خلاص يا عالم , أنا قربت أكفر بدينكو خلاص , مش ده ديني ومش ممكن يكون دين سماوي اللي بتعتنقوه , أنا أبقى أوسخ من الكلب لو عملت كده , هقتل المسيحي واسحله واضرب اللي يمشي في جنازته وأهجّره من أرضه وتراب بلده , وبعدين أطلع بالليل أتكلم عن التسامح في الإسلام وأحكي قصه سيدنا عمر مع عمرو ابن العاص والقبطي المصري !! , شيزوفرنيا يا مشايخ الوهابيه والجهاديين , إسلام على كيف كيفك , اقتل واسحل واضرب وكلمني عن هداية المشركين لدين التسامح , شيزوفرنيا يا حسان , شيزوفرنيا يا زمر , شيزوفرنيا يا وجدي غنيم , القاتل بيحضر عندنا احتفالات اكتوبر , والتاني بيكفّر ويسخر ويسب ويلعن في دين المسيحيين والتالت بيتجوز , أه والله بيتجوز , الدين عنده إنه يتجوز , رسمي بقى عرفي مسيار زفت الطين , كله بالشريعه بيلين , هنعمل ايه يا خرونج الإخوان ؟ رايح بالبلد على فين ؟ مودي الأزهر على فين والكنيسه على فين ؟ هنقلب لبنان ؟ يا ريتها تيجي على أد لبنان , طيب أقول لكو على سر خطير وانا عارف إنكو مش هتفهموه , في حرب 73 كانو المسيحيين بيدافعو عن تراب البلد دي , وفي حرب فلسطين كانو بيدافعو عن قضيه مش تخصهم أبدا بس اشتركو لأنهم اعتبروها قضيه وطن , والمسيحي المصري كان بيحارب مسيحي أمريكي في الجيش الصهيوني معندوش مشكله , أقولكو على سر أخطر يا أقذر مخاليق ربنا , عمرو ابن العاص لما فتح مصر مجابش المسلمين في إيده وهو جاي , ومصر بقت مسلمه عشان الأقباط اللي أسلمو فيها , يعني جدي وجدي قبطي , أه والله قبطي , إحنا منزلناش من السما ولا احنا شعب الله المختار , إحنا مش خلق بلاس تو وهما درجة تالته , إحنا مش على راس أبونا ريشه , إحنا أصلا عايشين عاله على المسيحيين في العالم , بص حواليك وانت تعرف , وده بسببك وسبب أمثالك , اللهم انتقم !!.
.
محمد حسين
ليست هناك تعليقات:
إرسال تعليق