صباح الخير , أغلب المشايخ الموجودين على الساحه حاليا في مصر هم من نوعية مشايخ السلطان , بيلعبو نفس دور الشيخ اللي كان في فيلم الزوجه التانيه ( وأطيعو الله و أطيعو الرسول وأولي الأمر منكم............) , والأيه دي تحديدا بيقولوها عشان أخر كلمتين فيها , ويمين بالله ماهتنازل عن حقي في الموضوع ده يا عمده , مش أقل من نص فدان أرض وجاموستين أو فيلا في التجمع الخامس, إنما حقيقي حقيقي فشخنا العالم انبهار بمشايخنا الكبار ( أسد الأمه و أسد الإسلام ونمر العقيده وسلعوة الشريعه !! ) , لما تلاقي أصحاب اللحى التايواني سايبين القتل والسحل والتعذيب وسرقة أموال الشعب والإهمال اللي بيقتل أولادنا وأمناء الشرطه اللي بياخدو حقهم بإديهم في الشارع والسرطان اللي بيقتل أطفالنا وكل اللي شاغل ميتين أمهم ( هو قرض صندوق النقد حلال ولا حرام ؟ , ربا ولا مصاريف إداريه ؟) , يا سيدي إن كان حلال أدينا بناخده وان كان حرام أدينا بنلبسه !!, وعلى فكره أنا بقالي سنين بنتقد المنافقين مشايخ الجهل والسلطان , والحمد لله رب العالمين إيدي سليمه وبتكتب ومبيجيليش كوابيس وانا نايم , يارب تفوقو .
.
محمد حسين
ليست هناك تعليقات:
إرسال تعليق