منوع

من رحمة ربنا بمصر إن الجيش حاليا ( أه جيش السيسي ) مبيفهمشي في لغة المفاوضات والصفقات , لو كان له فيها كان عمل صفقه مع الإخوان , صفقه للخروج الامن وإعادتهم للحياه السياسيه وإخفاء جرايمهم ومصايبهم في سنتين , كل الهرتله اللي شفتها حضرتك في الشهرين اللي فاتو من الإخوان سببها إن الجيش رفض الصفقه , الجيش ده بقى اللي متهزش من الإخوان بتنظيمهم الدولي والدعم الأمريكي لهم والميليشيات مش هيتفاوض أكيد مع النحانيح والنشطاء و 6 إبريل ...... الموضوع ده بيسعدني جدا .
في لحظه معينه من تاريخ مصر , لما يكون المفكرين والمنظرين والساسه أذكاهم حمار ...هنا بتبقى البياده فرض عين !!.
لو سمحت ...لو سمحت , أنا كتبت شعر يكفي 5 دواوين ( منهم ديوان تم طبعه ) وكتبت ألاف البوستات ( موجودين في المدونه ) , أغلبهم بيتكلم عن ثورة يناير و الشهدا و حق مصر في الحريه , أنا اكتر واحد لعنت جدود أبو العسكر ( طنطاوي وعنان ) , تقدر ترجع حضرتك للديوان ( مكتوب ) ولللمدونه ( كلمتين في رغيف ) , مشكلتي الأبديه في الحياه هي الحريه , حرية الاوطان , حرية المرأه , حرية المعتقد الديني ................ فلو سمحت بلاش تزايد عليا !!.

.

.

يقول العالم العلامه , الحَبر الفهامه , فقيه عصره وأوانه , أعلم أهل الأرض والمجموعه الشمسيه أبو إسحاق الحويني أن ( وجه المرأه كفرجها !! ) , وبما أن الشئ بالشئ يذكر , فأنا أعتقد أن ( عقل الشيخ كمؤخرته !! )...........قال وجه المرأه كفرجها ! , والبت في الفيلم بتاع ليلى علوي وحنان ترك كانت بتقول ( انا مره أمي زمان قالت لي إن الراجل أول ما يبوس مراته بتبقى حامل على طول !! ) , أتاري امك طلعت بتفهم يا بت إنتي , والموضوع طلع له أساس ديني اهو , ......... يارب توب علينا بقى , و ييجي علينا يوم نعرف نشد السيفون على مشايخ النص التحتاني !!.

.

.حبس مرسي 4 أيام على ذمة التحقيق في قضية سب السلطه القضائيه !! , هو مرسي لو هيتحبس إحتياطي 4 أيام على كل جهه ومؤسسه سبّها أو غِلط في حقها بغباوته يبقى هياخد 25 سنه حبس إحتياطي !! .... أنا من أول ما شوفت الراجل ده في قصر الرئاسه قلت إن هو اللي هيحاسب عالمشاريب كلها من أول حسن البنا وسيد قطب لحد حسن البرنس وسيد زمبلك !!.

.

.

أحيانا كتير بيفيض بيا , وبقول قطيعه تقطع الكُل كليله , ربنا ياخد شيماء بتاعة الجزيره , على فوده بتاع الزقازيق , على مرسي بتاع الإخوان , على مرعي بتاع الكليمه , على مرتضى بتاع السيديهات , على حزب النور بتاع كله , على عدلي منصور بتاع السيسي !!.
.
تلاقينا
ويبقى الحبُ أمنيةً
تعاندُ شوقَها فينا !!.

.

.

محمد حسين