اللانشون

وانا في الكليه , أحد أساتذتي كان بيتكلم عن دراسه أشرف بنفسه عليها لتحديد جودة أنواع اللانشون الموجوده في السوق , المضحك في الموضوع , إن الدكتور العالم المحترم اختار 5 أنواع تقريبا من أشهر الشركات المصنعه للانشون , وبعد تحليل وبحث طويل كتشف وجود مواد ضاره وسميه كتير جدا فيهم , مش ده المضحك بقى , المهم إنه نشر قائمه بأسماء المواد السامه الموجوده في العينات اللي كان بيحللها في كل مكان في قسم السموم وأعلنها لكل العاملين بالقسم , والدكتور رجع بيتهم وجه تاني يوم اكتشف إن الدكاتره والفنيين والعمال أكلو اللانشون اللي باقي , قالو خساره نرميه حرام !!.
الموقف ده افتكرته لما شيرت بوست الصبح من صفحه ثورجيه كبيره منسوب لأحمد المسلماني مع إني كاتبه من 3 أيام , مش ده المضحك , اللي يضحكك بقى إن البوست اللي أنا كاتب عليه إنه بتاعي من فوق شيره 15 واحد من أصحابي بعد ما نشرته عندي , يعني شيروه باسم أحمد المسلماني !! .................................................إحنا شعب مالوش حل , ونحمد ربنا إن ثورتنا وصلت لحد كده , كيفما تكونو يولّىَ عليكم !!.

.

محمد حسين