بيقولك الواد ميسي ( اللي طول كده ) تمنه يجي مليار جنيه !! , مليار جنيه يا كفره ياولاد الحرام , إلهي تشتري بيهم دوا يا بعيد , بس دوا إيه اللي بمليار ؟ دانا ممكن أعمل له تأمين طبي وأدويه مجانا مدى الحياه له هو وعيلته والشارع اللي ساكن فيه ب 250 ألف بس , طيب إلهي تعمل بيهم كلهم مشروع زراعة قمح في مصر ويجي واحد من الفلول يحرق لك المحصول كله ولا يحرق 7 فدادين ويبوظلك مشروع الإكتفاء الذاتي للأرجنتين من القمح .
وقال إحنا أمهاتنا كانو يقولو ( خش ذاكر ومتروحش يابني تلعب مع الواد حماصه , اللي بيلعبو كوره دول العيال البايظين الفاسدين ) , كنتي سيبيه يبوظ يا سنيه !!.
وقال إحنا أمهاتنا كانو يقولو ( خش ذاكر ومتروحش يابني تلعب مع الواد حماصه , اللي بيلعبو كوره دول العيال البايظين الفاسدين ) , كنتي سيبيه يبوظ يا سنيه !!.
.
سوف يذكر التاريخ بكل أسى وغثيان أن أسوأ برلمان عرفته البشريه المعذبه هو برلمان الإخوان والسلفيين بعد الثوره , واحد قاعد بيرقي اللي جانبه , وواحد بيأدن , وواحد بيتكلم عن لعبة أطفال بتسب الصحابه , وواحده قاعده بتعمل شيرز تريكو لأبو العيال , وشويه اتلمو على مصطفى بكري وباسوه من بؤه عشان شتم البرادعي , وتقريبا كده والله أعلم إن كل الأعضاء الموقرين كانو فاكرين إن كلمة برلمان دي هي الإسم العلمي ل ( قهوة المعاشات ) !!.
.صباح الخير , برشلونه إمبارح ( في عيد العمال ) إتغلب 7 صفر رايح جاي , ولو حضرتك ركزت شويه هتلاقي إن مجموع أسعار لاعبي برشلونه اللي في الملعب أكبر من قيمة قرض صندوق النقد الدولي لمصر , أه والنعمه , يعني الرأسماليه الصهيو أوروبيه في الملاعب الكتالو أسبانيه اتهزمت إمبارح , وأتحداك أن تفهم شئ مما أقول !!.
.
.
بقالي كتير أوي متفرجتش على ماتشات أوروبيه , ودلوأتي بشوف برشلونه وبايرن , افتكرت عادل إمام في فيلم تجربه دنماركيه لماكان بيقول للبت ( أنيتا ) البوس اللي كنا بنبوسه ده مش بوس ده تطعيم ! , برضه اللي بنتفرج عليه في الدوري المصري مش كوره ده تطعيم , أحمد جعفر عايز نص فدان أرض يستلم فيه الكوره وفدانين بور يلف جسمه فيهم ( ده لو ربنا وفقه واستلم الكوره ) , وفي الأخر يقولك عايز 3 مليون في السنه ! , ليه 3 مليون يا عم الحاج ؟ ...... 175 جنيه هيبقو كويسين أوي , متنساش إن أكلك وشربك وباكو المعسل بتاعك علينا !!.
.
يا سبحان الله , في ظرف 10 شهور تحت حكم الإخوان هنحقق الإكتفاء الذاتي من القمح وهنمعمل مفاعل نووي واخترعنا يجي دشليون اختراع ( من الإبره للصاروخ ) , عشان كده أنا صرفت نظر عن حتة الأرض بتاعة العبور اللي كان نفسي أشتريها , لما أنزل أجازه بإذن الله , هروح لمكتب الدكتور باسم عوده ( وزير التموين والزراعه والفضاء الخارجي ) وأحجز عنده أول قطعة أرض في كوكب المريخ ( تكون بحري وعلى ناصيه ) , وابقى أبني عليها بيت وتحته صيدليه , الصيدليه مش هتشتغل في الأول , مش مشكله نصبر سنتين تلاته لحد ما كوكب المريخ يعمر والحكومه توصل له صرف صحي ومرافق , كمان ممكن في البدايات أعمل ديليفري لبقية الكواكب والنجم القطبي ودرب التبانه , كويس إني افتكرت موضوع الدليفري ده عشان أعمل حسابي وأشتري عجله أو فزبه صغيره للواد العامل بدل ما يتهد حيله في التنطيط بين الكواكب !!.
.
كلام في سرّكو , بيني وبينكو يعني , أنا أعرف واحده ست من 37 سنه و9 شهور , أه والله , وال 9 شهور قبل ال 37 بقى , مش عشان فكه يعني هنطنشهم , أعرفها من أيام ما كنت صبيه عمرها 15 سنه , إلهي يجيلك حول رباعي ياللي بتعق أمك !!.
.قمة الإحباط اللي في الدنيا
.
إنك تلاقي الإخوان زعيمهم اسمه حسن البنا , واحد مالوش أي تلاتين لزمه وكان عميل للصهيونيه والملك ومع ذلك الإخوان قرّبو يعبدوه , وهينزلو سيرته في مناهج التعليم واحتمال صورته تنزل عالجنيه !
واحنا زعيمنا واحد اسمه عبد الناصر , مصري وطني شريف أجبر العالم كله على احترامنا ومات وفي جيبه 17 جنيه ومع ذلك لسه بنقطع في فروته لحد النهارده !!..
.
أصدقائي المشغولين بانتقاد عبد الناصر أكيد تقربو للأستاذ بلال فضل , هو كمان كان مهتم أوي في انتخابات الرئاسه بتشويه صورة حمدين لصالح أبو الفتوح , كل واحد فيكو يجهز دمعتين عشان لما يجي عليه الدور ويطلع مع يسري فوده يعتذر ويعيط ذي النسوان !!.
إنك تلاقي الإخوان زعيمهم اسمه حسن البنا , واحد مالوش أي تلاتين لزمه وكان عميل للصهيونيه والملك ومع ذلك الإخوان قرّبو يعبدوه , وهينزلو سيرته في مناهج التعليم واحتمال صورته تنزل عالجنيه !
واحنا زعيمنا واحد اسمه عبد الناصر , مصري وطني شريف أجبر العالم كله على احترامنا ومات وفي جيبه 17 جنيه ومع ذلك لسه بنقطع في فروته لحد النهارده !!..
.
أصدقائي المشغولين بانتقاد عبد الناصر أكيد تقربو للأستاذ بلال فضل , هو كمان كان مهتم أوي في انتخابات الرئاسه بتشويه صورة حمدين لصالح أبو الفتوح , كل واحد فيكو يجهز دمعتين عشان لما يجي عليه الدور ويطلع مع يسري فوده يعتذر ويعيط ذي النسوان !!.
.
.
واحد ليبرالي كاتب بوست بيسخر فيه من التجربه الناصريه بمناسبة عيد العمال , وبيشبه الموضوع إن عبد الناصر طردك من بيتك وسكن فيه شوية ( رعاع ) وسجنك وعذبك وبعدين قالك إرفع رأسك فقد مضى عهد الإستعباد !!
ولصديقي أقول , لأ مالوش حق عبد الناصر , كان حقه يسيبك شغال عبد وكلاف في وسية الباشا الشركسي , يضربك بالكرباج أكتر ما بيضرب الحصان والحمار , ويقولك وطي يا مصري يا حيوان ولما تموت من السخره يردم عليك في المكان اللي انت فيه , أهو كلب ومات !!., نسيت أقول حاجه للتوضيح ( الرعاع دول هما جدي وجدي !! ).
ولصديقي أقول , لأ مالوش حق عبد الناصر , كان حقه يسيبك شغال عبد وكلاف في وسية الباشا الشركسي , يضربك بالكرباج أكتر ما بيضرب الحصان والحمار , ويقولك وطي يا مصري يا حيوان ولما تموت من السخره يردم عليك في المكان اللي انت فيه , أهو كلب ومات !!., نسيت أقول حاجه للتوضيح ( الرعاع دول هما جدي وجدي !! ).
.
مسكة المقشه وكنس شوارع المقطم مش عيب , والتهويه على الفحم قدام مكتب الإرشاد مش عيب ولا حرام , عشان كده وبمناسبة عيد العمال أحب أقول لأم أيمن وعلاء صادق ...........كل سنه وانتو طيبين !!.
.
.
مسكة المقشه وكنس شوارع المقطم مش عيب , والتهويه على الفحم قدام مكتب الإرشاد مش عيب ولا حرام , عشان كده وبمناسبة عيد العمال أحب أقول لأم أيمن وعلاء صادق ...........كل سنه وانتو طيبين !!.
.
بعد انتشار موضوع الإختراعات المصريه 100 % , تابلت مصر 100% , طياره هليكوبتر مصريه ميه في الميه , غواصه نوويه مصريه ميه في الميه , قررت إني أعترف بسر خطير , مرضيتش أقوله قبل كده عشان مبحبش الشهره والأضواء والبروباجاندا , بقى أنا يا سيدي من أد 3 سنين كده , كنت قاعد في البلكونه في ساعة عصاري وربنا ألهمني بفكرة إبتكار عبقري , كنت بواجه مشكله كبيره في مفاتيح البيت وبنساها كتير , وعلى طريقة الحاجه أم الإختراع ( دي غير الحاجّه أم أيمن ) , جاتني فكرة عمل جراب للموبايل يكون منه جراب ومنه عوليقه للمفاتيح , أه والله ذي ما بقول لكو كده , ومش بس كده دانت لو مش عندك موبايل ممكن تشيل فيه النضاره أو حتى صابونة الغسيل البريحه !
أبحاثي في الموضوع ده مكتملتش لأني ملاقيتش معامل ولا تشجيع من الدوله ولا مستثمر أجنبي يتبناني , كمان وقتها إنشغلت في أبحاثي التانيه عن ( بنس الشعر ) اللي منها بنسه تمسك الشعر ومنها بتقضي على القمل والصئبان بطريقة الوخز ( بتغزهم يعني ) , وأبحاثي التانيه عن ( حجر المعسل ) اللي بيساعد على اشتعال الفحم , الإختراع الأخير ده اتعرض عليه فيه 2 مليون جنيه ( إلا 100 فدان ) وطوربتين حشيش من المعلم أبو نسمه أكبر تاجر حشيش في السنبلاوين , بس أنا رفضت طبعا وقلت بلدي أولى !!.
أبحاثي في الموضوع ده مكتملتش لأني ملاقيتش معامل ولا تشجيع من الدوله ولا مستثمر أجنبي يتبناني , كمان وقتها إنشغلت في أبحاثي التانيه عن ( بنس الشعر ) اللي منها بنسه تمسك الشعر ومنها بتقضي على القمل والصئبان بطريقة الوخز ( بتغزهم يعني ) , وأبحاثي التانيه عن ( حجر المعسل ) اللي بيساعد على اشتعال الفحم , الإختراع الأخير ده اتعرض عليه فيه 2 مليون جنيه ( إلا 100 فدان ) وطوربتين حشيش من المعلم أبو نسمه أكبر تاجر حشيش في السنبلاوين , بس أنا رفضت طبعا وقلت بلدي أولى !!.
.
.
صباح الخير , الإخوان تجاوزو كل مراحل التبرير ووصلو للمرحله ( جيم ) , اللي هي أخر حاجه , اللي هي مرحلة إن واحد بيقول لواحد مرا تك بتخونك مع عبده الكهربائي يقوم يقول له بس متقولش كهربائي , ده لا كهربائي ولا بيفهم حاجه في الكهرباء !!
محصول القمح كان هيزيد إنتاجه بعد زراعة 2 مليون فدان زياده وهنحقق الإكتفاء الذاتي ذي ماقال باسم عوده وزير التموين والزراعه لحد مانلاقي وزير للزراعه ! , بس الفلول ولاد الحرام حرقو 100 فدان قمح عشان بيحاربو المشروع الإسلامي , أه والنعمه ذي ما بقول لكو كده , وانت عارف 2 مليون لما نشيل منهم 100 فدان يبقى الباقي يادوب أجرة الميكروباس !!
قريب جدا هيقولو إن صفقة الطيارات فشلت عشان واحد من الفلول قابلها في الطريق وفسى العجل بتاع طياره منهم , والمستثمرين الصينيين والألمان والأتراك والروس ماجوش مصر لأن واحد من الفلول رش مايه قدام بيته عشان يزحلقهم .
ومش بعيد أبدا يبررو إختفاء مشروع إنتاج الطاقه النوويه بسبب نقص مشابك الغسيل في السوق !!.
محصول القمح كان هيزيد إنتاجه بعد زراعة 2 مليون فدان زياده وهنحقق الإكتفاء الذاتي ذي ماقال باسم عوده وزير التموين والزراعه لحد مانلاقي وزير للزراعه ! , بس الفلول ولاد الحرام حرقو 100 فدان قمح عشان بيحاربو المشروع الإسلامي , أه والنعمه ذي ما بقول لكو كده , وانت عارف 2 مليون لما نشيل منهم 100 فدان يبقى الباقي يادوب أجرة الميكروباس !!
قريب جدا هيقولو إن صفقة الطيارات فشلت عشان واحد من الفلول قابلها في الطريق وفسى العجل بتاع طياره منهم , والمستثمرين الصينيين والألمان والأتراك والروس ماجوش مصر لأن واحد من الفلول رش مايه قدام بيته عشان يزحلقهم .
ومش بعيد أبدا يبررو إختفاء مشروع إنتاج الطاقه النوويه بسبب نقص مشابك الغسيل في السوق !!.
.
محمد حسين
ليست هناك تعليقات:
إرسال تعليق