منوع

والإخوان ناشرين فيديو بيقولك ( أمريكا تعترف أنها على وشك الهزيمه من مصر !! ) , أه والله , إي وربي , هما كاتبين كده وناشرين بقى وشير بعنف , أنا كمان بتوقع هزيمة أمريكا من مصر , بس بشرط واحد أبو تريكه وشيكابالا يرجعو لمستواهم وندي لميسي وكريستيانو الجنسيه ويلعبو معانا , هنهزمهم اتنين واحد أقل حاجه , تبا لك كرستيانو !!.

.

ولما تعرف إن أكبر مدافع عن مشروع النهضه الإخوانجي الفكري الوهمي التخيلي الهلامي اللزج هي سفيرة الولايات المتحده الأمريكيه في القاهره أو بمعنى أصح المندوبه الساميه الأمريكيه , هتفتكر على طول مقولة عبد الناصر ( إذا رأيتم أمريكا راضيه عني فاعلمو أنني ابن مره ومحتاج الضرب بالكندره !! )
بالمناسبه في أمريكا بنت الحرام مش بيعتبرو من إنجازات الرئيس أوباما إن ابنه جاب 90 % في الثانويه العامه ولا إن بنت خالة جارته شعرها ناعم شويتين لأن فيها عرق فلبيني ولا إنه أذكى خواته لأن فيهم عرق حصاوي ’ وعندهم لما بيتعمل كوبري مشاه بيروح يفتتحه شيخ الغفر بتاع أقرب قريه للمشروع , والأمريكان ولاد الحرام معملوش كتاب إنجازات للحاج جورج واشنطن الله يرحمه , اللي عمل أم الحضاره الأمريكيه , لا بعد 100 يوم ولا بعد 100 سنه , ومع ذلك لو سألت ميس باترسون
ميس باترسون وات ديد يو فيل هوين يو سي بريزيدانت مرسي أوبينينج واكرز بريدج ( أه والله واكرز بريدج ) , إنجليزي على أبوه يا يطيخ , هتقولك السيده باترسون : واو , أو , أو ماي جود , هذا عمل عظيم ,جريت , رائع , واندرفول , يا إلهي , حسنا حسنا , نلتقي في نهاية الرواق ( ترجمة معامل أنيس عبيد ) !!.

.

تباً لهذهِ الليبراليه واليساريه المجوفه المزيفه , تباً لها وألفُ تبْ , عندنا فقط إذا كنت ناصري فحتما ولا بد أن تعتقد أن كل مَنْ هو ناصري عظيم ( حتى لو كان القذافي !) , وعليك أن تعتقد أن كل من تخلى عن الفكر الناصري فهو حقير وعميل ( حتى لو كان السادات !) , بالمناسبه , لا يعيب عبد الناصر أن أحد الناصريين من بعده كان مختل عقليا ولا يعيب السادات أنه تخلى عن الفكر الناصري , إنتبهو يا ساده فنحن على شفا حفرة من النظام الإخواني الأفغاني , ولا زلنا نمزق ثيابنا بأيدينا , ألم أقل من قبل ؟ نحن نستحق أن يحكمنا مَنْ هو أسوأ من الإخوان !!.

.

خبر غريب جدا, طائرات الجيش الليبي تقتل 50 مصريا على الحدود !! , يعني إيه طائرات ؟ ويعني إيه الجيش ؟ والأهم من ده كله يعني إيه ليبيا ؟! , أول مره أسمع عن دوله اسمها ليبيا وإن الدوله دي لها جيش وإن جيشها ده عنده طائرات !! , السادات علمني كده , إنما مرسي هيعلمنا إن الجيش الصومالي لايمكن ردعه لأنه جيش لا يقُهر , زمان القذافي طوَل لسانه على مصر ( بس طول لسانه مش أكتر ) , وليلتها فرقه من الجيش المصري احتلت طرابلس بالليل ورجعت قبل النهار ما يشقشق عشان تلحق طابور الصباح !! , إنما الحيوان اللي وافق إن المصريين الأقباط يتعذبو ويتقتلو في ليبيا على إيد الشواذ عقليا هناك , واللي وافق إنه يسلم شخصيه دبلوماسيه لجأت لمصر مقابل حفنة دولارات , برضه ممكن يبيع أمه بدولارين أو 3 أصوات إنتخابيه أيهما أقرب !!. .

.

صباح الخير , خبر بيقول إن مجلس الوزراء بتاع هشام قنديل قرر استبعاد العالم الكبير محمد غنيم من مجلس أمناء مدينة زويل للبجث العلمي ! , أعتقد إن مقعد محمد غنيم في مجلس الأمناء هتشغله أم أيمن أو علاء صادق , ماهو طالما صورة خيرت الشاطر بتنزل على غلاف مجلة أخبار الأدب يبقى مفيش مانع أصلا نغير إسم مدينة أحمد (زويل ) للبحث العلمي إلى مدينة أحمد (المغير ) للبحث عن بريست بامب !!.

.

محمد حسين