العامل
عندي أول مره يستخدم مطهرات ( فلاش ) في تنضيف الحمام , عمّال بيكح في
الحمام بقاله ربع ساعه وصوت كحته مسمع في المنطقه كلها , ما الخيبه لا يكون
شرب الفلاش !! , المهم بقى إن العمال عندنا لهم دورين أساسيين لا ثالث
لهما , إنه ينضف الصيدليه وإنه يحميها من السرقات بتاعة الحراميه (
الإنكلابيين ) , ولما العامل طوّل في كحته كده والمفروض أن هو ده اللي
هيحميني افتكرت عبد السلام محمد في فيلم الخُط بتاع الصعيد لما كان بيقول
لعادل إمام ( أنا السفاح اللي جاي أقتلك .... أنا السفاااااااااااااااااح )
!!............ تعالى يا عبد السلام يابني أوديك المستوصف اللي جنبي .
.
.
و
على سيرة مسحيين ضد الإنكلاب , اللي بتضم في عضويتها 7 مسحييين ( وأستيك )
, واللي شايفين إنهم عاشو أيام سعد وهنا تحت حكم الموكوس ابن الموكوس ,
أذكر بكل خير إن يوم ما مات مينا دانييل وقلنا الشهيد قالولنا شهيد ايه ده
كافر , وفاكر كمان أوي لما صفحات الإخوان والسلفيين دعت أنصارها للنزول
بالسيوف والسنج لذبح المسيحيين في أحداث ماسبيرو ( أيام شهر العسل بين
الإخوان وطنطاوي اللي هو العسكر !! ) , يومها دخل عليا طبيب إخوانجي متخلف
وقالي مالك زعلان ليه ؟ قلت له المسيحيين بيتدبحو في ماسبيرو , قالي أحسن
يستاهلو , دول ولاد كلب كفره !! ............ أنا بس حبيت أهدي النفوس !!.
.
.
.صباح
الخير , وقالك يا سيدي ( مسيحيين ضد الأنكلاب !! ) هع هع , وصوري يا جزيره
بقى ( ومعانا مداخله من ماريانا ...شيماء سابقا ) , طيب أنا يعني معنديش
خيار ولا فاقوس , وعارف كويس أوي إن مصر دي زي ما فيها شويه من المسلمين
ولاد صرمه يبيعو نفسهم ب 3 تعريفه فيها برضه شويه من المسيحيين ولاد صرمه
يبيعو نفسهم بتلاته تعريفه , ماهو انت مش واخد بالك , مصر دي بيجيلها أوقات
كده بتسكر وتقعد تضرب بانجو وتطلع تتسرمح
بالليل مع أي راجل يقابلها وبعد كده تبقى حامل وتخلف الأشكال الوسخه دي ,
فأكيد يعني تكون اتسرمحت مع واحد مسيحي في ليله من ذات الليالي , قالك
مسيحيين ضد الإنكلاب وشايفين إن فترة حكم الإخوان هي أكتر فتره الأقباط
أخدو فيها حقهم هع هع , على يدي ... على يدي , خدو حقهم تكفير وحرق كنايس
وأبناء ساويرس وبتوع أمريكا , هو ده اللي اتقال عليهم , يا مولانا إذا كانو
المسلمين في مصر مش طايقين جماعه الإخوان المسلمين يبقى المسيحيين
هيحبوهم إزاي ؟!!.
.
.
.طيب
أنا راضي ذمتك وضميرك , الإخوان من كام يوم عملو حمله إنك تشغل كل الأجهزه
الكهربائيه في البيت في نفس الوقت عشان يعني تخرب بيت الحكومه , وبكره
قالك إحنا هننزل نركب المترو بجنيه ونفضل نلف فيه طول النهار رايح جاي عشان
نعمل زحمه ونخرب بيت الحكومه , يعني باختصار الإخوان بيلعبو دور الراجل
اللي شرّح راسه بالموس عشان لا تنفع طبله ولا طار , وده إن دل فبيدل على إن
أغلب أنصار الإخوان شوية صيّع و عواطليه مش بيفرق معاهم اليوم , ( يلفّو
مع المترو بدل قاعدة القهوه يعني ) , سؤالي بقى للنشطاء والنحانيح
والأشكال الضاله بالله عليك , وحياة ضميرك يا شيخ ... ممكن تتخيل إن العقول
اللي بالشكل ده تعرف تحكم وطن ؟! دانا لو ليا ابن بيفكر بالشكل ده هطخه
عشان أريح البشريه من غباوته !!.
.
.
بقالي
12 سنه في نفس الصيدليه , في نفس المكان , بتعامل مع نفس المرضى والزباين ,
في أول 4 سنين حاولت أقوم بدوري في توعية الناس فيما يتعلق بالأدويه وفشلت
معاهم تماما , وفي ال 4 سنين اللي بعد كده قلت طيب أعلمهم إزاي يتعاملو مع
البشر ويقولو ( لو سمحت .. وشكرا ) وفشلت معاهم تماما , عشان كده في ال 4
سنين الأخيره بقيت لما واحد فيهم يقولي فين الكيس اللي هحط فيه الدوا ؟
أقوم مشاور له عليه وأقول له ( خدلك كيس ) ,........ يعني قلت طالما إنهم
فاشلين في التعليم والتربيه أعلمهم صنعه بقى للزمن !!.
.
.
وبعد
40 سنه يا مؤمن هتسأل فلاح إخوانجي وتقول له ( إنت سايب أرضك كده ليه يا
عوضين من غير زراعه لحد ما بارت وشققت ؟! ) , هيقولك ( أصل انا ضد الأنقلاب
.
سؤال : هل تؤمن بالحب العذري البرئ ؟!
الإجابه : بسم الله الرحمن الرحيم , نعم أؤمن بالحب العذري البرئ , فأنا
من أكثر الناس الذين قرأو في الأدب الجاهلي , ويُخيل لي أن هذا الإختراع
كان موجودا حينها , أزعم أن عنتره بن شداد كان يحب عبله حب عذري برئ , بس
ده ميمنعشي إنه يكون عنتره خطف له بوستين تلاته من الأنسه عبله ورا الخيمه
وكان بيوقف أخوه شيبوب ناضورجي !!. اللي عمله السيسي من 40 سنه وفخامة الرئيس محمد مرسي الله يرحمه لازم يرجع
للحكم ) !!.
..
.
خطوتين , تلك هي المسافه التي تفصلُ بيننا , ربما كانت إحداها بألفِ سنةٍ مما تعدُّون ......... فاسألو العااادين !!.
يا الله , أحنُّ إليها , إلى نظرتها وقهوتها وكوخها الصغير !!.
.
.
العامل
عندي كل ما يمسح الصيدليه الدبّان يكتر فيها , أه وعهد الله , إنت يابني
بتمسحها بإيه ؟ طيب جرّب توسّخها كده يمكن الدبان يختفي !!.
.
.
محمد حسين
.
ليست هناك تعليقات:
إرسال تعليق