منوع

تخيل كده معايا , لو حصل و إن اسرائيل تعرضت لهجوم شرس من جيوش مختلفه في نفس اللحظه , مصر وسوريا وإيران مثلا , وأدركت إسرائيل إنها مش هيطلع عليها الصبح , يعني عالصبح كده هتكون متدمره تماما وبقت في خبر كان , بس تخيّل مجرد تخيل يعني , تفتكر إسرائيل هتعمل إيه في الكام ساعه اللي باقيين من عمرها , من بالليل للصبح ( الصبح الأخير ) ؟ , أنا أقول لحضرتك هتعمل إيه , اسرائيل هتبطّل تدافع ومش هتصد أي هجوم في الوقت ده لأنها أدركت إن الموضوع منتهي ومسألة وقت ( ساعات ) إنما هتستغل الكام ساعه دول في تصوير المشهد للعالم على إنه مذبحه وجريمه في حق البشريه , هتهتم جدا بتصوير ضحاياها ولعب دور الضعيف الغلبان المغلوب على أمره , عشان ترسخ في أزهان الشعوب والحكومات إنهم فئه مضطهده وده على أمل إنهم يرجعو تاني في يوم من الأيام لنفس المكان وساعتها يلاقو تعاطف دولي محصلشي ....الموضوع ده وطريقة التفكير دي مش بيفكروك بحد ؟ بجهه معينه أو حزب أو جماعه ؟!!......هكذا يفكر الصهاينه ومن على شاكلتهم !!.

.

.

صباح الخير , واحد عندي في الأصدقاء كل يومين تلاته يبعتلي لنك عالشات , مبفتحشي اللينكات عشان معرفشي فيها إيه , المهم الشخص نفسه معرفوش , كل معرفتي بيه إنه بيبعت لنكات على الشات ليس إلا , يعني لا صباح ولا مسا ولا كلمه كويسه , ولا قالي في مره سلامو عليكو ولا هاي حتى , وبعدين الراجل بقى لقيته باعت رساله بيقول فيها ( إنت مش بترد عليا ليه ياسطى ) , قلت له خير يا فلان , قالي عايزك تعمل لايكات للبوستات دي ياسطى !!............ مممممممم طيب يا صاحبي مش تلتمس لاخوك الأسطى العذر , مش جايز أكون مشغول وعندي وابور جاز بسلكه ؟!!.

.

محمد حسين