حكاية الدكتور فريد بدريه
...............والعلاج بالأعشاب عند عادل عبد العال !!
.
وانا في الكليه , في يوم كنت واقف في معمل العقاقير , وشفت راجل مش حالق دقنه وشايل شنطه على ضهره ماشي بيها وماسك في إيده مج نسكافيه عليه رسمه غريبه , وقاعد يلف في المعمل ذي النحله , ويبص في ميكروسكوبات الطلبه , قلت الراجل الأهبل ده يا إما فني معمل جديد يا أما واحد من عبدة الشيطان !!, المهم واحد زميلنا سأل المعيده ( د.أمل) سؤال معرفتش الإجابه , قالت اللي يجاوبكو على السؤال ده هو الدكتور فريد بدريه !! , بنبص نشوف مين بقى بسلامته فريد بدريه , لقيناه الراجل أبو شنطه ومج ده , تاني يوم طلع زميلنا بتاع الجمعيه العلميه يعرفنا على الدكتور فريد بدريه في أول محاضره له واسمع بقى يا سيدي وانت ساكت ( حاصل على ماجستير في كذا , ماجستير في كذا , ماجستير في كذا وكذا وكذا وكذا وكذا.........7 ماجستير ) حاصل على دكتوراه في كذا من جامعة كذا الأمريكيه , دكتوراه في كذا من جامعة كذا اليابانيه , دكتوراه في كذا وكذا وكذا ( 5 دكتوراه ) , المهم بقى إن صاحبنا ده عمره وقتها كان كام ؟ 38 سنه يا مؤمن , يعني عصام الحضري أكبر منه , وكمالة التعريف بالراجل , إنه بروفيسور في جامعة كذا الأمريكيه وجامعة كذا الألمانيه وجامعه كذا وكذا وكذا ( تقريبا نص جامعات العالم المتحضر ) , وأستاذ مساعد في جامعة المنصوره !! هع هع هع ليه بقى مش أستاذ ؟ عشان لسه موصلش للسن القانوني !! , المهم فريد بدريه حكي لنا عن بحث علمي عالمي في سويسرا , حضره بصفته ممثل عن الشرق الأوسط وقاره أفريقيا , اللي حضرو من العالم كله كانو 5 علماء , قريه صغيره مقفوله للعلماء الخمسه ومساعدينهم والفنيين والعلماء , فيها كل أنواع الرفاهيه , حمامات سباحه وسينماهات وغيره, والغرض من البحث اللي هيكلف ملايين الدولارات هو كالتالي ( زيادة فعاليه أحد الأدويه في علاج السرطان ) , كل حاجه جاهزه , المعامل والميكروسكوبات واجهزة التحليل الكروماتوجرافي وغيرها , على كل حيطه من حيطان القريه فيه لوحه مرسوم عليها التركيب الكيميائي للدواء , عشان العلماء ينامو ويقومو يحلمو بيه , مفيش وقت للعالم لدخوله المعمل , وقت ماتحب اشتغل , المهم في نهاية البحث اللي بترعاه شركة أدويه كبيره , قام عالم سويدي تقريبا وقال الحل ( إحنا هنشيل unsatuaration بتاع الرابطه الفلانيه في التركيب الكيميائي , على الفور فريق المساعدين أخد المعلومه بتاعة العالم واشتغل عليها وبدأو ينتجو المركب الجديد بعد التعديل , وكانت النتيجه مبهره , ارتفعت كفاءة الدواء من 25 إلى 70 % , الكلمه اللي قالها العالم دي دي خبرة عشرات السنين بين المعامل والأوراق والكتب وحصل بموجبها على 20 مليون دولار تقريبا !!
هو ده البحث العلمي في مجال الدواء , ماده علميه وأساس صحيح وتعديل وتطوير مستمر للوصول لحاجتين اتنين ( إما رفع الكفاءه أو تقليل الأعراض الجانبيه ) , شركات الأدويه العالميه بتصرف مليارات على البحث العلمي وفي المقابل بتكسب عشرات الأضعاف , ده علم يا سيد , ده إسمه العلم .
وعندنا في مصر , الدكتور عادل عبد العال ( مدرس تربيه رياضيه ) , اكتشف بفضل الله وتوفيقه عشب نابت تحت السرير بيعالج الإيدز والسرطان والبواسير وبيخسس البنات ويزود الإنتصاب عند الرجال , أه والنعمه ذي ما بقولك كده , ويا سلام لو قال إن العشب ده من الطب النبوي , تبقى لعبت معاك يا ريس , أو إن العشب ده كان بينبت جنب البيت الحرام وهو اكتشفه وجابه .
في النهايه حضرتك متعرفش فريد بدريه العالم المصري الكبير اللي ممكن بالكتير يكون عنده عربيه نص عمر وشقه 150 متر في المنصوره , لكن عادل عبد العال نجم مجتمع وملياردير , عايز دليل تاني
.
وانا في الكليه , في يوم كنت واقف في معمل العقاقير , وشفت راجل مش حالق دقنه وشايل شنطه على ضهره ماشي بيها وماسك في إيده مج نسكافيه عليه رسمه غريبه , وقاعد يلف في المعمل ذي النحله , ويبص في ميكروسكوبات الطلبه , قلت الراجل الأهبل ده يا إما فني معمل جديد يا أما واحد من عبدة الشيطان !!, المهم واحد زميلنا سأل المعيده ( د.أمل) سؤال معرفتش الإجابه , قالت اللي يجاوبكو على السؤال ده هو الدكتور فريد بدريه !! , بنبص نشوف مين بقى بسلامته فريد بدريه , لقيناه الراجل أبو شنطه ومج ده , تاني يوم طلع زميلنا بتاع الجمعيه العلميه يعرفنا على الدكتور فريد بدريه في أول محاضره له واسمع بقى يا سيدي وانت ساكت ( حاصل على ماجستير في كذا , ماجستير في كذا , ماجستير في كذا وكذا وكذا وكذا وكذا.........7 ماجستير ) حاصل على دكتوراه في كذا من جامعة كذا الأمريكيه , دكتوراه في كذا من جامعة كذا اليابانيه , دكتوراه في كذا وكذا وكذا ( 5 دكتوراه ) , المهم بقى إن صاحبنا ده عمره وقتها كان كام ؟ 38 سنه يا مؤمن , يعني عصام الحضري أكبر منه , وكمالة التعريف بالراجل , إنه بروفيسور في جامعة كذا الأمريكيه وجامعة كذا الألمانيه وجامعه كذا وكذا وكذا ( تقريبا نص جامعات العالم المتحضر ) , وأستاذ مساعد في جامعة المنصوره !! هع هع هع ليه بقى مش أستاذ ؟ عشان لسه موصلش للسن القانوني !! , المهم فريد بدريه حكي لنا عن بحث علمي عالمي في سويسرا , حضره بصفته ممثل عن الشرق الأوسط وقاره أفريقيا , اللي حضرو من العالم كله كانو 5 علماء , قريه صغيره مقفوله للعلماء الخمسه ومساعدينهم والفنيين والعلماء , فيها كل أنواع الرفاهيه , حمامات سباحه وسينماهات وغيره, والغرض من البحث اللي هيكلف ملايين الدولارات هو كالتالي ( زيادة فعاليه أحد الأدويه في علاج السرطان ) , كل حاجه جاهزه , المعامل والميكروسكوبات واجهزة التحليل الكروماتوجرافي وغيرها , على كل حيطه من حيطان القريه فيه لوحه مرسوم عليها التركيب الكيميائي للدواء , عشان العلماء ينامو ويقومو يحلمو بيه , مفيش وقت للعالم لدخوله المعمل , وقت ماتحب اشتغل , المهم في نهاية البحث اللي بترعاه شركة أدويه كبيره , قام عالم سويدي تقريبا وقال الحل ( إحنا هنشيل unsatuaration بتاع الرابطه الفلانيه في التركيب الكيميائي , على الفور فريق المساعدين أخد المعلومه بتاعة العالم واشتغل عليها وبدأو ينتجو المركب الجديد بعد التعديل , وكانت النتيجه مبهره , ارتفعت كفاءة الدواء من 25 إلى 70 % , الكلمه اللي قالها العالم دي دي خبرة عشرات السنين بين المعامل والأوراق والكتب وحصل بموجبها على 20 مليون دولار تقريبا !!
هو ده البحث العلمي في مجال الدواء , ماده علميه وأساس صحيح وتعديل وتطوير مستمر للوصول لحاجتين اتنين ( إما رفع الكفاءه أو تقليل الأعراض الجانبيه ) , شركات الأدويه العالميه بتصرف مليارات على البحث العلمي وفي المقابل بتكسب عشرات الأضعاف , ده علم يا سيد , ده إسمه العلم .
وعندنا في مصر , الدكتور عادل عبد العال ( مدرس تربيه رياضيه ) , اكتشف بفضل الله وتوفيقه عشب نابت تحت السرير بيعالج الإيدز والسرطان والبواسير وبيخسس البنات ويزود الإنتصاب عند الرجال , أه والنعمه ذي ما بقولك كده , ويا سلام لو قال إن العشب ده من الطب النبوي , تبقى لعبت معاك يا ريس , أو إن العشب ده كان بينبت جنب البيت الحرام وهو اكتشفه وجابه .
في النهايه حضرتك متعرفش فريد بدريه العالم المصري الكبير اللي ممكن بالكتير يكون عنده عربيه نص عمر وشقه 150 متر في المنصوره , لكن عادل عبد العال نجم مجتمع وملياردير , عايز دليل تاني
إننا شعب متخلف عقليا ؟!!.
.
محمد حسين
ليست هناك تعليقات:
إرسال تعليق