فين يكون الحب عاد

تسمحي لي بكلمه واحده
أختصر بيها الكلام
مش بحبك بالمناسبه
زي دراويش الغرام
مش بحبك لمّاشوفك
وانتي شايله بين كفوفك
أيّ ندل جبان و واطي
وامّا اشوف راسك تطاطي
للتعالب واللئام
مش بحبك
وانتي بتسوقي العناد
أُمْ بتبيع الولاد
فين يكون الحب عاد ؟!
مش باقيلك غير سلام
مش بحبك وانتي سامحه
بموت حفيدك
بس كلبك تحت إيدك
مكتوباله إنه يعيش
مش بحبك تعني إني
باختصار مبحبكيش !!
.
.
محمد حسين