طفل صغير بائع بطاطا خاد رصاصتين موتوه في الميدان , تقريبا كده الداخليه وميليشيات الإخوان كانو بيجربو مسدسات جديده أو بيعلمو حد جديد النيشان , وملاقوش شاخص يعلموه عليه , فلقو الطفل ده واقف مبيتحركش قالو كويس , وفعلا ضربو طلقه واتنين لحد ما لطفل مات , الواد ده مش من عيله ومعندوش صفحه عالفيس بوك , ومالوش أصدقاء يعملو له بيدج , الواد ده عاش فقير معدم ومات ذي كلاب الشوارع , كلنا نعرف أسماء الشهدا اللي ماتو , لكن مين يعرف اسم الطفل ده ؟ عندك ألبوم صور له ذي جيكا وكرستي ؟ لأ طبعا , ده عيل كده مكانش بيستحمى ومش لاقي ياكل هيتصور إزاي ؟ , رحم الله شهدائنا جيكا وكرستي والجندي وغيرهم , أصدقائي الأعزاء اللي عملو صفحات لكل واحد دخل السجن يومين ( كلنا فلان الفلاني أو فلانه الفلانيه ) ممكن طلب محبه ؟ ممكن نعمل صفحه للطفل المجهول اللي اتقتل في ميدان مجهول على إيد مجهول في بلد مجهوله ؟ ممكن نسميها (بائع البطاطا ) وتبذلو فيها ربع المجهود اللي بذلتوه للناس التانيه , ممكن صفحته تبقى رمز للمشردين وسكان البيوت الصفيح , اللي بيعيشو ويموتو ذي كلاب السكك .
.
محمد حسين
ليست هناك تعليقات:
إرسال تعليق