صباح الفل , في دولة كده , مش فاكر اسمها مع إني متأكد , قال فيها الشاعر ( وقف الخلق ينظرون جميعا ) وغنتها الست , وكملها عم جلال عامر الله يرحمه ( وقف الخلق ينظرون جميعا ...كيف أسرق ودائع البنك وحدي !) , وعشان تبقى شاطر وبديع في مشروع الإستزراع الزراعي لازم تاخد الشعب كله في صفك الصناعي , وانت داخل البنزيمه تمون بنزيم إتأكد إن مفيش نقطة بنزين وقعت ومفيش حاجه في المتسابه , الناس ربنا بيبتليها بعيل غبي واهبل أو بنت معوقة ذهنيا , إنما جديده إن ربنا يبتلي مصر على بعضها بكل ماسبق , لا حول ولا قوة إلا بالله , اللهم لا راد لحكمك ولا معقب لقضاءك , ولو ركزت شويه هتلاقي إن مصيبة مبارك الكبرى من وجهة نظري , إنه كان بياخد مصر من إيدها ويشحت بيها في البلاد وعلى القهاوي , والناس مش بتديلها فلوس كتير لأنهم شايفين مصر بصحتها وعافيتها , ولما جه مرسي قال لا , والنبي مايكون أبدا , وقام فاقع لمصر عينها الشمال وضربها (بشلتين) في وشها , عشان يعرف يلم عليها كويس , لأن الشحاته لها أصولها وقواعدها , شغل على ماية بيضا , والإخوان عارفين أصول الشحاته جدا ذي ماهما عارفين أصول الفقه والعقيده , وذي ما فقعو عين الشريعه باستخدام المساجد في الدعايه , وذي ما رمو ماية نار على وجه الشريعه الجميل لما تاجرو بأيات الله , اللهم إني لا أسألك رد القضاء ولكني أسألك اللطف فيه .
.
محمد حسين
ليست هناك تعليقات:
إرسال تعليق