منوع

وقالو هنحرق البلد وسيارات مفخخه وهجوم عالكماين والأقسام وقد كان .... عايزينها مصر زي العراق , و شوف حكمة ربنا يا مؤمن , هما لسه بيحرقو في البلد ( كل يوم ) وهو هناك لسه بيقولو المصالحه وفصيل وطني يا منى ( كل يوم ) وعساكرنا الغلابه لسه بيموتو ( كل يوم ) , معادله من 3 أطراف فيهم طرفين وسخين , التعلب اللي بيعرّ* على الديب يبقى مش أقل من وساخه , التعريض خيانه يا برادعي , ندمان إني احترمتك في يوم من الأيام !!.

.

.

ولو عايزين تعرفو النتايج بالظبط ممكن أقولهالكو من دلوأتي , سجّل بقى الأرقام دي عندك
لو حصلت انتخابات رئاسيه نزيهه بكره الصبح واترشح فيها ( البرادعي , خالد على , أبو الفتوح , خيرت الشاطر ( مرشح الإخوان ) , السيسي )
.
صلو عالنبي :
.
الإخوان والسلفيين والجهاديين وزفت الطين بسلطاتهم وباباغنوجهم هياخدو 15 % من غير حشد وزيت وسكر , 25 % بالحشد والزيت والسكر .... وإمبابه !!.
.
أبو الفتوح هيبقى ضمن نسبة الإخوان ( بياكل معاهم بنفس المعلقه ) , هينتخبه الإخوان بس......... وبلال فضل !!
.
البرادعي ببدلته وكرافتته أخره 9 % ( وعهد الله أنا كارمك يا برادعي كده ومراعي العيش والملح اللي بينا ) !!.
.
خالد على بتاع نُص ثوره ونُص لانشون : هياخد 0.0002 %% وبتتقال كده بالإنجليزي ( بوينت أو أو أو تو بيرسينت.... أه وعهد الله ) !!.
.
والباقي 66 ناقص الشارع  اللي ساكن فيه خالد على هيبقو من نصيب مولانا مارينجوس الأول عبفتاح السيسي ...اعترضو على حكمة ربنا بقى .

.

.بالمناسبه , وبعيد عن النحنحه والسهوكه والأماني والأغاني , لو حصلت انتخابات رئاسيه نزيهه جدا في مصر بكره الصبح تحت إشراف من الأمم المتحده ومجلس الأمن والكوميسا و عصابة اللهو الخفي , هيفوز بيها السيسي ( لو اترشح ) بنسبه مش أقل من 65 % , أنا زيك مش هنتخبه ساعتها لو لقيت مرشح مدني ( نُص لبه حتى ) بس السيسي هينجح , هي دي الحقيقه , واللي مايشوفشي من الغربال يبقى أعمى , وجايز إنت متأكد من كده زيي وده اللي معصبك ومنرفزك , إنما قولي ساعتها هتعترض على ايه يا نحنوح ؟ أهه انتخابات نزيهه , نزيهه نفسها كانت واقفه في الصف وبتنتخب , وإشراف دولي من حبايب البرادعي , وهي دي نتيجة الصناديق واختيار الشعب ( نحتكم إلى الصناديق ) , مش حضرتك قبلت بحكم الصناديق قبل كده لما جابت لنا بهلول برياله ؟!.

.

.

يا طور , يا بهيم , يا بجم يابن البجم , إنت معترض على إيه ؟ وماشي ورا الخرفان ليه ؟ هه ؟ خايف إن السيسي يترشح للرئاسه ويبقى رئيس مصر ؟ طب هو اترشح للرئاسه ؟ أوما

ل انت معترض ليه ؟ لما يترشح ابقى انزل واعترض لو كان ترشيحه مش قانوني وانا هنزل معاك , ولو كان من حقه الترشح متنتخبوش وانا مش هنتخبه ونسقطه إحنا الإتنين , ولو نجح بالتزوير انزل واعتصم وقول الإنتخابات مزوره وانا هنزل معاك , قولي بقى إنت معترض ليه حاليا ؟ ركز كده وقول عمل لك إيه السيسي , مش انت اللي طلبت منه يحمي ثورة 30 يونيو ويشيل نظام مرسي بعد مالشعب نزل الشارع ؟ طيب خذلك الراجل ووقف معاك ولا لأ ؟ مش إنت اللي فوضته بمحاربة الإرهاب في سينا ؟ بيحارب الراجل ولا لأ ؟ مش إنت اللي قلت له خلي الجيش يحمي القاهره والمحافظات ؟ سمع كلامك ولا لأ ؟ قولي بقى اعتراضك فين ؟ بتعترض بطريقة مجاز مرسل باعتبار ما سيكون ؟ , يعني بتعترض مسبقا , خايف وقت ما يكون من حقك الإعتراض تكون مش فاضي مثلا أو بتشتي في فيينا ؟ ولا عايش تعترض وخلاص ؟ طيب زعلان ليه بقى لما بقول إنك مجرد حمار راكب على ضهره خروف وبيسوقه ؟

.

.

صباح الخير , الإخوان كالعاده حاولو على أد ما يقدرو تشويه فرحة المصريين إمبارح ( ربنا بيعينهم عالشر دايما ) , والنحانيح في نفس خندق الإخوان , أي حد يقولك غير كده إديله بالجزمه على دماغه ساعتها هتلاقي قرنه بان ووقع قدامك , واللي يقولك مكانشي له لزمه الإحتفال السنه دي عشان الناس اللي ماتت !! , وهي مصر بيعدي عليها سنه من غير ما ناس تموت يا جحش ؟! , واللي يقولك صرفو كتير عالإحتفال , مممم على فكره فاتورة الشاي والقهوه والساندوتشات للي كانو بيكتبو دستور أم أيمن اللي اترمى في أقرب صفيحة زباله كانت أكبر بكتير من تكلفة الحفله دي , واللي يقولك مات 30 واحد , طيب هي الحفله اللي قتلتهم ؟ يعني نانسي عجرم قتلت كام ؟ وأنغام ضربت كام واحد بالنار ؟ ولا الخرفان بيحرقو البلد كالعاده ؟!
عموما أنا مع إقامة الحفله , السنه دي تحديدا , لأن مفيش راجل في الدنيا بيلغي فرحه عشان شوية بلطجيه هددوه إنهم هيبوظو الفرح , وإلا ما يبقاش راجل !!.

.

.

وانا في الجيش كنا بنعمل حاجه كل فتره كده مش هقول اسمها عشان الفيس متراقب !! , المهم في اليوم ده بيفترض إنك تعيش في أجواء الحرب وبتشتغل أغاني عبد الحليم الوطنيه بمكبرات الصوت , جو رائع , قدرت منه أحدد أهم مميزات الجندي المصري , أغلب ظني إن أي مواجهه على الأرض بين جندي مصر وجندي صهيوني أو حتى جندي من كوكب المريخ هي محسومه للجندي المصري , حتى لو الجندي المنافس لبس لبس مازنجر وبدله ستانلس ستيل , الحكايه إن الجندي المصري بيمتاز بحاجتين مرعبين فعلا , الشجاعه الفائقه والغباوه في شجاعته دي , أعتقد إن الجندي الصهيوني في المواجهه بيتخيل ان الجندي المصري لو أفشه هياكل دراعه , الشجاعه أصلها مش بتيجي بالتدريبات دي حاجه كده في الجينات وفي ماية النيل ( هي والبلهاريسيا ) !!.
اللعب كله في الجو , ومصر عندها أقوى سلاح دفاع جوي في أفريقيا , بس محتاجين تحديث أكيد , كمان يا سيسي عايز أطلب منك طلب شخصي , والنبي يا حاج الله لا يسيئك تغيّر موقع المطار السري اللي بقى محظة أتوبيس ده ( محظة أتوبيس المطار السري ) لأن كل الناس عرفت مكانه , ممكن انت بقى تعمل حركة تمويه وتغير مكانه وتعملها محطة أتوبيس برضه ويبقى اسمها ( محطة المطار السري الجديد ) !!.

.

.

إيه كمية النجوم والمطربين دي ؟ الله يخرب بيوتكو , دانتو ماسيبتوش حد في الوطن العربي , كان باقي لكو تكه واحده وتجيبو الأستاذ عبد الحليم حافظ شخصيا , أقل واحد في المطربين دول بياخد له مش أقل من 800 جنيه غير الشاي وباكو المعسل في الطلعه الواحده , اتكلفت كام يا ببلاوي ؟ دفعت كام يا سيسي من ميزانية الجيش ؟ أقطع دراعي إن اللي انصرف عالحفله دي أكتر من اللي انصرف على حرب أكتوبر ذات نفسها !! , بس يالله مش مشكله , الفلوس بتروح وتيجي , واهو وزير الدفاع الإماراتي موجود وأكيد يعني يكون معاه دفتر الشيكات , خلّي الشعب يفرح شويه , بالعند في الإخوان وأحمد ماهر وعلاء عبد الفتاح , ذيع يا أستاذ إبراهيم !!.

.

.

هو أنا أفهم إن كل واحد يكون عنده صفحه شخصيه عالفيس أو صفحتين ( تُخصص إحداها للسيكو سيكو ) , إنما اللي مش قادر أفهمه إن كل واحد يبقى عنده 4 صفحات شخصيه و 3 مدونات و 5 بيدجات و9 جروبات مفتوحه و 11 مقفولين , ده اسمه سوء استخدام للتكنولوجيا ( اسحبو منه الحاجه الساقعه سوء استماع وسخريه ) , احنا المصريين اللي لما بندخل أوبن بوفيه كل واحد فينا بيجيب طبق كبييييييير أوي ويخلص الحاجات اللي قدامه ويجيب طبق تاني وتالت عشان ميسبشي حاجه للي بعده , وفي الغالب كل اللي جابه في الطبق هيترمي بس هي دناوه مش أكتر ......اللي يبهرك كمان إن المصريين في الأوبن بوفيه بيتلمو على الرز واللحمه ويسيبو الكافيار والجمبري والإستاكوزا ............ وانا بصراحه زهقت من الدعوات للإنضمام إلى جروبات الرز واللحمه لأنهم مرطرطين , لو حد عنده جروب ستاكوزا يعملي إضافه ماشي !!.

.

.

محمد حسين