منوع 06/2013

لو مرسي حضر إجتماع في أكاديمية الشرطه , وطلع نقيب شرطه مسك الميكروفون وبص لمرسي وقال له ( أهلا وسهلا بمعاليك يا سعادة الباشا ) , في اللحظه دي مرسي هيتلفت وراه ويشبّك إيديه الإتنين على قفاه !!.

.

.

زبونه داخله من شويه , مممممم حتى الفلبين فيها بنات بينزلو من بيوتهم وهما واكلين طبيخ من غير ما يغسلو بؤهم ؟!, يا ستي اللي انتي عاملاه ده عيب وحرام , دي لا زبدة كاكاو ولا روج , ماهو مينفعشي يعني عالصبح كده تضربي وشك بفرشتين يوتن !!.

.

.

صباح الخير , بيقولو الجهاديين والسلفيين والإخوانجيين والناس التانيين كلهم نازلين قبل 30 يونيو , يا مراحب يا مراحب , اتفضلو في الصالون , كده مفيش أي داعي لنزولنا إحنا بقى , هما كفيلين لوحدهم كده بإسقاط حكم مرسي في 6 ساعات !!.
كل المطلوب اتنين تلاته ثوار بس والباقي يقعد في البيت يجيب كيس فيشار كبير ويتفرج على برامج التوك شو , واحد من الثوار يروح يوشوش طارق الزمر في ودنه ويقول له ( الإخوان بيقولو على السادات اللي انتو قتلتوه بطل ومنحو مراته وسام ) , وواحد تاني يوشوش البلتاجي ويقول له ( السلفيين بيقولو عليكو شيعه ولاد حرام ) , وواحد يروح لتلاميذ الحويني ويقول لهم ( بيقولو إنكو وهابيين وبتوع ستات وبنات وغلمان )
.......... بس كده , الأكشن هيشتغل واحنا نتفرج عليهم لحد ما يخلصو على بعض , ننزل احنا بقى بالجاروف والجردل وأكياس الزباله , نلبس ماسكات وجوانتيات ونشيل الزباله اللي ملت شوارع البلد دي نرميها وكل واحد حسب وصيته , يعني شويه في إيران وشويه في الخليج وشويه في أفغانستان , وترجع لنا بلدنا تاني !!.

.

.بيقولك الفنان وجدي العربي قرر إنه ينتج مسلسل أبطاله كلهم ( بنين ) , يعني مفهوش ولا ممثله , ولا أنثى , ولا حتى نملايه نتايه , وهيعرضه في رمضان على قناة ( الحافظ مش فاهم ), أفهم من كده إن مشاهد البوس والرومانسيه في المسلسل المخرج هيخلي البطل يبوس أخاه البطل التاني من بؤه !!

.

.كلام في الممنوع يا أخ علي !!

.
في الفتره اللي فاتت كترت أوي فتاوى من نوعية : ممنوع سفر المرأه بدون وجود محرم , ممنوع جلوس الرجل مع ابنته بدون وجود محرم , ممنوع خروج المرأه مع إبنها الوسيم , ممنوع للمرأه إنها تفتح التلاجه بدون وجود محرم , ممنوع للمرأه تشغيل التكييف وزوجها خارج المنزل , ممنوع عمل المرأه مع الرجال , ممنوع جلوس المرأه على كنبة الأنتريه لأن الشيطان بيبقى قاعد !!.
طيب سؤال مهم جدا لمشايخ المرأه : كيف تسمحون للرجل أن يجلس مع الرجل بدون وجود محرم ؟ أليس من بينكم من يشتهي الرجال ؟!! أي أي أي , بيوجع السؤال ده صح ؟ إذا ممنوع جلوس الرجل مع الرجل بدون وجود محرم , وهنا يبقى لازم يكون المحرم إمرأه , ماهو الشيطان بيبقى موجود برضه..............................................................
إعلان هام : مطلوب إمرأه للعمل ك( محرم ) في جلسات الرجال !!
............... تبا لمجتمع يحكمه الصراصير .

.

.

صباح الخير , أيمن نور قطع , قصدي استقال من حزبه , وبيفكر إنه يعتزل الرقص الشرقي , قصدي يعتزل السياسه , وانا في الثانويه العامه كان عندنا مدرس رياضيات عبقري , وكان لما يلاقي فينا طالب دماغه حلوه وبيفكر بطريقه غير تقليديه يقول جمله مشهوره عنه جدا ( ماهو فيه ناس ربنا خلقها هتطلع دكاتره ومهندسين وناس تانيه هيطلعو بوابين ) , أهو تقريبا بقى أستاذ حامد كان بيقصد أيمن نور بالناس التانيه دي , أخرك يا دكتور أيمن ترص حجر المعسل وتهوي عالفحم في مكتب الإرشاد , خبر إعتزالك للسياسه هو بالظبط كأن طالب من عينة البوابين مسك ميكروفون في المدرسه وقال والله مانا قاعد في المدرسه دي , مش هكمل تعليمي , يا سيدي متكملشي , وهي شغلانة البواب محتاجه علام ؟, يعني أقصد أقولك يا مولانا إن اعتزال أيمن نور للسياسه ده مش خبر أصلا , إنما اعتزال البرادعي للسياسه ده خبر مانشيت بالبنط العريض , تخيل حضرتك مثلا إن نعيمه الصغير قررت إعتزال الرقص الشرقي طب ده خبر والنبي ؟ إنما تخيل سهير ذكي كانت فكرت مجرد تفكير في إعتزال الرقص الشرقي ؟ أهو هنا الكلام , مليونيه تطلع مخصوص من أجل عيون البرادعي ورُكب سهير ذكي !!

.

.

وفي ذكرى اليوم اللي اغتالو فيه فرج فوده جابولنا وزير ثقافه ( من زرايبهم ) , في مصر فقط قاتل الثقافه أصبح وزيرا لها !!.

.

.القذافي كان بينزل مع الليبيين في المظاهرات ويهتف معاهم وهو بيحكم ليبيا , وبما إن مرسي هو أخر العنقود في السلاله القذافيه نادرة الوجود , مش بعيد نلاقيه نازل يهتف يوم 30 يونيو ..........( يسقط يسقط حكم المرشد ) , طب وعهد الله مرسي ده فيلسوف كبير أوي ويعملها !!.

.

.ياسلامممممممم , بيقولك يا سيدي ضغوط إخوانجيه على نقابة الأشراف لمنح مرسي شهادة نسب لسيدنا رسول الله , يعني يبقى واحد من أهل بيت الرسول وأحفاده وكده يعني , مفيش مشكله إدو لمرسي شهاده ( نسب ) وشهاده ( مش نسب ) وشهاده إنه اشتغل في ناسا وشهادة إنه مشتغلشي في ناسا وشهاده إنه مسجون سياسي وشهاده إنه مسجون تخابر وتجسس , على أي الأحوال الثوار جايين ومبتفرقشي معاهم الشهادات , والله ما بتفرق معانا الشهادات , كل الحكايه يابو الأمراس إنك هتّقل على نفسك الكرتونه اللي هتشيلها وتهرب بيها يوم 30/06 , وعشان كده هيبقى لقبك بعد الخلع ( أول رئيس مدني منتخب مخلوع بكرتونه ) , مش إنت جيت للحكم بالصناديق ؟ يبقى لازم تطلع منه بكرتونه !!.

.

.بعد عشرين سؤال سألهم لي الزبون الفلبيني دلوأتي قبل ما يشتري علبة الأدفيل أم 7 ريال , سألني السؤال رقم 21 , هاو ميني بيسز إن زيس ؟ ياد اسكت بقى بلا بيسز بلا فيسز !!

.

.مش حقيقي إن مشكلة ماية النيل وسد النهضه ممكن توصل للمحاكم الدوليه , على أد مستوى الحوار المصري السري اللي اتذاع على الهوا من كام يوم يتهيألي الموضوع كله ممكن يخلص ويتلم في محكمة الأسره , والست مالهاش غير بيت جوزها !!.

.

.

.ولما تعرف إن أحمد سبايدر رايح يجاهد مع جيش بشار في سوريا , ممممم يبقى أكيد أكيد سيف الدين قطز كان بيقضي تلتين يومه عند الست شوشو بتاعة البودي كير والحواجب !!.

.

.صباح الخير , إمبارح شفت منظر وزير الثقافه الإخوانجي الجديد , بصراحه يعني حاجه تعرّ , وزير ثقافه من منازلهم (أو من جحورهم ), أي واحد بدقن إخوانجيه هيبقى وزير لأي حاجه فيكي يا بلد , وقبل كده شفت منظر وزير الإعلام وكلامه , اللهم لا اعتراض , وانا ليا واحد قريبي في البلد إخوانجي بيشتغل ميكانيكي ( بتاع عفشه ) كنت سايبه من سنتين حالته صعبه تصعب عالكافر , خايف أسأل عليه يقولو لي عقبال أملتك بقى ( وزير عفشه ) , ولو وزارة العفشه كانت مشغوله بعفشجي تاني يمسك وزير ري أو خارجيه , مش إخوانجي يا ناس ؟ يبقى ينفع , دول أسيادنا ,أساتذة العالم , وشعب الله المختار فرع مصر المحروسه .

كمان تابعت الفيديو بتاع أنصار وزير الثقافه , يا دين النبي عالأنصار , مش كده يا أنصار , عيب عليكي يا أنصار , شوية بلطجيه وشبيحه , وسألت نفسي , لما دول أنصار وزير الثقافه أومال أنصار وزير الداخليه ووزير التحرش الجنسي يبقى شكلهم إيه ؟!.

.

.

لا حول ولا قوة إلا بالله , هو الراجل ده مش كان تاب واعتزل الفن واتحجب ؟ , محمد حسا ن بيقول لا يجوز اسقاط الرئيس محمد مرسي لأن له شرعيه دستوريه وقرأنيه ونبويه !! هع هع وبيمشي عالحيط وبيطلع نار من ودانه ........................قال نبويه قال , نبويه دي بقى تبقى خالتك ياشيخ !!.

.

.

واحد باعتلي طلب صداقه , إسمه أبوحاجه كده , ( أبو حاجه الحاجه ) ذي أبو محمد المرزوقي , أبو إبراهيم الهمشري , أبو الأسود الدؤلي , المهم الراجل بقى حاطط صورته , الدقن الطويله وزبيبة الصلاه تيجي اتنين كيلو , الشاسيه ده أنا عارفه ده شاسيه سلفي مش إخواني , طيب أقبل صداقتك إزاي يا مولانا ؟ دانا واد هلاس وبتاع شعر و ألش وكده يعني , لا تكون فاكرني محمد حسين .................. يعقوب ؟!!.

.

.على فكره , المسجد الأقصى زي الفل وعلى رأي عم جلال ( مش ناقصه غير أكلة سمك ) ومحصلشي فيه حاجه الفتره اللي فاتت , وبيسلم عليكو أوي وبيقول لكو متشكرين على الواجب والمظاهره بتاعة النهارده ياخرفان .

ليه بقى خرفان ؟ عشان الموضوع مالوش علاقه بالأقصى...كل الحكايه إن الراعي بتاعكو خيرت الشاطر قال يسرح بيكو سرحة أخيره قبل 30/ 06 , عشان يقول للسلفيين ويفكرهم يعني بافتكاسة تحرير القدس على إيد مولانا البهلول !!

.

.نزول ميليشيات الإخوان للإعتداء على المتظاهرين اليوم أمام أعين الشرطه هو سبب كافي في حد ذاته لرحيل النظام , دي بيسموها دولة القرود, حمدين صباحي نطق وقال نازل 30/06 , مش باقي غيرك يا بوب , والنبي مش طالبه هي كلام بالشوكه والسكينه ولا تأتأه , نكون أو لا نكون , إنطق بقى وارحم أمي العيانه !!.

.

.وقالك مرسي هيعمل أول كنيسه لأقباط مصر في منطقة النوباريه !! , والنبي يا شيخ لو رسمت صليب على إيديك وسميت ابنك البغل الكبير أغاثون, المسيحيين نازلين نازلين , ماهو أصلك مش واخد بالك مشكلة المسحيين والمسلمين في مصر مش في الكنايس والجوامع , هيصلو في بيوتهم يا مولانا , مشكلتهم في البلد اللي خربت وبتخرب على إيديك يا مولانا قديس !!.

.

.الواد مارك ابن ام مارك قاعد يلعب في البوست الأخير بتاعي , بيخُم في عدد اللايكات , إلعب ياخويا إلعب ماهو الفيس ده أمك اللي شاريهولك , بتخمني يا مارك ؟ بتستعماني يا هرم , ألاقيك قايلي 40 معجب بالبوست ولما أفتحه ألاقيهم 24 بس ؟ هو احنا هنفاصل يا جدع

, ولا تكون بتغير مني عشان بيجيلي لايكات أكتر منك ومناخيري أطول من مناخيرك ؟, ...........هو ده تمامك على فكره !!.

.

.مع تقدم بشار الأسد واقترابه من السيطره على كامل الأراضي السوريه وتحريرها من تجار الدين والجنس والمخدرات والنشوق , ورغم إن رأيي ثابت وهو ( مازفت من زفتى إلا ميت غمر ) , لكن يبقى سؤالي للشيخ العريفي : فين الملايكه اللي كانت بتحارب ضد بشار يا مولانا وفين البنات بتوع جهاد المناكحه ؟؟! الملايكه بتوع الشيخ العريفي إنهزمو يا رجاله بالإنجليزي , خبر عاجل , القوات النظاميه في سوريا تلقي القبض على 3 أشخاص منهم اتنين ملايكه وراجل سلفي من ولاد أبو اسماعين , عاجل : بشار الأسد يأمر بالإفراج عن فتاتين بعد اعترافهما بأنهما أتيا من أجل جهاد المناكحه وبعدين ملاقوش رجاله يا معلم , وإدالهم أجرة الميكروباس اللي هيرجعو فيه كمان , صوتي اتنبح يا بشر , يا ولاد المره , بطلو تجاره بدين الله وأياته وكتبه ورسله وملائكته , ربنا يحرقكو في نار جهنم , اللهم أمين !

.

.صباح الخير , عمرو موسى راح اجتمع في قهوه بلدي مع الشيطان الأعظم خيرت الشاطر بمعرفة الواد خيشة بتاع القهوه ( أيمن نور ) , وهو اللي رص لهم المعسل والحشيش وظبت القاعده , طيب عمرو موسى عمل كده ليه من ورا جبهة الإنقاذ ؟ بتخوني يا عمرو ؟ بتعرف نسوان و (غلمان ) عليا يا عموري ؟ لأ أبدا , كل الحكايه إنه سياسي ضليع محنك , خبرته السياسيه حوالي نصف قرن , داهيه من دواهي العرب السياسيه , أستاذ ورئيس قسم السياسه في الفضاء الخارجي , عشان كده رأيي الشخصي إنه ياخد الشلّوت التمام , شلّوت يا عموره عشان إحنا مش بنلعب سياسه يا بابا جدو , دي ثوره يا مولانا وانت الزهايمر وحكم السن أثرو عليك , ما الخيبه لا تكون فاكر إن خيرت الشاطر هو النحّاس باشا ؟!, وهنلعب سياسه إزاي مع ناس قتالين قُتله وكدابين كدب الإبل ومكفرين اللي خلفونا يا مولانا المحنك الضليع ؟!.............. على العموم , كده اتنين اسمهم ( عمرو ) عملو ساين أوت من جبهة الإنقاذ في نفس الإسبوع , أي حد تاني إسمه عمرو في الجبهه يلحق يغير إسمه قبل 30 /06 ... ممكن يسمي نفسه حماده , إسم له هيبه وشمخه كده, إنما عمرو ؟ لأ لأ يع يع !!.

.

.هذا وقد قرر السيد الرئيس محمد مرسي أفندي كعب الغزال تعيين كلا من رامي لكح وعمرو حمزاوي وفلان وعلان وترتان في لجنه كده عشان يمسكو ( ولا مؤاخذه ) ملف ماية النيل !.

واحد هيقولي , طيب افرض رامي لكح راح باع لإثيوبيا حصة مصر في المايه ( اللي باقي منها يعني ) ؟! , هقول له الكلام ده مش هيحصل , مستحيل يحصل , لأن رامي لكح ناهب مليارات من البنوك المصريه قبل كده وكان هربان بيها , يعني شبعان وعنيه مليانه !!..

.بعد احتفلات الإخوان بهزيمة عبدالناصر وجيش مصر في 67 , مرسي يتراجع عن تصريحه السابق ويقول سوف أكمل ما بدأه موشى ديان وجولدا مائير !!.

.

.

.

الإخوان يحتفلون بنكسة 67 ويشمتون في هزيمة مصر ! , لو كان الأمر بيدي لأسقطت الجنسيه المصريه عن كل من ينتمي رسميا إلى هذه الجماعه الإرهابيه المريضه نفسيا , ولمنحتهم الإختيار بين مغادرة مصر أو البقاء فيها بدون جنسيه فهم بجداره يستحقون لقب ( طائفة ال ( بدون ) المصريه ) !!.

.

.كل كتاب كبير أو مرجع تقراه لما بتوصل لنُصه بتلاقيك اتلخبطت ومش مركز وغالبا مش فاهم إلا المرأه ( المصريه تحديداً ), لو حاولت تقراها هتلاقيك وانت لسه بتتأمل في الغلاف بتاعها من بره بتقول ( فيرساس نوت أجينست ) , .................. المجد كل المجد للمقررات اللبنانيه !!.

.

.هل تعلم أن عدد المصريين ( ولاد مصر ) الذين شيعو جنازة الزعيم جمال عبد الناصر من نصف قرن أكتر من عدد الإخوان حول العالم + عدد سكان قطر + عدد سكان إسرائيل الأن !!.

.( علينا السعي و ليس علينا إدراك النتيجه ) :

.
أنا مصري , فخور بجيش مصر اللي انهزم في 67 , وفخور جدا بالزعيم جمال عبد الناصر رغم الهزيمه لأنهم وقفو وحاربو زي الرجاله يعني مش عملاء ولا خاينين ولا باعو البلد للأقزام زي الناس التانيين , ....... إنشروها في صفحات الخرفان ( حلفاء الصهاينه ) وعلقوها على ليّتهم المترهله !!.

.الإخوان بيحتفلو بهزيمة مصر في 67 هما والصهاينه !! , وبكره ينكسو أعلامهم ويعلنو الحداد في ذكرى انتصار أكتوبر ( مع الصهاينه برضه ), وأقطع دراعي من هنا لو ما كان عصام العريان ابن خالة موشى ديان !!.

المشكله اللي تغيظك فعلا ؟ إنهم كده قال يعني شمتانين في عبد الناصر , طيب تصدقو بالله , والله العظيم , محمد بديع والشاطر ومرسي وكل القيادات الخرفانيه , كل خروف بإسمه , لولا عبد الناصر كان زمانهم شغالين دلوأتي كلّافين في وسية الباشا وبينضربو بالكرباج زي الحمير , الله يسامحك يا ناصر , عملت للجربوع قيمه وجه اليوم اللي يتطاول فيه عليك

.

.

.وبعد التحقيق في واقعة قيام أحد الأطباء باستئصال مرارة سيده فقيره مسنه في مستشفى قنا العام على ضوء ( لمبة الموبايل ) قررت الجهه الإداريه المحققه تعميم الفكره على جميع مستشفيات مصر مع ضرورة إرسال تنويه ( سي سي ) بإضافة هذا الإبتكار المصري في كتاب إن(جاز)ات الرئيس !!.

كما قررت الجهه المحققه إعادة المراره إلى المرأه المسنه وإعادة إجراء الجراحه على الهواء مباشرة في غرفة العمليات السريه حتى نبث الرعب في قلب عدونا الصهيوني ( وبالمره نحل مشكلة ماية النيل ) !!..
.
وفور إعلان قرارات لجنة التحقيق قال المتحدث الرسمي بإسم الشيخه موزه أن قطر سوف تحصل على حق تعميم التجربه وحق البث الحصري للجراحه المعاده , وأن الحكومه القطريه سوف تشرف بنفسها على شحن بطاريات الموبايلات الخاصه بالأطباء ..

.

.

صباح الخير , عمرو حمزاوي تقريبا كده من كتر ما قلناله إنت حد جميل وبيس وسوكيوت والبنات كانت بتعتصم على باب البرلمان بالدباديب عشان تستناه وهو طالع , ونظرا لأن سوق الحلاوه جَبَرْ في معسكر الأنثى ( بسبب بدأ نزول المدرسين من الخليج وليبيا وكالعاده نقضو وش القفص ) , لذا قرر الأستاذ الدكتور عمرو حمزاوي الإنتقال إلى هذا المعسكر لتغطية العجز في الجمال بموجب عقد احتراف رسمي , ما أجمل الإنتقال إلى معسكر وائل قنديل وعلاء صادق وعصام سلطان , وعلى رأي الست نجاة ( ما أحلى الرجوعَ إليكْ )............... هه ؟ حلّيتي مشكلة السد يا أوخه ؟ حلتيها بقى إنتي وأخونا بكاينام ورامي لكح و ( الراجل ) اللي بتجيله إنتعاشه بعد ما يمص الصدمه ؟!.

.

.

والله العظيم إثيوبيا دي ربنا كارمها أخر كرم , الدولتين اللي هيتأثرو ويتبهدلو بسبب السد بتاعها واحده فيهم بتقول الطيران الإسرائيلي ضربنا عشان كان طافي النور والتانيه عامله قاعدة حشيش عشان تدرس رد الفعل , تخيل مثلا إن دول المصب في حوض النيل هي البرازيل وألمانيا ؟..... كان زمان ( الست إثيوبيا ) واقفه في محكمة الأسره وبتقول الإتنين اغتصبوني ورموني في الشارع أنا والعيال يا بيه !!.

.

.

.في عصر النهضه الخرفاني :

.
قرر اللواء عادل لبيب محافظ قنا فتح تحقيق عاجل في واقعة إجراء عملية إستئصال مرارة لسيدة مسنة علي ضوء "موبايل" بعد إنقطاع التيار الكهربائي عن مستشفي قنا العام وغرفة العمليات بها لمدة ساعتين تقريبا.
.
ممممممممممم , هذا ومن المتوقع أن يتعرض الطبيب للحبس والغرامه والشطب من سجلات النقابه بتهمة استخدام الموبايل في أوقات العمل الرسميه !!.

.

.

اليومين اللي فاتو دول كان فيهم جوله مهمه جدا للقضاء المصري , محاكمتين بيختصرو فيلم القصاص الإخوانجي ( مقتل خالد سعيد وحبس أحمد دومه ) , ممكن ببساطه ندمجهم في جلسه واحده أو محاكمه واحده , وصل القاضي لقاعة المحكمه ووصل المتهمين ومحامي المتهمين ومحامي الشهيد , وبعد شويه أصدر القاضي الحكم : حكمت المحكمه حضوريا بإخلاء سبيل المتهمين بقتل خالد سعيد وحبس أحمد دومه 6 شهور وغرامه 5000 جنيه !!.

.

.

.مرسي يطالع وزارة الكهرباء بفصل التيار الكهربائي عن بيته والوزاره ترفض لدواعي أمنيه !! , هع هع رجعنا تاني لفيلم قفل زراير القميص بتاع العسكري , ياريس مرسي إرحم أمي العيانه من الإفتكاسات بتاعة جو التلاتينات ده , أقطع دراعي من هنا إنك بتلبس طربوش بزرّ في البيت وتقول لمراتك ( ممنون يا هانم ) !!.

.رساله مهمه جدا لثوار مصر قبل 30 /06

.
جماعة الإخوان المسلمين هي جماعه منظمه لها قياده بتصدر الأوامر وخرفان بتلبي عمياني , وأكيد إنهم بدأو الإستعداد لليوم ده من بدري , هيقفلو بقى الطرق , هيحتلو ميادين , أيا ما يكون , إنساهم خالص , وانا عارف كمان إننا عشوائيين مالناش قياده وده اللي انا عايزه , مطلوب مننا ننزل بنفس العشوائيه , بدون تخطيط مسبق للنزول , مفيش اتنين يتفقو على حاجه , كل واحد ينزل بطريقته , أحذرو من أي تنظيم له قياده يندس في وسطيكو , ( بوضوح شديد إحذرو الألتراس و6 إيريل ... أقصد قياداتهم ) , سلاحنا الحقيقي هو حاجتين اتنين الحشد والعدد أولا ( أهلا وسهلا بشباب الإلتراس و6 إيريل , على راسنا بدون ما يرفعو أعلام أو ينفذو تعليمات ) , وثانيا العشوائيه , احنا مش معانا سلاح ولا سلطه وأي فصيل منظم مسلح معاه سلطه في الدنيا لا تهزمه إلا هذه العشوائيه , اللهم قد بلغت , اللهم فاشهد .
حاجه أخيره , متفكرشي كتير في خطوة ( ماذا بعد الإخوان ؟) , السؤال ده مش مهم خالص , ده اللي هيخليك تنهزم قبل النزول , مش مهم مين هيجي بعد الإخوان , أي حد أي كلب حتى هيكون أفضل , وصدقني المره دي تحديدا هتفرز قيادات شابه نضيفه تستحق حكم مصر .

.بعد حكاية ( هنمص الصدمه وتجيلنا انتعاشه وانبعاث )

.
أفضل حل لوقف مشروع سد النهضه والمحافظه على ماية النيل إننا نجمع الأشكال اللي كانت بتتحاور إمبارح ونحاول نزرعهم نفر نفر في أثيوبيا ونساعدهم في الوصول لدائرة صنع القرار الإثيوبي , دول مش بس هيوقفو ( ولا مؤاخذه ) المشروع , دول هيوقفو حال أثيوبيا كلها .
مش إنت لما بتبقى عايز تدمر بيت وتبوّظ علاقه بين راجل بمراته بتسلط عليهم ( سونه العاشقه ) ؟! , إحنا بقى هنبعت لهم سونه العاشقه ذات نفسها , ودي بيسموها في السياسات الدوليه بإسم ( القوه الناعمه ) , بس بلاش باكينام !!.
.
مصر طول عمرها ولاده وطالما خِلفتها في السنتين اللي فاتو جت ( شمال ) , يبقى لازم نستفيد من الشمال ده , اللي بيحكمو مصر حاليا عاملين زي أسلحة الملك فاروق في 48 ( بتضرب في اللي شايلها ) , وأفضل طريقه للإستفاده من النوعيه دي من الإسلحه هي إننا نسلح بيها عدونا !!

.

.

الصهاينه قالو قبل كده رأيهم في عبد الناصر إنه كان صريح وملامح وشه بتبين رد فعله , فكانو بيتوقعو تصرفات ناصر بسهوله , وقالو عن السادات إنه كان مكار ومتعرفشي عنيه بتقول إيه , وغالبا الموساد هو اللي طلّع نكتة على السادات ( إنه كان راكب العربيه مع السواق ووصلو عند تقاطع طرق فالسواق سأل السادات أدخل يمين ولا شمال , السادات قال له : إدي إشاره يمين وإدخل شمال !! ) , .................. و ههههههههههههههههههههههههههههه و ههههههههههههههههههههههههههههههههه قصدي يعني ههههههههههههههههههههههههههههههههههه المهم هههههههههههههههههههههههههههههههه ...هو ده رأي الصهاينه عن مرسي !!..

.

.

.بعد كل اللي حصل في السنتين اللي فاتو واجتماعات المطار السري واستفتاء الأزهر في تحرير الجنود والمخابرات اللي شغاله بتعمل ساندوتشات في مطبخ الأزهر ورامي لكح اللي بقى من القيادات السياسيه وطارق الزمر اللي بيحضر احتفالات اكتوبر , نفسي جدا تكون عندي الجرأه والشجاعه إني أكتب بوست ولا مقال عن ثورة ( زفت وعشرين يناير سنة ألفين وزفتاشر )!!.

.

.صباح الخير , وقالك يا سيدي إثيوبيا كلفت مجموعه من المحامين بترجمة الحوار المصري المفتوح ( ولا مؤاخذه ) بتاع امبارح ( مش بعيد يكون منهم سليم العوا !! ) , وهتقدم مذكره للأمم المتحده تتهم مصر بالتحرض ضدها بالجيش والمخابرات وعادل إمام !!, طيب نعمل ايه احنا بقى ؟!

في العشر سنين اللي فاتو كانت اسرائيل بتنرفز حماس ( أو تتفق معاها الله أعلم ) تقوم حماسه ضاربه صاروخين ماركة ( بومب العيد ) , الصاروخين بتوع حماس يقعو في الصحرا كالعاده بس اسرائيل تصورهم فيديو وفوتو شوب بقى وتقولك دول وقعو في تل أبيب وأصابو مواطن اسرائيلي بمغص مفاجئ وإسهال , وتقوم اسرائيل تنشر الكلام ده للمجتمع الدولي مع تصوير مأسوية المشهد , وبعدها ترد وتدك قطاع غزه على راس الغلابه اللي فيه وتكمل بنى مستوطنات وتجرب أسلحتها وتمرن جنودها , واحد هيقولي طيب قادة حماس بيبقو فين ساعتها ؟ في إيران يا مولانا , في طهران والدوحه في قصورهم المشيده.
ما علينا , المهم يعني إن إثيوبيا بتحكمها اسرائيل من كام سنه , والإخوان ميختلفوش عن حماس أبدا ( بيرضعو من نفس الجاموسه ) , الحوار هيترجم ويتعرض على المجتمع الدولي وهنبان إحنا بقى السفاحين ( زي عبد السلام محمد في في فيلم الخُط لما كان بيقول لعادل إمام.... أنا السفاح !! ), وبالتالي المجتمع الدولي هيقبل أي رد ( على الأقل الإستمرار في بناء السد وتجويع وتركيع مصر والسودان ) .
عايز أقول باختصار ده حالنا مع حكم الإخوان , والمثل بيقول ( لا تنتخب الأهبل ........ولا تخلي الأهبل رئيسك ) !!.

.

.

محمد حسين