البنت بنتي بتروح مدرسه إنترناشونال , ومعاها أصحاب من جنسيات كتير عربيه وغير عربيه , امبارح علمتني لغة الإشارات بالإنجليزي باستخدام صوابع الإيد , قالك يا سيدي لما تقفل إيدك ( تكمضها ) وتفرد الإبهام بس وتخليه لفوق بيسموها دوستي ( يعني صالحتك ) , ونفس وضع الإيد بس تخلي الإبهام مفرود لتحت بيسموها لوووزر ههههههههه ( يعني فاشل ) , ولو قفلت إيدك وفردت صباعك الصغير لفوق بتبقى كاتتي ( يعني خاصمتك ) ولو نزلت الصباع الصغير لتحت يبقى معناها باد ( يعني ذي الفل !! ) , والحمد لله بقى إن الإنجليز معندهمش استخدام للصباع الوسطاني المصري الشهير !!.
.
محمد حسين
ليست هناك تعليقات:
إرسال تعليق