منوع

ولو واحد فيهم قالك ( أنا نازل ضد العسكر والإخوان ) قوم ضاربه بالجزمه على دماغه هتلاقي قرنه اللي كان مخبيه اتكسر ووقع قدامك...قوم قايل له ( مش ده قرنك يا خروف ؟! .... مش دي سبحتك يا معلم ؟ ) !!.

.

لها ........... حبيبتي
.
الجميله والرقيقه والذكيه والبهيه والعذبه ...... تقدّستْ عندي أسماؤكْ !!.

.

.إحنا مين باختصار ؟.

إحنا الشعب الطيب أوي رغم معاناته , الكريم أوي رغم فقره , الجدع أوي رغم ألأمه , احنا اللي اخترعنا حاجه في البيت اسمها أوضة المسافرين , بتفضل نضيفه ومقفوله لأي ضيف ييجي ... وممكن تفضل طول العمر محدش يدخلها ولا الضيف ييجي ! , كان لما يدخل علينا ضيف زمان أمي تجهز له أفضل ما في البيت عالغدا ( لحمه أو فرخه بلدي ) مع إننا كنا بنشوف اللحمه أو الفرخه كل شهر , ونستنى ناكل بواقي الأكل بعد مالضيف يمشي , إحنا شعب يستحق إنه يعيش بدون إخوان أو سلفيين , دينا الحقيقي هو الطيبه والكرم والجدعنه , مش دين لا للخروج على الحاكم ولا دين المرشدين والملالي !!.

.

.

لو كنت أعلم أن دين الإسلام يدعو إلى حمل السلاح والكذب وقذف المحصنات والمتاجره بالجثث وتكفير الغير والقتل والنفاق والأكل على موائد الحكام واستدعاء الأجنبي للإعتداء على أرضي لما اعتنقته أبدا , إنسانيتي وأدميتي لا تسمح بهذا , الحمد لله أني عرفت إسلامي قبل أن أعرف وجوه الإخوان والسلفيين العكره , وأشهد الله أني كفرت بكم يا مشايخهم !!.

.

.الإخوان تعبو أوي من كتر مظاهراتهم اللي بينزلوها من غير أي لزمه ولا نتيجه , نفسهم اتقطع يا ولداه , بس دول مش بييأسو بسهوله أنا عارفهم , الجمعه الجايه هينزلو في مليونية ( الدهن في العتاقي ... والشريعه ) , واللي بعدها ( لنا رب اسمه الكريم .... والشريعه ) وأخر جمعه لهم هتكون ( كشفت راسي ودعيت عليك يا سيسي .... والشريعه ) !!.

.

.

معركه حامية الوطيس , دارت رحاها بعد ظهر اليوم في شقتنا , واستمرت لمدة ساعتين كاملتين بيني وبين الشوفنيره الكبيره اللي أدراجها اتخلّعت من بعضها , تلك إذاً 120 دقيقه كامله , تقمّصت فيها دور ( محمد زا كاربينتر ) واستخدمت كل أنواع الأسلحه المسموحه والممنوعه وحتى المحرمه دوليا , شواكيش وكماشات ومفكات وشرزمه قليلون من المسامير , وسط تشجيع ومؤازره كامله من بناتي , وترقّب وانتظار من زوجتي ( تقولشي بغيّر للشوفنيره صمام في القلب ! ) , ويبدو أنني نجحت نجاح منقطع الجماهير , والدليل إني متغدتشي لحد دلوأتي , . .... مممممم عندما تُعشق الشوكولاته و بسكوت الشاي الساده !!.

.

.في الكام يوم اللي فاتو وبعد جوله متأنيه في صفحات الأصدقاء تأكدت من المثل القائل ( عدو إرهابي خيرٌ وأبقى من صديق نحنوح !! ) , ما تخافشي من البرادعي وخاف من خِلفته !! , الساده أنصاف المتعلمين , أنصاف المثقفين , أنصاف المبصرين , هؤلاء من حملة لواء ( خُلقنا لنعترض... ونصلح راديوهات ) , السائرون نياماً تحت شعار ( أثر الديموقراطيه على ساندوتشات الحلاوه بالقشطه )!!.

.مظاهرات وحاجات 

.
ممكن نقول إن مظاهرات الإخوان النهارده نجحت أوي و فشلت تماما في نفس الوقت , الأرقام بحسب تقديرات قناة الجزيره تشير إلى 22 مليون الساعه 1 و 27 دقيقه , و 4 مليار و250 مليون الساعه 3 و 7 دقايق , والأرقام بحسب شهود عيان تشير إلى 752 متظاهر ونص وعيل صغير ... كده المظاهرات نجحت تماما على الجزيره وفشلت تماما في الشارع وبالتالي يبقى من حق قناة الجزيره إعلان عودة مرسي للحكم بعد النجاح الساحق ( للملياريه ) , ومن حق السيسي يمسّك مرسي سلك الكهربا العريان في السجن بعد الفشل الساحق ( للعشرينيه ) , وشيل ده من ده يرتاح ده عن ده !!.

.

.الإخوان رافعين صورة جيكا والحسيني أبو ضيف اللي قتلوهم , نياهاهاها , بس إيه المشكله يعني .؟ مش هما برضه اللي جابو طارق الزمر ( قاتل السادات ) يحضر احتفلات حرب اكتوبر اللي انتصر فيها السادات ؟! ..يا سيدي أنت تتعامل مع أحط فئه في تصنيف الكائنات الحيه اللي خلقها ربنا , بداية من الديدان والصراصير والأميبا , أنا أرفض المصالحه مع الأميبا , و أرفض جدا اعتبار أن الديدان فصيل وطني !!.

.

.هناك مكان مخصص في الجحيم , مكان فايف ستارز , درجة حراره 9500 فيهرينهايت ( في الظل ) , المكان ده لكبار الزوار بس , عبدالله بن أُبي ابن سلول , وحسن البنا , و أبو لهب وهتلر و خيرت الشاطر , والمذيعين بتوع الجزيره !!.

.

.

صباح الخير , جمعه مباركه عليكو وعلى اللي خلفوكو بإذن واحد أحد , بقى العرب حاليا بيروجو لإن العدوان الأمريكي على سوريا هيبقى محدود ولغرض إنساني , إنساني والنبي إنساني , يعني على طريقة ( طُخه بس متموتوش يابوي ) , ومش لاقي صوره في ذهني لوصف الحكايه دي والتصريحات العربيه , غيرش راجل عربي ( راجل أوي !!) أخد مراته من إيديها وسلمها لبلطجي الحاره عشان البلطجي يرضى عنه , بس عشان هو راجل أوي قال للبلطجي : مراتي قدامك أهي , إعمل فيها كل اللي نفسك فيه بس بشويش , بالراحه , بحنيه أرجوك عشان هي حساسه شويتين وانا مش عايز أجرح مشاعرها , وبعدين بص لمراته كده وقال لها " متقلقيش يا حبيبتي أنا جنبك ومراقب الموقف ومش هسمح للبلطجي يبقى عنيف معاكي ... بجبك !!
شفت حضرتك التشبيه قاسي إزاي ؟ وعهد الله ما لقيت تشبيه أقل من كده ينفع ....و زي ما بيقول الشعار : أنجاس ياعرب أنجاس !!.

.

.