وحشتني بلدنا

وحشتني بلدنا لما
طوّل بينا السكوت
عايشين والغربه لمّه
ودي عيشه تساوي موت
.
وبنهرب من جناحها
وبنهرب من براحها
نلقى العالم تابوت !
.
حبِك مكتوب علينا
يا بلاد أحمد ومينا
وحشاني يا سفينه
مالهاش في البحر صوت
.
قالو لي بلدكو ماتت
وعليها مية سلام
قلت لهم لأ دي عايشه
لكن قاطعه الكلام
.
أنا أصلي عارفها يابه
حاكمينها بالديابه
بايعينها بالفلوس
وبلدنا دي عزيزه
لما بتزعل بتسكت
واما بتغضب تدوس
وفقلب النار تفوت
.
وحشتني بلدنا لما
طّول بينا السكوت
.
.
محمد حسين