على فكره الراجل صاحب محلات ( بيتزا هت ) ده يا إما كافر يا إما شيوعي ( أو كلاهما معا ) , يوم الجمعه بنتي قالت لي عايزه أكل بيتزا , وللأمانه أنا ماكنت أعرف يعني إيه بيتزا في حياتي ولا عمري كلتها إلا لما خدت الختم البيضاوي على جواز السفر ( غير مطلوب للتجنيد ) , المهم روحنا بيتزا هت , وطلبت إتنين بيتزا حجم صغير وواحده لازانيا باللحمه , في الورقه بتاعتهم شكل البيتزا الصغيره أد غطا الحله النحاس الكبيره بتاعة أمي , واللازانيا مستطيله كده في الورقه أد الشاشه دي ( 15 بوصه ) , ولما العامل جاب لنا الطلب , طلعت اللازانيا أد علبة الكبريت الكبيره والبيتزا أكبر شويه من الربع جنيه الحديد بتاع مصر , مممممممم المهم لوجي كلت وانا ومراتي كلنا ساندوتشات جبنه في البيت بعد ما دفعت 100 مقفوله , يبقى شيوعي ولا مش شيوعي ؟!.
.
محمد حسين
ليست هناك تعليقات:
إرسال تعليق