أي عقاب من ربنا وأي غضب ممكن ينزل علينا بسبب حكاية الطفل عمر ؟, تفتكرو إيه اللي نستحقه؟ طفل عمره 10 سنين , اتحرم من بالونه بقرشين ساغ وقالب شوكولاته باتنين جنيه , واتحرم من التعليم والفسحه والمرجيحه , ويمكن يكون اتحرم من نومة السرير , خرج يبيع بطاطا عشان يرجع في جيبه 10 جنيه يديها لأمه , ومات برصاصتين واحده في الراس وواحده في الصدر , بسبيل الخطأ !!!!!!!!!!!!!!!!! , بس احنا شعب متدين واللي نعرفه عن الدين إن البنت اللي كاشفه شعرها حرام عليها وهتروح النار والسلعوه هتاكلها , إنما طفل عاش ذي القطط في الشوارع ومات ذي كلاب الشوارع ؟ لا والله منعرفش إحنا الحكايه دي , أصلنا شعب متدين , والدباديب والقلوب حرام , مش بقولك شعب متدين , ده ربنا لو معاقبناش بفعل الحاكم الظالم هيعاقبنا بفعل الشعب الظالم الفاسد المنحل أخلاقيا , كلمني عن تدينك في وقت تاني لو سمحت !!.
.
محمد حسين
ليست هناك تعليقات:
إرسال تعليق