يا نفوخي يامه , أقول مقولشي أقول مقولشي , محدش عنده مراره ستانلس ستيل تكون أصلي وتقيله وتكون في نفس الوقت تيفال عشان الأخبار والإفتكاسات متلزقش فيها ؟ , ممممممممم عموما داعيه خليجيه بتنصح الإمهات بعدم السير مع إبنائهم في الشارع ! , ليه يا ست الكل ؟ قالتلك لأن الشباب ممكن يشوفو الولد أو البنت شكله حلو ويتخيلو بقى إن شكل الأم هيبقى حلو والموضوع ده يثيرهم يعني !! , واخدلي بالك إنت يا حسين , إكتب يا حسين , احنا في سنه 2013 , وعدد المواقع الجنسيه ملايين , وعدد القنوات الجنسيه ألافات , والبطن قلابه يابن عمي , يعني ممكن تشوف طفله ذي القمر وأمها تكون ذي تهاني الجبالي عادي جدا , عموما انا عندي حل عملي أكتر للداعيه الإسلاميه , بصو يا سيدات يا مسلمات , يا نساء العالم الإسلامي العبقري , فتوى من محمد حسين , اللي فيكو يكون عندها ولد أو بنت شكله حلو ومضطره تخرج مع إبنها في الشارع تعمل ايه ؟ ترمي على وش ابنها ماية نار وتغزه مطوتين وبشله في وشه , يقوم الشباب لما يشوفو الولد يلاقو شكله وحش أوي وميفكروش بقى في جمال ميتين أمه , ويمكن كمان الشاب بعد مايشوف المنظر ده يعرف نعمة ربنا عليه ويدخل الجامع يصلي ركعتين !.
.
محمد حسين
.
محمد حسين
ليست هناك تعليقات:
إرسال تعليق