السيرك القومي المصري !!.
.
أخر ما توصل إليه عقول الإخوان وبعض أصدقائي النحانيح هي نظريه بتقول إن اللي حصل من أيام ثورة يناير لحد النهارده هو خطه محكمه من المخابرات المصريه لإعادة نظام مبارك مره تانيه !!.
مبدئيا لازم تعرف يا صاحبي إنها لو كانت خطه من المخابرات فأنا سعيد جدا بالخطه دي لسببين , أولا لأنها كشفتنا قدام نفسنا ( عرّتنا يعني ) وعرفنا في السنتين دول حجم عقولنا ووطنيتنا الحقيقي , لو هي خطه يبقى احنا برابطه المعلم كنا شوية عرايس متحركه في مسرح المخابرات لمدة سنتين وبالتالي لا نستحق إلا لقب عرايس !! , ثانيا جهاز المخابرات اللي يعمل كده في شعب كبير ومتنوع زي الشعب المصري ويخطط لسنتين جايين هو جهاز مخابرات أعظم من نظيره الأمريكي والروسي والصهيوني , وهذا الشئ يسعدني ( الديموقراطيه هتيجي بعدين متقلقش , المهم نتظمن إن عندنا جهاز مخابرات عالمي ) !!.
نرجع بقى لنظرية الخطه والمؤامره , هي المخابرات المصريه قالت لك انتخب الإخوان وشفيق وخليهم يوصلو للإعاده ؟ طيب هي المخابرات نجحت مرسي بدون علم الإخوان ؟ طيب المخابرات قالت لمرسي هات الزمر وعبد الماجد يحضرو احتفالات اكتوبر وعين محافظ للأقصر من الجماعه الإرهابيه ؟ طيب المخابرات قتلت جنودنا في رفح وقالت لمرسي متجبشي سيرة اللي قتلو , والمخابرات قالت لمكتب الإرشاد هات عناصر مسلحه من حماس تحمي القر بتاعك , والمخابرات قالت لمرسي اعمل اعلان دستوري غبي واكتب دستور مصر الساعه 12 بالليل وقول للشعب يضرب دماغه في الحيطه ؟ المخابرات هي اللي خلت قطر تلعب بمصر كأنها كوره شراب ؟ والمخابرات جابت في لجنة الدستور بياع فراخ وعجلاتي وشيخ زاويه ؟ والمخابرات قالت لمرسي قول أهلي وعشيرتي وفوده والراجل بتاع سكينة الكهربا ؟ المخابرات قالت لمرسي إننا اكتشفنا فجأه بير بترول هيخلينا أغنى دوله في العالم ومنجم دهب أد كداهو والصين هتستمر دشيليون دولار في مصر ؟!.
.
الخلاصه يا صاحبي الإخوانجي ويا صديقي النحنوح , يا ريتها كانت كده , بس هي الحقيقه مش كده , وممكن تنسى كل اللي فات وتصدقني لما أقولك إني متأكد إن ده مش شغل مخابرات لأن مصر على بعضها مفهاش شخص ولا هيئه ولا جهه بتعرف تفكّر لسنتين قدام ولا حتى لإسبوعين !!.
.
أخر ما توصل إليه عقول الإخوان وبعض أصدقائي النحانيح هي نظريه بتقول إن اللي حصل من أيام ثورة يناير لحد النهارده هو خطه محكمه من المخابرات المصريه لإعادة نظام مبارك مره تانيه !!.
مبدئيا لازم تعرف يا صاحبي إنها لو كانت خطه من المخابرات فأنا سعيد جدا بالخطه دي لسببين , أولا لأنها كشفتنا قدام نفسنا ( عرّتنا يعني ) وعرفنا في السنتين دول حجم عقولنا ووطنيتنا الحقيقي , لو هي خطه يبقى احنا برابطه المعلم كنا شوية عرايس متحركه في مسرح المخابرات لمدة سنتين وبالتالي لا نستحق إلا لقب عرايس !! , ثانيا جهاز المخابرات اللي يعمل كده في شعب كبير ومتنوع زي الشعب المصري ويخطط لسنتين جايين هو جهاز مخابرات أعظم من نظيره الأمريكي والروسي والصهيوني , وهذا الشئ يسعدني ( الديموقراطيه هتيجي بعدين متقلقش , المهم نتظمن إن عندنا جهاز مخابرات عالمي ) !!.
نرجع بقى لنظرية الخطه والمؤامره , هي المخابرات المصريه قالت لك انتخب الإخوان وشفيق وخليهم يوصلو للإعاده ؟ طيب هي المخابرات نجحت مرسي بدون علم الإخوان ؟ طيب المخابرات قالت لمرسي هات الزمر وعبد الماجد يحضرو احتفالات اكتوبر وعين محافظ للأقصر من الجماعه الإرهابيه ؟ طيب المخابرات قتلت جنودنا في رفح وقالت لمرسي متجبشي سيرة اللي قتلو , والمخابرات قالت لمكتب الإرشاد هات عناصر مسلحه من حماس تحمي القر بتاعك , والمخابرات قالت لمرسي اعمل اعلان دستوري غبي واكتب دستور مصر الساعه 12 بالليل وقول للشعب يضرب دماغه في الحيطه ؟ المخابرات هي اللي خلت قطر تلعب بمصر كأنها كوره شراب ؟ والمخابرات جابت في لجنة الدستور بياع فراخ وعجلاتي وشيخ زاويه ؟ والمخابرات قالت لمرسي قول أهلي وعشيرتي وفوده والراجل بتاع سكينة الكهربا ؟ المخابرات قالت لمرسي إننا اكتشفنا فجأه بير بترول هيخلينا أغنى دوله في العالم ومنجم دهب أد كداهو والصين هتستمر دشيليون دولار في مصر ؟!.
.
الخلاصه يا صاحبي الإخوانجي ويا صديقي النحنوح , يا ريتها كانت كده , بس هي الحقيقه مش كده , وممكن تنسى كل اللي فات وتصدقني لما أقولك إني متأكد إن ده مش شغل مخابرات لأن مصر على بعضها مفهاش شخص ولا هيئه ولا جهه بتعرف تفكّر لسنتين قدام ولا حتى لإسبوعين !!.
ليست هناك تعليقات:
إرسال تعليق