صباح الخير , من ساعة ما بدأت حكاية الأنفاق اللي بين مصر وقطاع غزه دي ممممممممممم ماعلينا , يومها الدراويش والبهاليل كبرو وهللو وشافو إنها طريقه لدعم أشقائنا في القطاع , وانا اعترضت و قلت إن النفق اللي هتهرب فيه أكل وأدويه وبطاطين هيتهرب فيه سلاح ومخدرات وإرهابيين ومفيش بلد عاقله بتنام وضهرها مكشوف !! , يعني حضرتك لو لك جار طيب ومعرفه وعشرة عمر وحالته الماديه كرب بتساعده على أد ماتقدر مش بتنام إنت ومراتك وانت سايب الباب اللي بينك وبين جارك الطيب مفتوح , وبعد سنين كلامي طلع صح , الأنفاق انشغلت أكتر بتهريب العربيات الكيا سيراتو المسروقه من مصر إلى غزه وتهريب السلاح وميليشيات حماس إلى مصر , جنودنا اللي اتقتلو في سينا ذنبهم في رقبة مين ؟! بقول الكلام ده بعد ماقريت خبر إن الجيش المصري قرر إنه يهد الأنفاق دي , واحنا في عهد الرئيس المؤمن التقي محمد مرسي , ماذا سيقول أنصاره وبهاليله ؟ وماذا لو فعلها مبارك من قبل ؟! , خلاصة القول , مبارك لم يكن شيطانا مكتمل أركان الشيطنه ومرسي ليس ملاكا بجناحين ومشكلة مصر الحقيقيه في البهااااااااااااااااااااليل !!.
.
محمد حسين
ليست هناك تعليقات:
إرسال تعليق