مستشار الرئيس اللي ألشوه إمبارح مسابش ولا قناه ليبراليه بنت حرام إلا وطلع فيها حتى استقر به المقام في سهره مفتوحه على أون تي في بتاع ساويرس الصليبي الصهيوني البوذي المشترك بيقدمها يسري فوده اللي قالو عليه ديوث ! , وطبعا السلفيين وولاد أبو اسماعين دايرين وراه بالريموت , يعني القنوات دي عندهم وعارفين أرقامها وأكيد اكتشفو إن التحويل من قناه ليبراليه لقناه ليبراليه أخرى لا ينقض الوضوء , مانت متفهمنيش إنهم اتوضو امبارح 17 مره ولا كانو حاطين التليفزيون في الحمام جنب حوض الوش , أبو حليمه قال يجوز على فكره , يومين تلاته والمولد يتفض ويرجع السلفيين لبيت الطاعه , وما أحلى الرجوع إليك , ونرجع احنا ليبراليين ولاد حرام تاني , الله جميله أوي البسبوسه دي , غيّرلي دولارز تاني يا أستاذ راضي !!.
.
محمد حسين
ليست هناك تعليقات:
إرسال تعليق