مرسي رايح يزور البرازيل , مفيش مشكله , رئيسة البرازيل كبيره وبتلبس حشمه , إنما أبوس إيديكو ما تخلو مرسي يحوّد على الأرجنتين في طريقه , رئيستهم ذي القمر وكل لبسها فوق الركبه , ومش بتلبس بناطيل يا جناب العمده , وانتو عارفين مارادونا بيشرب كل أنواع الحشيش والمسكرات اللي في الدنيا , ولما دماغه بتقفل مبيشوفش قدامه , مش عايزين أزمه دوليه ولا يقولو رئيس مصر راجع في شكاره , أنا عارف الإخوان ساعتها هيقولو عليه شهيد ذي حسن البنا كده !!.
.
صباح الخير , كل يومين تلاته كده بنلاقي مكتب الإرشاد رامي لنا إشاعه أو خبر فسكان عشان نشتغل عليه , نعيش حياتنا بقى وهاتك يا ألش وتعليق و كوميكس وكومنتات , في الوقت ده هما كمان شغالين الله ينور على أخونة الدوله ومجس الشورى عمّال يدق في قوانين ما أنزل الله بها من سلطان , الحكايه عامله بالظبط ذي ما قال الحرامي في فيلم ( جاءنا البيان التالي ) بتاع محمد هنيدي , بقى يا سيدي لما حصلت الحادثه كانو رجالة الإسعاف بيقومو بشغلهم ( الألاشين ) , ورجالة الشرطه بيقومو بشغلهم ( الكتاب ) ورجالتي ( الحراميه ) أنا كمان بيقومو بشغلهم , والحادثه نفسها بقت موضه قديمه وممله , أيام العسكر كان عندهم إشاعتين اتنين ( حرقو خط الغاز ومبارك مات ) , إنما الإخوان عندهم أكتر ( حرق فدانين قمح , إختيار بجاتو في الوزاره , إغتيال قنديل , مرسي مات , حسن حسني مات , عبد الحليم حافظ مات .............ومدبولي مات !! ).
.
لو فكرت أكتب عن خرافات وخزعبلات مشايخنا البهوات الأحياء منهم والأموات مش هيكفيني 7 لفات والتعلب فات فات .
من 37 سنه و 20 يوم تقريبا وخطابنا الديني بائس في أغلبه , والمده دي حضرتك هي عمري اللي محيلتيش غيره باختصار ولو كان عمري 50 سنه كنت قلت بائس من 50 ( إي وربي ).
مابين مشايخ التنفير بتوع عذاب القير ونعيمه والثعبان الأقرع , ومابين مشايخ التبسيط لدرجه مبسطه ومبسوطه عالأخر , مثلا كان فيه شيخ بيجي يخطب في بلدنا كل فتره وكنت بحب أسلوبه أوي , كان مبتسم كده ومتفائل , في مره حب إنه يجيب من الأخر فقال ( هو احنا أكتر حاجه بتشغلنا في الدنيا دي إيه ؟ مش البطن والفرج ؟ أهم دول بقى شغالين في الجنه الله ينور !! ) , قال الكلمتين دول بقى وسط تكبير وتهليل وصفافير الحاضرين , الناس انبسطت أوي وانشكحت وانا لأ , قلت في نفسي لو الحكايه بطن وفرج كانت الأنعام تبقى أحرص المخلوقات على دخول الجنه ! , المهم بقى في نفس الليله الحلوه الحمره دي كان خالي قاعد في الصف الأول قدام الشيخ وقعد يبص في ساعته , الشيخ قاله مستني إيه يا حاجه سيد ؟ قال له يا مولانا باقي 5 دقايق على مسلسل 7 وربع !! ).
ومن باب خزعبلاتنا أيضا الحواديت والحكايات اللي بتجذب أهات المسلمين ونهنهاتهم ودموعهم , اللي شاطر أوي في الليله دي هو محمد حسان والعريفي , حسان هيحكي لك عن الراجل اللي شافه في الحرم بيدعي ربنا عشان عنده ضائقه ماليه وفجأه جه راجل تاني ميعرفش الراجل الأولاني وقام رامي في حجر الراجل الأولاني زكيبة فلوس , إي وربي , فطشات يا سيدي من اللي قلبك يحبها .
والعريفي قال بيقولك اتنين ستات في أمريكا ولدو في نفس الوقت بنت وولد و اتلخبطو في بعض وكانت لهم نفس فصيلة الدم , قام الأمريكان والروس والألمان احتارو في مين فيهم اللي خافت البنت ومين جابت الواد ؟ بعتو بقى لعلماء المسلمين قامو ردو عليهم وقالو اللي جابت الواد هتلاقي نسبة معرفش ايه في لبنها ضعف النسبه في لبن الأم اللي جابت البنت , إي وربي , مورايث بقى وللذكر مثل حظ الأنثيين حتى في لبن الأم هع هع , والأمريكان مش عارفين حاجه بس احنا مجابتناش ولاده.
باختصار مطلوب رجال دين يكون عندهم علم ودين ورجلين في الأرض وعارفين إحنا في سنة كام ؟ أهو عمك الحاج جوجل فضح العريفي لأن أصل الصوره على جوجل مفيهاش القصه الخزعبليه دي , يرضيك كده يا مولانا لما تفضحنا قدام الغرب الكافر ابن الحرام ؟!!
من 37 سنه و 20 يوم تقريبا وخطابنا الديني بائس في أغلبه , والمده دي حضرتك هي عمري اللي محيلتيش غيره باختصار ولو كان عمري 50 سنه كنت قلت بائس من 50 ( إي وربي ).
مابين مشايخ التنفير بتوع عذاب القير ونعيمه والثعبان الأقرع , ومابين مشايخ التبسيط لدرجه مبسطه ومبسوطه عالأخر , مثلا كان فيه شيخ بيجي يخطب في بلدنا كل فتره وكنت بحب أسلوبه أوي , كان مبتسم كده ومتفائل , في مره حب إنه يجيب من الأخر فقال ( هو احنا أكتر حاجه بتشغلنا في الدنيا دي إيه ؟ مش البطن والفرج ؟ أهم دول بقى شغالين في الجنه الله ينور !! ) , قال الكلمتين دول بقى وسط تكبير وتهليل وصفافير الحاضرين , الناس انبسطت أوي وانشكحت وانا لأ , قلت في نفسي لو الحكايه بطن وفرج كانت الأنعام تبقى أحرص المخلوقات على دخول الجنه ! , المهم بقى في نفس الليله الحلوه الحمره دي كان خالي قاعد في الصف الأول قدام الشيخ وقعد يبص في ساعته , الشيخ قاله مستني إيه يا حاجه سيد ؟ قال له يا مولانا باقي 5 دقايق على مسلسل 7 وربع !! ).
ومن باب خزعبلاتنا أيضا الحواديت والحكايات اللي بتجذب أهات المسلمين ونهنهاتهم ودموعهم , اللي شاطر أوي في الليله دي هو محمد حسان والعريفي , حسان هيحكي لك عن الراجل اللي شافه في الحرم بيدعي ربنا عشان عنده ضائقه ماليه وفجأه جه راجل تاني ميعرفش الراجل الأولاني وقام رامي في حجر الراجل الأولاني زكيبة فلوس , إي وربي , فطشات يا سيدي من اللي قلبك يحبها .
والعريفي قال بيقولك اتنين ستات في أمريكا ولدو في نفس الوقت بنت وولد و اتلخبطو في بعض وكانت لهم نفس فصيلة الدم , قام الأمريكان والروس والألمان احتارو في مين فيهم اللي خافت البنت ومين جابت الواد ؟ بعتو بقى لعلماء المسلمين قامو ردو عليهم وقالو اللي جابت الواد هتلاقي نسبة معرفش ايه في لبنها ضعف النسبه في لبن الأم اللي جابت البنت , إي وربي , مورايث بقى وللذكر مثل حظ الأنثيين حتى في لبن الأم هع هع , والأمريكان مش عارفين حاجه بس احنا مجابتناش ولاده.
باختصار مطلوب رجال دين يكون عندهم علم ودين ورجلين في الأرض وعارفين إحنا في سنة كام ؟ أهو عمك الحاج جوجل فضح العريفي لأن أصل الصوره على جوجل مفيهاش القصه الخزعبليه دي , يرضيك كده يا مولانا لما تفضحنا قدام الغرب الكافر ابن الحرام ؟!!
.
.ثورة إيه اللي عايزها تنجح يا بيه ؟ واحنا شعب لسه بينشر صوره لشوية شعر في علبه بلاستيك ويقولك اللي مش هيعمل لايك لشعر الرسول هيبقى الشيطان هو اللي منعه ! , وصوره لحذا قديم واللي مش هيعمل لايك لحذاء الرسول السلعوه هتطلع له باليل , وصوره لثوب قديم وقالك توب الرسول بقى , وحب الرسول يابه دوبني دوب , ده مش إسلام يا بقر , دي غيبوبه , وهو فيه شعب عنده غيبوبه بيعمل ثورات يا ناس ؟ هع هع أحمدو ربنا إننا لاقيين زريبه تلمنا ونتجمع كلنا على مدود واحد , إنت ياد ياللي هناك متنفخش التبن بمناخيرك وانت بتعطس ياخويا , إنفخ التبن بعيد متقرفناش !!.
ليست هناك تعليقات:
إرسال تعليق