منوع

ومن رحمة ربنا بمصر إن جيلنا الجميل النحنوح ده اللي بيفتي في شغل الجيش والمخابرات مكانشي موجود في 73 وإلا كان زمانا اتنفخنا أه وعهد الله , ومعرفشي قائد الجيش المصري وقتها كان هيركّز في الجبهه والعدو والحرب ولا هيتفرغ للرد على علاء عبد الفتاح والنحانيح اللي الإخوان راكبينهم ؟! , يا صاحبي ممكن ترمي الأي باد اللي في إيدك واللبانه اللي في بؤك وتطفي التكيف اللي وراك وتقوم تلبس بيادتك وتشد مخلتك وتتطوع في جيش مصر , ساعتها بس هسمحلك تتكلم عن محاربة الإرهاب , كل يوم عساكر وظباط بيموتو , وقلت لحد مارورمت إن محاربة الإرهاب بتختلف تماما عن جراحات الليزر ورسم التاتو على صدور الفاتنات , لازم لها ضحايا محدش بيتمنى موتهم , وبجد بقى والله , بجد يعني , حكمة اليوم وكل يوم ( عدو إخوانجي مفضوح أفضل مليون مره من صديق نحنوح ) !!.

.

.

أصدقائي الأعزاء الغاليين أوي , حضرتك بتفهم في الهندسه ؟ عشان أدخل معاك شريك ونفتح مصنع , طيب بتفهم في السباكه ؟ كنت عايز أستشيرك في مشكلة في حوض الحمام عندي , طيب بتفهم في الصيدله ؟ كنت عايز أعرف بس السيبروباي مسموح للحوامل ولا لأ ؟ .... طيب بتفهم في شغل الجيش والمخابرات ؟ عشان نقعد نتكلم ونلت ونعجن عن طريقة تعامل الجيش مع الإرهابيين في سينا وكان المفروض يعمل كذا وميصحش يعمل كذا , مع إنك وعهد الله زي حالاتي ما تعرف الفرق بين الإرهابي والكوميدينو ويتهيألك إن الأباتشي دي طياره نفاسه أو اسم منتجع سياحي وغالبا والله أعلم بتعتقد إن الإرهابيين لازم نواجههم بالحب , الحب الحب , ضربو الجامع يا بيه بالطيران المصري , يا مُرك يا مهجه , لقد هرمنا يا ولاد الصرمه من حكاية ضربو الجامع دي ...........عموما لو بتفهم في الطب ممكن نفتح مستشفى نسا وولاده !!.
..................إحساسي : بَثْقه كبيره على جبين أَنْصاف الحمير في هذا الوطن!!.

.

.صباح الخير , أومال انتو فاكرين إيه ؟ الناس دي كبيرهم ومفكرهم ومنظرهم ومثقفهم وفيلسوفهم ونبيهم وقديسهم وربهم الأعلى إسمه سيد قطب , سيد بيه قطب لا يكون قريب حد ولا حاجه , وسيد بيه قشطه ده شايف إن بلاد المسلمين هي بلاد كفر وضلال ووثنيه من كذا مية سنه كده , وإن قوم إيه بقى ربنا بعتلنا هذا المُرسل ب** أمه عشان يرجّع المسلمين ل ( حظيرة ) الإسلام الإخوانجي تاني !! , هو فعلا بيرجّع !! , وعهد الله الحموريه اللي بتشوفها على الإخوان دي هي الجانب المشرق في حياتهم !! , واحد مصاحب على علوكّه وسيد كُخه وسيد قطب عايزه يطلع إيه ؟ طيار ؟!!.

.

.

محمد حسين