منوع

مارك مش عاجبني يا أم مارك , الواد بقاله كام يوم مهيّس ومبوّظ عالناس أكل عيشها , اللي مش لاقي صفحته الرئيسيه واللي مش عارف يعمل لايك واللي بوستات مش لاقيها , واللي مش لاقي الموبايل بتاعه ولا مفاتيح العربيه , تقريبا كده الليله كبرت عليه أوي , مليارات المستخدمين وأطنان من اللايكات والكومنتات والبوستات , ولما انت ياض مش أد الليله دي كنت عملتها ليه ياض ؟ ياخي دي نجاة بتقولك ( فإن من أشعل النيران يطفيها ) , بالبلدي يعني اللي حضّر العفريت يصرفه , لما انت مش أد العدد ده كله معملتلكش موقع تواصل إجتماعي صغير عالضيق لك انت وأصحابك وشارع وول ستريت والست أم شوشو جارتكو ليه ؟ عايز تعمل فرحك في ميدان التحرير وتعزم العالم كله والأخر تولول زي الولايا وتقول هلاحق عليكو ساندوتشات بسطرمه وجبنه رومي منين ؟ طيب ما كنت تعمل فرحك ده على سطح بيتكو وتخلص !!.

.

صباح الخير , أومال انتو فاكرين إيه ؟ الناس دي كبيرهم ومفكرهم ومنظرهم ومثقفهم وفيلسوفهم ونبيهم وقديسهم وربهم الأعلى إسمه سيد قطب , سيد بيه قطب لا يكون قريب حد ولا حاجه , وسيد بيه قشطه ده شايف إن بلاد المسلمين هي بلاد كفر وضلال ووثنيه من كذا مية سنه كده , وإن قوم إيه بقى ربنا بعتلنا هذا المُرسل ب** أمه عشان يرجّع المسلمين ل ( حظيرة ) الإسلام الإخوانجي تاني !! , هو فعلا بيرجّع !! , وعهد الله الحموريه اللي بتشوفها على الإخوان دي هي الجانب المشرق في حياتهم !! , واحد مصاحب على علوكّه وسيد كُخه وسيد قطب عايزه يطلع إيه ؟ طيار ؟!!.

.

.

في لحظه كده دماغي علّقت ( هنّجت ) , بدوّر على مفاتيح العربيه ( الريموت ) وانا ماسكها في إيدي , بصيت لها كده وقلت لأ , أنا ريموت عربيتي أكبر من كده , ده صغير أوي , وفضلت أدوّر أدوّر تاني لحد ما لقيت الموبايل بتاعي , قلت الحمد لله أنا كده لقيت ريموت العربيه من الأول , ماهو طالما ده الموبايل يبقى أكيد اللي كان في إيدي هو الريموت !! , دي النظريه النسبيه في حساب الأجسام , أومال إيه ؟ إنت فاكرني جاهله ( دانا طالعه من ساتّه ابتدائي ) ............. يا الله , أنا بلا فخر إبنٌ لهذهِ المرحله !!

.

.

محمد حسين