مجلس الشورى بتاع البهاليل وافق على استخدام
الشعارات الدينيه في الإنتخابات , على فكره استخدام الشعارات الدينيه ده من مكفرات
أي ديموقراطيه في العالم , ما علينا , المهم بقى بإذن واحد أحد في الإنتخابات
الجايه هنلاقي بانرات الأحزاب تزين جدران المساجد من بره ومن جوه , وشيخ إخوانجي
طالع على المنبر في خطبة الجمعه يتكلم عن عظمة مشروع النهضه ويدعو الناس لإنتخاب
الإخوان وفجأه شيخ سلفي يقوم واقف على حيله ويقول له ( خسئت يا فاسق ) ويدعو الناس
لإنتخاب السلفيين , هنا يظهر شيخ جهادي ويطلع الأر بي جي بتاعه ويضرب طلقه في
الهوا ويقول والله لن يبقى في البرلمان إلا الجهاديين حتى لو تطلب الأمر قتل كل من
عادانا , وفجأه تنشب عاركه بين أنصار ده وأنصار ده , وضرب نار كثيف في الجامع , كل
ده والليبراليين قاعدين يتفرجو ويسمعو ( خطبة الجمعه ) , وعلى أي حال التقرير
المبدئي للنائب العام عن العاركه والحادث اللي راح ضحيته 18 مصلي منهم 35 إخوان
بيشير إلى تورط أحد المصلين وهو مسيحي واسمه جرجس في الحادث !!.
.
محمد حسين
ليست هناك تعليقات:
إرسال تعليق