صباح الخير , يا سلامممممممم أخيرا رجعت أتفرج على برامج التوك شو تاني واشوف قيادات الإخوان , امبارح شفت واحد منهم مع ليليان داوود , القيادي الإخوانجي فلان الفلاني قال كلام كتير ممكن نختصره في (البرادعي عميل وحمدين واحد خمنا وجبهة الأنقاذ بلطحيه وقتالين قتله..............والشرعيه للصندوق ! ) , والعضو ( لا مؤاخذه ) في حزب النور قال كلام كتير ممكن نختصره في ( أنا مشفتش حاجه أنا مقولتش حاجه أنا معرفش حاجه ............والشريعه ! ) , وقال كمان العضو ( لا مؤاخذه تاني ) في حزب النور إن حزبه مش ماسك حاجه في السلطه وبالتالي فهو أكبر حزب معارض دلوأتي ! هع هع هع لأ بقى , انتو ماسكين ياخويا وكل الناس عارفه إنكو ماسكين وبقالكو سنتين ماسكين , ولو يعني سيبتو شويه كده فده بيبقى عشان إيديكو نمّلت بس وبتريحو عضلة السمانه !.
الأستاذ مصطفى الجندي ممثلنا في القاعده اللتيفه دي تقريبا كده من فتره كل مايجيله تصوير في برنامج يسأل مراته ( فين البدله الكحلي بتاعة الفرح يا وليه ؟ ) تقول له ياخويا في الغساله , روح بالجلابيه اللي عليك والنبي انت فيها عمده ذي العسل , والعمده امبارح مقصرش الصراحه وشطف الضيوف وحطهم في الغساله مع البدله !.
الأستاذ مصطفى الجندي ممثلنا في القاعده اللتيفه دي تقريبا كده من فتره كل مايجيله تصوير في برنامج يسأل مراته ( فين البدله الكحلي بتاعة الفرح يا وليه ؟ ) تقول له ياخويا في الغساله , روح بالجلابيه اللي عليك والنبي انت فيها عمده ذي العسل , والعمده امبارح مقصرش الصراحه وشطف الضيوف وحطهم في الغساله مع البدله !.
.
محمد حسين
ليست هناك تعليقات:
إرسال تعليق