أحد أصدقاء أصدقاء أصدقاء صديقي كاتب رأيه في تأجير الأثار المصريه , والراجل شايف إن مبلغ 200 مليار دولار ده مبلغ كبير جدا هيحل كل مشاكلنا ونبني دوله حديثه جدا , وأثارنا هترجع لنا بعد 5 سنين وكل الحكايه إن قطر بتعرف تسوق للحاجات دي أحسن مننا !! ,........................ طيب بالنسبه للتسويق يا صديقي العزيزي فقطر مبتعرفش تعمل حاجه غير الكبسه , واللي هيسوق ساعتها عشان تكون في الصوره هما صديقنا الوفي في اسرائيل والأمريكان , هيسوقو ويبيعو بقى هما أحرار , مالهم , ومن حكم في ماله فما ظلم , أما بالنسبه للمبلغ الخرافي 200 مليار فده مش حقيقي إطلاقا والغالب الأعم 20 مليار دولار , وعلى أي الأحوال أنا عندي فكره أحسن من كده نجمع بيها مبلغ أكبر بكتييييييير ونبني الدوله الحديثه , بص يا (سيد الرجاله ) , مصر فيها 25 مليون بنت وست , لو أجرنا كل واحده فيهم لقطر والخليج والغرب ب 10 دولار في اليوم يعني 3600 دولار في السنه , ولو حسبنا على ال5 سنين هيبقى إجمالي المبلغ 437 مليار دولار ( أكبر من ميزانية أمريكا ) , وتقدر ساعتها تبني قاره مش دوله , ومتقلقش يا كابتن كلها 5 سنين ويرجعولك تاني , قلت ايه موافق ؟!!.
.
محمد حسين
ليست هناك تعليقات:
إرسال تعليق