منوع 06/2013

في المدن الأوروبيه والأمريكيه يخرج المصريون المقيمون هناك في مظاهرات الأن تطالب بإنها حكم الخرفان , في باريس ولندن ومدريد وفيينا ونيويورك , أتوقع خروج مسيرات مضاده في كابول و تورا بورا و مقدشيو ,................ فاخترْ لنفسكَ ايُّ الدارِ تختارُ !!.

.

.

التحرير مليان ولسه المسيرات متحركتش !! , مطلوب فورا عمل دور تاني علوي ودور تالت في التحرير عشان يستوعب الناس اللي جايين أسوة بما حدث في مسعى الطواف والصفا والمروه في مكه ولتسهيل مهمة رمي الجمرات ورجم إبليس على الحجيج !!

.

.

صباح الخير , في تاريخ مصر الطويل أوي سافر مصريين كتير واتغربو , ملايين المصريين , اللي اتغرب في الشرق واللي راح الغرب , إنما في السنتين اللي فاتو جالي احساس مختلف تماما , إحساس إن المصريين قاعدين و مصر نفسها هي اللي سافرت واتغربت ...واحنا نازلين بقى عشان نرجعها من غربتها , مصر العظيمه اوي مينفعشي تشتغل عند كفيل في الشرق ولا تغسل صحون في الغرب !!.

.

.واحد اخوانجي قريبي اتصل بيا النهارده وبعد السلامات والتحيات , المكالمه قلبت سياسه , طبعا قالي ان البرادعي عميل وباع العراق وان صباحي مراته بتشتغل في منظمة معرفشي ايه وبتقبض مليون جنيه ( في الساعه تقريبا ) , وان بنته نصابه ونهبت فلوس البلد , كل ده مش مهم , والله مش مهم , اللي مهم فعلا لما قالي ( انت عارف يا محمد ان الثوره بتاعتكو دي ضد الإسلام ومالهاش علاقه بالسياسه , والدليل إنها يوم حد مش جمعه لأن اللي بيقودها هما المسيحيين واختارو يوم الحد عشان يبقى اجازه عندهم ويطلعو من الكنيسه يعملو ثورتهم ضد الإسلام !!.

شوف بقى يابن عمي , ياواد عمي , يا أقرب أولاد عمي إلى قلبي , بهدوء شديد , الثوره يوم حد عشان ده يوم 30 يونيو وذكرى مرور سنه على فوز مرسي المشئوم , وبالصدفه الذكرى جت يوم حد .
ثانيا , المسيحيين طلعو معانا في 50 مليونيه قبل كده وكلها كانت يوم جمعه ومع ذلك ما قالوش ان المليونيه دي هي ثوره ضد المسيحيه !!.
ثالثا وده الأهم , هي ثورتنا حرب على الإسلام ؟ يبقى معاك حق , انا شخصيا نازل بكره وهاخد معايا كام واحد من جيش ابرهه وكام فيل ونهد الكعبه , بس مش كعبة ربنا والإسلام , كعبتكو اللي في المقطم , اللي بتعبدو فيها المرشد إلها واحدا من دون الله !!.

.

.

اللي خايف من حرب أهليه بكره عايز أقول له عيب عليك , حرب أهليه يعني حرب بين أهالي وأهالي , مواطنين ومواطنين وده مش هيحصل في مصر لا بكره ولا بعد ألف سنه , إنما بكره إسمه يوم الإستقلال independence day , شعب ( أهالي ) بيحررو بلدهم من استعمار جماعه إرهابيه , بيطهرو أرضهم من رجس ودنس الملالي ومشايخ الوهابيه , يبقى فين بقى الحرب الأهليه سيادتك ؟!.

.

.أكبر مصائب الإخوان على الأطلاق هي ( الإنكار ............الإنكاااااااااار ) , من 80 سنه ولحد سنتين فاتو كان الظابط يسأل الخروف من دول ( هل انت عضو في الجماعه المحظوره ؟ ) وكان الخروف يقول ( لا والله يا باشا ولا اعرفهم ) , عارف انت في الفتره دي لما كان بيطلع عيل صايع على خروف اخانجي ماشي مع مراته ويغتصب مراته , لو كان الصايع سأل الخروف ( تعرف الست دي ؟ ) كان هيقول لأ , وهيحلف كمان , وبعد ما وصل الإخوان للسلطه مقدروش يتخلصو من رزيلة الإنكار والكدب , عشان كده قال كبيرهم ( هما 56734 معترضين وصيع وبلطجيه ) , هه يا مولانا ؟ هما دول ال 56734 برضه ؟ عموما رزيلة الإنكار جت في مصلحتنا , وربنا سلط غباء الخرفان عليهم , اثبتو مكانكو يا خرفان واستمرو في إنكاركو , عشان الجديد عند الثوار هو سياسه مختلفه تماما غير سياسة الأرض المحروقه , اسمها سياسة ( البيوت المحروقه ) , في الريف اقسم بالله , الثوار والغاضبين هيحرقوهم في بيوتهم , غضب الناس والعامه والبسطاء وصل إلى الحلقوم..........وحتى إذا بلغت الحلقوم !!.

.

.

محجوز في ضواحي المنصوره , الطرق اتقفلت حتى الطرق بين القرى ومش لاقي بنزين , وامي أخدت مفاتيح العربيه وحالفه عليا مانا راجع القاهره , بكره الليله الكبيره والوقوف على عرفات , بكره حجة الحريه والطواف والسعي والصلاه في الميدان , صلاه من أجل مصر , مش هفضل معزول كده , هتصرف , وهنزل الميدان في المنصوره , حتى لو هروح ماشي , ماهي صلاة الحريه تجوز في أي ميادن , جُعلت لنا الأرض طهورا ومسجدا !!.

.

.

صباح الخير , واحد إخوانجي قاعد معايا وبيقولي مرسي مش هيمشي , قلت له مرسي لو لحق ياخد جلابيته وهو ماشي يوم 30 يبقى ربنا أكرمه , وعهد الله العروسه اللي جت غلط في الإتحاديه دي لو طلعت بجلابيتها بعد الطلاق ( أبغض الحلال ) يبقى بسبب كرم راجل البيت بس , بقية حاجاتها بقى والسجاده والسبحه و الدقن التايواني وعدة التصوير ( والنصب ) هنبعتهم لها على سجن القناطر !!.

.

.أما بعد , من محمد بن حسين إلى محمد بن مرسي , فعندما يأتيك خطابي هذا سوف يكون شبابنا قد وصل إلى أبواب قصرك , فوالله لو حاولت مقاومتهم أو التعرض لهم سوف نرسل لك جيشا أوله في محطة بنزين المرج وأخره مع أخر سياره واقفه في الطابور , وشوف انت بقى مصيرك هيبقى إيه في إيد سواقين التكاتيك و اللوري اللي ماسكين ( جراكل البنزيم ) الفاضيه في إيديهم من 3 أيام !!

.

.

.

الإخوان مسرّحين تكاتك بميكروفونات في شوارع السنبلاوين , بتنادي بأيات وأحاديت وأمشاط وفلايات كالعاده , وبيحذرو الناس من النزول , ويقول السيد الخروف المتحدث ( لا تنساقو إلا خلف الله !! ) , وعهد الله انت جحش وبتنساق خلف الله ماشي خلف المرشد جايز , خلف خلاف المحامي ميضرش , إنما الغريب والعجيب إن الخرفان مستمرين في مارثون التجاره بدين الله وأياته لحد أخر نفس وأخر خطوه , وهتلاقيه يوم 30 ماسك في إيده رشاش وبيضرب في صدر طفل صغير نازل مع ابوه وشايل علم مصر بس مش هينسى بعد ما يقتل الطفل إنه يقول ( إنا لله وإنا إليه راجعون ) , ولو كان القاتل سلفي أو جهادي هيقول الجمله دي ويتشحتف , الفرق بينهم إن الإخوانجي مش بيتشحتف بعد القتل !

.

.هو مرسي بعد ما قال بنزيم قال جراكل ؟ , وتقولو لي كان بيشتغل مع المخابرات الأمريكيه والموساد ؟ لا يا عم , هو انا عبيط , دانا اتفرجت على فيلم العميل 13 يجي 13 مره وعمري ما اقتنعت إن عم مغاوري الجنايني هو رئيس العصابه !!.

.

بصو بقى من الأخر كده والله , انا نازل التحرير لو عرفت أوصل القاهره ونازل ميدان المحافظه في المنصوره لو معرفتش أوصل , ليه بقى نازل ؟ مش عشان الإخوان ولاد صرمه فاشلين وعباقره في الفشل ولا عشان نصابين وبتوع 3 ورقات ولا عشان بيبيعو البلد , ولا عشان كفرونا وكفرو عيشتنا , لا خالص , يا جدعان باختصار انا بستعرّ من الراجل اللي اسمه مرسي ده , ايوه يا مولانا بستعر منك , إنت مش ممكن تكون رئيسي , ياخي ملعون ابوها الديموقراطيه وصناديق ( الزباله ) اللي جابتك لنا !!..

.

.صباح الخير , عندي إحساس إن طوب الأرض تحالف ضد الإخوان , البشر والشجر والحجر , مفيش حزب سياسي في الدنيا قدر يكسب الكراهيه دي في ظرف سنه , الطفايه اللي قدامي دي مش طايقاهم , مج النسكافيه نازل معانا يوم 30 , عربيتي قربت تسب لهم ميت دين , حاجه كده تقدر تقول يعني إبداع في الغباوه ( الإبداع والإمتاع في فنون البتاع .............والشريعه ) !!

.

.

ممكن نختلف في حاجات وتفاصيل كتير , لكن الحاجه المهمه جدا واللي كلنا بنتفق فيها إن الإعداد والحشد ل 30 يونيو كان رائع , أكثر من رائع , أصداء 30 يونيو بتشغل تفكير العالم حاليا , خصوصا في الشرق الأوسط وأوروبا وأمريكا , الإخوان في حالة ذعر وتخبط والجيش مش بعيد يكون بيخطط لاحتمالات معينه , والثوار بيجهزو نفسهم , المعركه هتبقى حاميه , لكن الأصل فيها هو الثوار والتخطيط والإعداد للثوره الجديده , لولا الثوار لبقى الحال على ماهو عليه , يعني لازم نفهم إن كروت اللعبه لسه في إيدينا إحنا , ولو العسكر وصلو هيبقو فاهمين كده كويس , أما الإخوان فأخرهم جوز أقلام وشلوتين وهتلاقيهم فص ملح وداب , الكلام ده أنا متأكد منه مش عارف حضرتك عامل لهم حساب ليه ؟!! , وعهد الله جوز أقلام وشلوتين ..

.

.

عايز تعرف حال مصر كويس ؟ اسأل واحد مغترب زي حالاتي , بينزل اجازه كل سنه بيلف فيها مصر من شرقها لغربها .
في طريق الزعفرانه العين السخنه ( طريق مفرد ) , وكان فيه أقماع في الطريق المقابل , المهم ربنا أكرمني بعربيه جايه في الإتجاه العكسي , وعشان السواق يفادي الأقماع دي كان هيموتني ! , عرفتو بقى اننا شعب جبار , ممكن نصدم عربيه ونموت اللي فيها بس مندوسشي أبدا على أقماع الحكومه , كله يهون إلا قمع الحكومه !!
عموما الحال في مصر بلغة السواقين يعني وصل ( للجنط ) , يعني الفرده نامت على الأخر ومعدش ينفع نمشي عليها , لازم نغير الإستبن , وإلا كلها سنه واحده تحت حكم الإخوان ونحسد المواطن الصومالي على النعيم اللي هو عايش فيه !!..

.

.عاصم عبد الماجد ( الإرهابي ) , بيطالب بإعدام الطبيب العالمي مجدي يعقوب , أسطورة الطب في العالم وغلق المستشفى التي أنشأها لأنه كافر وبيغتصب البنات في مركزه الطبي في الصعيد إذا لم يعتنقن المسيحيه !! .

مجدي يعقوب بيغتصب الأطفال !! , إغتصاااااااااااااااااااااااااب , وعهد الله أنا بقيت شاكك إن مفيش واحد من المتأسلمين دول إلا وتعرض لحادث أليم في طفولته وبيعاني منه لحد ما يموت , إما من بواب العماره أو فراش المدرسه !!..

.

.

من كام يوم كتبت عن موقف حزب مصر القويه لما أعلن مشاركته في ثورة 30 يونيو , وقلت استنو بس قبل الثوره بكام يوم وهتلاقو كلام تاني خالص عشان انا حافظ تتح زي مانا حافظ طريق القاهره المنصوره ببلاعته ومطباته , هو انا اللي عبقري ولا الناس أغبيا ؟!! , أنا متأكد إني مش عبقري !!

.

.بعد المشهد المقزز لسحل حسن شحاته وقتله , المشهد اللي اتعرض في كل أنحاء العالم , محدش يكلمني عن اعتناق شاب أوروبي للإسلام من أجل سماحته !! , وصدق الطفل الذي قال للجاج بن يوسف الثقفي ( إذا جاء نصر الله والفتح ورأيت الناس ( يخرجون ) من دين الله أفواجا ) !!

.

.

محمد حسين