منوع

خبر عاجل : تصادم بين قطارين للركاب في أمريكا يسفر عن 60 جريح .
أوباما في أول رد فعل له يقول إن السبب هو ( تركة جورج بوش الثقيله ) , وأنصار الحزب يؤكدون أن الحادث مدبر من النصارى وبنو علمان ( كلاب ساويرس ) والدليل أن سائق أحد القطارين هو رجل مسيحي واسمه مينا , ويتسائلون كيف استطاعت قناة فوكس نيوز ( المملوكه لرجل أعمال نصراني ) الوصول لمكان الحادث في خلال دقائق ؟!!.

.

أسهل طريقه لتحرير الجنود المختطفين بدون قتل أو تفاوض هي إننا نلاعبهم بنفس طريقتهم , هما خطفو جنودنا وبيهددونا بيهم , إحنا كمان نخطف اتنين تلاته من قياداتهم ونهددهم , لو مأفرجتوش عن الجنود هنقتل ال 3 دول ( بديع والشاطر ومرسي ) , يتهيألي رئيس الجمهوريه لازم ياخد القرار ده بسرعه عشان مصلحة مصر فوق كل اعتبار !!.

.

بيقولك يا سيدي بقى إن أردوغان أول ما حط رجله اليمين في مصر قالو عنه خليفة المسلمين والزعيم الملهم ( اللي بيمشي عالحيط ) , ولما قال إن تركيا دوله علمانيه قالو له غور في ستين داهيه يا عدو الله .
وبعدين جه مهاتير محمد وأول ماحط رجله اليمين في مصر قالو بس هو ده خليفة المسلمين الحقيقي ( هذا ربي...هذا أكبر ) , وأول ما قال إن قانون الصكوك فشل في ماليزيا قالو له سكة السلامه يا علماني يا ملحد .
ولو ربنا بعت لنا صلاح الدين الأيوبي من قبره وحضر اجتماع لحزب الحريه والعداله هيقولو هو ده بقى الخليفه ( الذي لا يأتيه الباطل من بين يديه ولا من خلفه ) , وأول ما يقول لهم إنه حرر القدس لما قدر يوحد المصريين تحت حكمه وإن المسيحيين شاركو ذي المسلمين في تحريرها هيقولو ( لعنة الله عليك يا عدو الدين ...........................................يا كلب ساويرس !! ).

.

محمد حسين