وقضى
ربُّهم أنْ يبقى الوضع على ماهو عليه , وأن يصبح ميدان رابعه بالنسبه
للإخوان هو حائظ المبكي ( بالنسبه لحليفهم ) , ربما في وقت لاحق يبحثون بين
أشلاء المصريين عن هيكل سيد قطب , و أبدا لن تموت في عقل الكائن الإخوانجي
فكرة دولة الإخوان من الهند إلى المغرب ( من النيل إلى الفرات !! ) ,
وكلاهما يعتقد أنه شعب الله المختار المتدين , .................تبّتْ يدا
شعب الله المختار وألف تبَ لمختار ذات نفسه !!.
.
.
كاترين
أشتون لسه متردده وبتساومنا , شوية تقول ثوره وشويه تقول إنقلاب , يعني
تقريبا رأيها إن 30 يونيو ( نُص ثوره ونُص إنقلاب )....عشان كده رأيي
الشخصي وإعمالا لمبدأ الشخص المناسب في المكان المناسب المفروض اللي
يقابلها في المطار هو مولانا ( خ. ع ) , ويا ريت بقى نجوزهم لبعض ونبقى
ضربنا عصفورين بجزمه واحده , أفضل عقاب ل ( خ . ع ) إننا نحبسه مع أشتون 3
أيما بلياليهم في أوضه ضلمه !!.
.
.
صباح
الخير , الست كاترين أشتون جايه مصر اليومين دول , أرمله وجايه في أي
مصلحه , بس المصلحه المره دي هي سبوبه حلوه كده , بتقولك يا سيدي ( متحلوش
جماعة الإخوان ولا تمنعو حزبها وانا أقول عاللي حصل في 30 يونيو إنه ثوره
مش إنقلاب ونقرا الفاتحه واحنا واقفين كمان !! ) , الجيش والحكومه رفضو
ضغوط أشتون وأوباما قبل كده , أياميها كنا مضغوطين سياسيا أوي بسبب إستقالة
البرادعي , يتهيألي الوقت حاليا أسهل بكتير لرفض
زيارة أشتون ( وبلاها الفتحه دي ) , أهم بند في مكتسبات ثورة 30 يونيو هو
حل الجماعه بأحزابها وبابا غنوجها , وبالمناسبه البند ده لوحده يكفيني
حاليا , لو تنازلنا عنه يبقى هنشوف أيام اسود من قلب وجدي غنيم , ومن الأخر
عايز أقول لأصدقائي ( التانيين ) كلمتين : الإنقلاب اللي ترفضه أمريكا
وأشتون وتصر على رفضه بالشكل ده وتسوق علينا فيه طوب الأرض ..........هذا
الإنقلاب يسعدني , اللهم دِم علينا نعمة الإنقلابات !!.
.
.السعوديه
قررت إنها تمنع طارق سويدان من دخول أراضيها بعد موقفه المؤيد للإخوان
والمعارض لسياسات المملكه , قوم إيه بقى ؟ يطلع مولانا طارق سويدان ويقولك
طيب أنا عايز أحج ( رغم إنه حج 300 مره قبل كده ) , طبعا هو ممنوع أصلا من
دخول السعوديه بس حبكت السنادي , أهي غتاته كده , وبس يا خال وتبدأ
المناحه بقى , منعو طارق سويدان من الحج يا بيه , إلحقو يا ناس طارق سويدان
ممنوع من الحج , معرفتوش ايه اللي حصل ؟ مش طارق سويدان منعوه من الحج ,
الموضوع ده مش بيفكركو بحاجه ؟............... ضربونا بالنار واحنا بنصلي
يا بيه , دخلو علينا الجامع واحنا معتكفين يا ناس , الجيش بيضرب الجوامع
بالقنابل النوويه يا قناة الجزيره !! , كلهم ولاد صرمه ........ ونفس أم
الفكر الصهيوني !!.
.
.
.الإخوان
نزلو التحرير !! , وسخّو أطهر مكان فيكي يامصر , المكان الوحيد اللي كان
باقي لنا , والبركه في النحانيح والمتعاطفين وبتوع فصيل وطني و ( يسكت يسكت
حكم العسكر ), بعد يومين هتنضم لهم 6 إيريل واحمد ماهر والنشطاء واحتمال
البرادعي يبعت مندوب عن جناب معاليه , وبعد 4 أيام هينضم ليهم علاء عبد
الفتاح واليساريين , وينامو في حضن بعض ويكمل العدد ويعملو مليونية ( حبيبي
رجعلي تاني , أه ياني....... والشريعه ) , مممممم أموت أنا في الراجل اللي
بياخد 17 قلم على سهوه ده !!.
.
.
محمد حسين
ليست هناك تعليقات:
إرسال تعليق