بأسباب ملفقه

ذات مومنت لما الواحد يبقى الفيس بوك واخده ومشدود شويه , والمناقشات حامية الوطيس , واللايكات شغاله ذي الحلاوه , والوقت يجري منه ويطير ذي السبرتو , ويرجع البيت متأخر , وفجأه مراته تسأله وميلاقيش سبب للتأخير بعد ما استنفز كل الأسباب التقليديه العقيمه ( بمون بنزين , عجلة العربيه نامت ...إلخ ) , المهم وقتها بقى بيتقمص دور عادل أدهم في فيلم سواق الهانم ومرّه تلاقيني بقول ( والله يا لطيفه , صاحبي فلان عمل حادثه بالعربيه ورحت أزوره في المستشفى ) , وتاني يوم بعد ما أتأخر برضه أقول لها ( كنت في عمر مكرم , عارفه صاحبي اللي كلمتك عليه امبارح ؟...يالله بقى تعيشي انتي يا لطيفه !! ) , أه ياني , ويصدق فينا قول الشاعر
وكم جئتُ ليلى بأسبابٍ ملفقةٍ....ماكانَ أكثرُ أسبابي وعلَاتي !!.

.

محمد حسين