرات والقوارض اللي عملت كده قرقضت من الجوانب بس ومقربتش جنب الحته اللي مكتوب فيها القرأن , ولا تخرج قبل أن تقول أمك إسمها إيه ؟! , طيب أنا واحد ربنا خلقه من أعلى سلم الثدييات , والعلماء بيقولو على أمثالي إن اللي بيميزنا عن الشمبانزي والقرده والنسانيس والإخوان هو العقل , إديني عقلك بقى وإمشي إنت حافي , ولا أقولك خليني أجرب عقلي كده , يقولُ لي عقلي وهو لم يكذبني قط , إنك لو حطيت مصحف في مكان مقفول مع شوية فيران هياكلوه كله عادي , ولو رميته في النار هيتحرق , عادي والله , أصله ورق A4 بقي ولا A5 المهم إنه ورق , وعقلي بيقولي كمان إن ربنا حفظ كتابه في قلوب وصدور الحافظين والمقرئين , ومش هيغير لك طبيعة المواد وقوانين الطبيعه عشان سيادتك تتكيف وتقتنع إن ده كلام ربنا , موضوع الصحيفه اللي كانت معلقه على الكعبه والحشره أكلتها ماعد ( إسم الله ) دي كانت معجزه في بداية الدعوه عشان ربنا سبحانه وتعالى يثبت للكفار إن الإسلام دين سماوي مش من عند البشر , طيب ربنا يكرر المعجزه تاني ليه ؟ هو انت سيدنا رسول الله ؟ ولا إحنا كفار ومحتاجين دليل ؟ فهمت يا خال ؟ إتكيفت ولا عايز التذكره ؟ !!.
.
صباح الخير , إكتشفت بالصدفه إن اللي أصدر فتوى تحريم الرنجه والفسيخ وتلوين البيض في شم النسم هو الشيخ الحويني , الغريبه بقى إن الحويني أنصاره ودراويشه وبهاليله بيسموه ( أعلم أهل الأرض ) , طيب لما أعلم أهل الأرض يفتي في تلوين البيض ويبيض علينا أومال أجهل أهل الأرض هيعمل فينا إيه ؟!
في الحقيقه أنا لسه عند رأيي مشايخنا أنصار الوهابيه وعبيد المرشد هم أخطر علينا من القنبله الذريه الإسرائيليه , ولو قررت إسرائيل إنها تنفذ أكبر حملة إغتيالات وإباده جماعيه للمصريين هتبدأ بعلماء الذره و بعدين العلماء والفلاسفه والأدباء والمفكرين وبعدين تنزل للأطباء والمهندسين وبعدي تنزل تنزل لحد بياع الفجل والكرات وأخر حد هتغتاله إسرائيل هما مشايخنا !!.
في الحقيقه أنا لسه عند رأيي مشايخنا أنصار الوهابيه وعبيد المرشد هم أخطر علينا من القنبله الذريه الإسرائيليه , ولو قررت إسرائيل إنها تنفذ أكبر حملة إغتيالات وإباده جماعيه للمصريين هتبدأ بعلماء الذره و بعدين العلماء والفلاسفه والأدباء والمفكرين وبعدين تنزل للأطباء والمهندسين وبعدي تنزل تنزل لحد بياع الفجل والكرات وأخر حد هتغتاله إسرائيل هما مشايخنا !!.
.
محمد حسين
ليست هناك تعليقات:
إرسال تعليق